ಕ್ಷಣ ಚಿಂತನೆ: ಚಿಂತನಾಲಹರಿ...

ನೇತಾಜಿ ಸುಭಾಷ ಚಂದ್ರ ಬೋಸರ ಜನ್ಮದಿನ

2012-01-23T10:09:00.000+05:30

ಇಂದು ಜನವರಿ ೨೩.

೧೮೯೭ ರ ಜನವರಿ ೨೩ ನೇತಾಜಿ ಸುಭಾಷ ಚಂದ್ರ ಬೋಸರ ಜನ್ಮದಿನ. ಅವರನ್ನು ನೆನೆವ ದಿನ. ಮಹಾನ್ ದೇಶಭಕ್ತ, ಅಪ್ರತಿಮ ಧೈರ್ಯಶಾಲಿಯಾಗಿದ್ದ ಇವರು ಭಾರತದಿಂದ ಬ್ರಿಟಿಷರನ್ನು ಹೊರಹಾಕಲು, ಭಾರತಕ್ಕೆ ಸ್ವಾತಂತ್ರ್‍ಯವನ್ನು ಗಳಿಸಿಕೊಡಲು ಇಂಡಿಯನ್ ನ್ಯಾಷನಲ್‌ ಆರ್ಮಿ ಸ್ಥಾಪಿಸಿದರು. ಸ್ವಾತಂತ್ರ್‍ಯ ಹೋರಾಟಗಾರರಲ್ಲಿನ ಪ್ರಮುಖರು. ಇವರ ಪ್ರಮುಖ ಉಕ್ತಿ: ಗಿವ್ ಮಿ ಬ್ಲಡ್, ಐ ವಿಲ್ ಗಿವ್ ಯು ಇಂಡಿಪೆಂಡೆನ್ಸ್' ಎಂಬುದು.

ಇಂತಹ ಧೀರೋದಾತ್ತ ಚೇತನವನ್ನು ನೆನೆವ ದಿನ ಇದು. ನೇತಾಜಿಗೆ ನಮನಗಳು.

ರಾಷ್ಟ್ರೀಯ ಯುವ ದಿನ - ಜನವರಿ ೧೨ - ಸ್ವಾಮಿ ವಿವೇಕಾನಂದರ ಜನ್ಮದಿನ

2012-01-12T12:32:00.000+05:30

ಅಪ್ರತಿಮ ದೇಶಭಕ್ತ, ಸಂನ್ಯಾಸಿ, ವಿರಕ್ತ, ತೇಜೋವಂತ, ಯುವಶಕ್ತಿಯ ಚೇತನ, ಶ್ರೀ ರಾಮಕೃಷ್ಣ ಪರಮಹಂಸರ ಪ್ರಿಯ ಶಿಷ್ಯ, ಪ್ರೀತಿಯ ನರೇನ್, ಶಾರದಾ ಮಾತೆಯ ಪುತ್ರ, ಭಾರತೀಯತೆಯ ಸಂಕೇತ, ಜನ್ಮದಿನ ಇಂದು. ಜಗತ್ತಿಗೆ ಸನಾತನ ಧರ್ಮವನ್ನು ತಿಳಿಹೇಳಿದ, ಭಾರತೀಯತೆಯನ್ನು ಸಾರಿದ, ಶ್ರೀ ಸ್ವಾಮಿ ವಿವೇಕಾನಂದರ ಅವತಾರವಾಗಿ ೧೪೯ ವರ್ಷವಾಗಿದೆ (ಜನವರಿ ೧೨, ೧೮೬೩). ಇಂತಹ ಮಹಾನ್‌ ತೇಜಸ್ವಿಯನ್ನು ನೆನೆವ ದಿನ ಹಾಗೂ ಅದಕ್ಕೆಂದೇ ಭಾರತದಲ್ಲಿ 'ರಾಷ್ಟ್ರೀಯ ಯುವ ದಿನವೆಂದು' ಆಚರಿಸಲಾಗುತ್ತಿದೆ. ಇಂದಿನ ಶಕ್ತಿಯೇ ಯುವಶಕ್ತಿ ಎಂದು ನುಡಿದಿದ್ದ ವಿವೇಕಾನಂದರಿಗೆ ನಮ್ಮ ನಮನಗಳು.

ಅವರ ಕೆಲವು ಧೀರೋದಾತ್ತ ನುಡಿಗಳನ್ನು ಇಲ್ಲಿ ಸ್ಮರಿಸೋಣ. ಒಂದೊಂದೂ ಸಹ ಎಂತಹ ಚೇತನವನ್ನು ಕೊಡುತ್ತದೆ, ಅಲ್ಲವೇ?

Never think there is anything impossible for the soul. It is the greatest heresy to think so. If there is sin, this is the only sin; to say that you are weak, or others are weak.

Our duty is to encourage every one in his struggle to live up to his own highest idea, and strive at the same time to make the ideal as near as possible to the Truth.

The will is not free - it is a phenomenon bound by cause and effect - but there is something behind the will which is free.

The world is the great gymnasium where we come to make ourselves strong.

You cannot believe in God until you believe in yourself.

Take up one idea. Make that one idea your life - think of it, dream of it, live on idea. Let the brain, muscles, nerves, every part of your body, be full of that idea, and just leave every other idea alone. This is the way to success.

ಸ್ವಾಮಿ ವಿವೇಕಾನಂದರಿಗೆ ನಮೋನಮ:

ಇದನ್ನೂ ನೋಡಿ:

http://kshanachintane.blogspot.com/2010/01/blog-post_11.html

ಹೊಸ ವರ್ಷದ ಶುಭಾಶಯಗಳು

2012-01-01T14:25:00.000+05:30

ಬ್ಲಾಗ್ ಓದುಗರೇ, ಬರಹಗಾರರೇ,

ನಿಮಗೆ ಹಾಗೂ ನಿಮ್ಮ ಕುಟುಂಬದವರೆಲ್ಲರಿಗೂ,

೨೦೧೨ - ಹೊಸ ವರ್ಷದ ಶುಭಾಶಯಗಳು

ಹೊಸ ವರ್ಷದ ಶುಭಾಶಯಗಳು - ೨೦೧೨

ಜೈ ಹನುಮಾನ್

2011-12-08T15:09:00.000+05:30

(ಶ್ರೀ ಹನುಮಂತ - ಇದು ತೀರ್ಥಹಳ್ಳಿಯ ಕವಲೇದುರ್ಗದಲ್ಲಿ ಇರುವ ಪುಟ್ಟ ಗುಡಿ. ಚಿತ್ರಕೃಪೆ: ಸಹೋದ್ಯೋಗಿ ಕೃಷ್ಣಚಂದ್ರನ್ ಆರ್. )

ಮಾರ್ಗಶೀರ್ಷ ಮಾಸ, ಶುಕ್ಲ ಪಕ್ಷ, ತ್ರಯೋದಶೀ - ಇಂದು ವಾಯುಪುತ್ರ, ಅಂಜನಾಸುತ, ಶ್ರೀ ರಾಮಭಕ್ತ, ಹನುಮಂತನ ಜಯಂತಿ. ಬಜರಂಗಬಲಿ, ಹನುಮಂತನ ದ್ವಾದಶ (೧೨) ಹೆಸರುಗಳನ್ನು ನೆನೆಯೋಣ.

ಶ್ರೀ ಹನುಮಾನ್ ದ್ವಾದಶ ನಾಮಾವಳಿ

ಹನುಮಾನಂಜನಾ ಸೂನುಃ |
ವಾಯುಪುತ್ರೋ ಮಹಾಬಲಃ

ರಾಮೇಷ್ಟಃ ಫಲ್ಗುಣ ಸಖಃ
ಪಿಂಗಾಕ್ಷೋಽಮಿತವಿಕ್ರಮಃ ||

ಉದಧಿಕ್ರಮಣಶ್ಚೈವ
ಸೀತಾಶೋಕವಿನಾಶಕಃ |

ಲಕ್ಷ್ಮಣಪ್ರಾಣದಾತಾ ಚ
ದಶಗ್ರೀವಸ್ಯ ದರ್ಪಹಾ ||

ದ್ವಾದಶೈತಾನಿ ನಾಮಾನಿ
ಕಪೀಂದ್ರಸ್ಯ ಮಹಾತ್ಮನಃ |

ಸ್ವಾಪಕಾಲೇ ಪಠೇನ್ನಿತ್ಯಂ
ಯಾತ್ರಾಕಾಲೇ ವಿಶೇಷತಃ |

ತಸ್ಯ ಮೃತ್ಯುಭಯಂ ನಾಸ್ತಿ
ಸರ್ವತ್ರ ವಿಜಯೀಭವೇತ್ ||

|| ಜೈ ಹನುಮಾನ್ ||

ಎಲ್ಲರಿಗೂ ಹನುಮಂತನ ದಯವಿರಲಿ.

ಇನ್ನೊಂದಿಷ್ಟು...

2011-11-29T15:00:00.000+05:30

ಇನ್ನೊಂದಿಷ್ಟು ಹೂ ಮತ್ತು ಚಿಟ್ಟೆಗಳನ್ನು ಸೆರೆಹಿಡಿದಿರುವೆ. ಇವುಗಳನ್ನು ನಮ್ಮ ಕಚೇರಿ-ಮನೆ ಆವರಣದಲ್ಲಿ ಸೆರೆಹಿಡಿದಿರುವೆ. ನಿಮ್ಮ ಅಭಿಪ್ರಾಯಗಳನ್ನು ತಿಳಿಸಿ...

ಸ್ನೇಹದಿಂದ,
ಚಂದ್ರಶೇಖರ ಬಿ.ಎಚ್.

ಹೀಗೆ ಸುಮ್ಮನೆ... ಸೆರೆ ಹಿಡಿದದ್ದು..

2011-11-18T13:50:00.000+05:30


ಬೆಂಗಳೂರಿನ ಅರಮನೆ ಮೈದಾನದಲ್ಲಿ, ೨೦೧೦ ರಲ್ಲಿ ನಡೆದ (ಕೆಪಿಎ ಸಲೋನ್ ೨೦೧೦) ಮಾರಾಟ ಮಳಿಗೆಯಲ್ಲಿ ಕಂಡು ಬಂದ ದೃಶ್ಯ.

ಫೋಟೋ: ಚಂದ್ರಶೇಖರ ಬಿ.ಎಚ್.

ಶಾರದೆ, ನಿನ್ನಯ ದಯವಿಲ್ಲದೆ...

2011-10-03T14:47:00.000+05:30

|ಶ್ರೀಶಾರದಾಮಾತೆ|

ಶ್ರೀ ಸರಸ್ವತಿ ನಮಸ್ತುಭ್ಯಂ ವರದೇ ಕಾಮ ರೂಪಿಣೇ|
ತ್ವಾಮಹಂ ಪ್ರಾರ್ಥನೆ ದೇವೀ ವಿದ್ಯಾದಾನಂ ಚ ದೇಹಿ ಮೇ||

ಯಾ ದೇವೀ ಸ್ತುತಯೇ ನಿತ್ಯಂ ವಿಭುಹೈರರ್ವೇದಪರಾಗೈ:|
ಸಮೇ ವಸತು ಜಿಹ್ವಾಗ್ರೇ ಬ್ರಹ್ಮರೂಪ ಸರಸ್ವತಿ||

========================

ಶಾರದೆ, ನಿನ್ನಯ ದಯವಿಲ್ಲದೆ

ವಿದ್ಯೆಯಿಲ್ಲ, ವಿನಯವಿಲ್ಲ ನಮಗೆ

ನಿನ್ನೇ ಜಪಿಸುವೆವು, ಸದಾ ಸರ್ವದಾ

ವಿದ್ಯಾದಾನವನು ನೀಡು, ತಾಯೇ ಭಾರತೀ...

ಶ್ವೇತಾಂಬರಧಾರಿಣೀ, ಶುಭದೇ

ನೀ ದಾರಿ ತೋರದೇ, ಜ್ಞಾನಗಂಗೆ ಹರಿಸದೇ

ಅಜ್ಞಾನ ತೊಳೆಯದು ನಮಗೆ,

ಜ್ಞಾನವನು ನೀಡೆಮಗೆ, ತಾಯೇ ಭಾರತೀ...

ವಾಣೀ, ವಾಗೀಶ್ವರೀ, ನಮ್ಮ ಜಿಹ್ವಾಗ್ರದಲಿ

ಸವಿನುಡಿಗಳ ನುಡಿಸಿ, ಶಾಂತಿಮಂತ್ರವನುಳಿಸಿ

ಪೊರೆಯೆ, ಪರಮಬ್ರಹ್ಮನ ರಾಣಿ,

ಪರಮಾಪ್ತವಾಗಿರಲು ಮನಸುಕೊಡು, ತಾಯೇ ಭಾರತೀ...

ವೀಣಾಧಾರಿಣಿ, ಸಂಗೀತ ವಿಲಾಸಿನಿ,ನಮ್ಮಯ

ಬಾಳಿನೊಳು ಸಂತಸದ ಶೃತಿ ಸೇರಿಸಿ,

ಅದರಲಿ ತಾಳ ತಪ್ಪದ ಬಾಳು ಕೊಡು, ತಾಯೇ ಭಾರತೀ...

ಇದೋ ನಿನಗೆ ನಮನ, ನಿನ್ನ ನಾಮವೆ ನಮಗೆ ಮನನ

ಆಗಿರಲೆಂದು ಜೀವನ, ಪಾವನ ಎಂದು ಹಾರೈಸೆ, ಭಕ್ತಿಯಲಿ

ಬೇಡಿಕೊಂಬೆವು, ಕೊಡುತಾಯೆ ವರವನ್ನ, ತಾಯೇ ಭಾರತೀ...

===================

ಎಲ್ಲರಿಗೂ, ಶ್ರೀ ಸರಸ್ವತೀ ದೇವಿಯ ಕೃಪೆಯಿರಲಿ.

-ಚಂದ್ರಶೇಖರ ಬಿ.ಎಚ್. ೩/೧೦/೨೦೧೧

HOPE

2011-09-30T16:00:00.000+05:30

- H O P E -

Never go gloomy, man with a mind,

Hope is a better companion than fear;

Providence, ever benignant and kind,

Gives with a smile what you take with a tear;

All will be right,

Look to the light.

Morning was ever the daughter of night;

All that was black will be all that is bright,

Cheerily, cheerily, then cheer up.

Many a foe is a friend in disguise,

Many a trouble a blessing most true,

Helping the heart to be happy and wise,

With love ever precious and joys ever new.

Stand in the van,

Strike like a man!

This is the bravest and cleverest plan;

Trusting in God while you do what you can.

Cheerily, cheerily, then cheer up.

- Anonymous

(Excerpted from: It can be done by Morris)/30092011

ಶಿಕ್ಷಕರ ಮತ್ತು ಸಹಪಾಠಿಗಳ ನೆನಪಿನಲ್ಲಿ...

2011-09-09T16:33:00.008+05:30

Old messages are deleted when new messages come to inbox. Old friends are ignored when new one comes. Never do this mistake because some messages can be created but not the same old friend.

ಈ ಮೇಲಿನ ಸಂದೇಶವನ್ನು ನನ್ನ ಸಹೋದ್ಯೋಗಿಯೊಬ್ಬರ ಮಗಳಿಂದ ಬಂದಿತ್ತು. ಓದುತ್ತಾ ಹೋದಂತೆ, ಈ ಮೇಲಿನ ಮಾತಿನಲ್ಲಿ ಎಂತಹ ನಿಜ ಅಡಗಿದೆ ಎನಿಸಿತು. ಎಷ್ಟೋ ಬಾರಿ ಶಾಲಾ ಸ್ನೇಹಿತರು, ಅಥವಾ ಅಕ್ಕಪಕ್ಕದ ಮನೆಯ ಮಿತ್ರರು (ಬಾಲ್ಯದ ಜೀವನದಲ್ಲಿ) ಇವರೆಲ್ಲರೊಂದಿಗೆ ಬೆರೆತು ಓದಿರುತ್ತೇವೆ, ಆಡಿರುತ್ತೇವೆ. ಹಾಗೆಯೇ ಕಾಲ ಕಳೆಯುತ್ತಿದ್ದಂತೆ, ಶಾಲಾ ವಿದ್ಯಾಭ್ಯಾಸ ಮುಗಿದು, ಕಾಲೇಜು, ಅಲ್ಲಿ ಹೊಸ ಮಿತ್ರರು, ನಂತರ ಉದ್ಯೋಗ, ಉದ್ಯೋಗದಲ್ಲಿ ಸಹೋದ್ಯೋಗಿಗಳ ಸ್ನೇಹ, ಆನಂತರ ಅವರಿಂದಲೂ ದೂರವಾಗುತ್ತಾ (ಆಧುನಿಕ ತಂತ್ರಜ್ಞಾನದ ಫಲ) ಫೇಸ್‌ಬುಕ್, ಆರ್ಕುಟ್, ಯಾಹೂ!ಗ್ರೂಪ್‌, ಟ್ಟಿಟ್ಟರ್‌ ಹೀಗೆ ಹೊಸ ಹೊಸ ಸ್ನೇಹ ಸಂಬಂಧಗಳು ಬೆಳೆಯುತ್ತಾ ಹೋಗುತ್ತಿದೆ/ಹೋಗಿರುತ್ತದೆ. ಎಲ್ಲೋ ಕೆಲವು ಮಂದಿಗೆ ಬಾಲ್ಯಮಿತ್ರರು ಮತ್ತೆ ಸಿಕ್ಕಿರುತ್ತಾರೆ ಅಥವಾ ಅವರೊಡನೆ ಇನ್ನೂ ಸಹ ಸ್ನೇಹಸಂಪರ್ಕ ಇಟ್ಟುಕೊಂಡಿರುತ್ತಾರೆ. ಆದರೂ, ಎಲ್ಲೋ ಒಂದು ಕಡೆ ಅವರನ್ನೆಲ್ಲ ದೂರ ಮಾಡಿಕೊಂಡಿರುತ್ತೇವೆ (ಉದ್ಯೋಗ ವಲಸೆ, ಪರದೇಶವಾಸ ಅಥವಾ ಇನ್ನೂ ಅನೇಕ ಕಾರಣಗಳು). ಆದರೂ, ಮೇಲಿನ ವಾಕ್ಯವನ್ನು ಮತ್ತೆ ಮತ್ತೆ ಓದಿದಾಗ... ಏನನಿಸಬಹುದು???

ನನಗಂತೂ ಹೌದು, ಕೆಲವು ಬಾಲ್ಯ ಸ್ನೇಹಿತರು ನೆನಪಿನಲ್ಲಿದ್ದಾರೆ, ಕೆಲವರ ಭೇಟಿ ಆಗುತ್ತಿರುತ್ತದೆ. ಇನ್ನೂ ಕೆಲವರು ವಿದೇಶದಲ್ಲಿದ್ದಾರೆ. ಆದರೆ ಸಂಪರ್ಕವಿಲ್ಲದಿದ್ದರೂ ಹೇಗೋ ಒಮ್ಮೆಯಾದರೂ ಭೇಟಿ ಮಾಡುವ ಅವಕಾಶ ಒದಗಿಬಂದಾಗ ಸಂತಸವಾಗುತ್ತದೆ....

ಮೊನ್ನೆ ಶಿಕ್ಷಕರ ದಿನಾಚರಣೆಗೆ ನಾನು ಓದಿದ್ದ ಶಾಲಾ ಶಿಕ್ಷಕರಲ್ಲಿ ಕೆಲವರನ್ನಾದರೂ ಭೇಟಿ ಮಾಡಬೇಕೆಂಬ ಆಶಯವಿತ್ತು. ಆದರೆ, ಕಾರಣಾಂತರಗಳಿಂದ ಆಗಲಿಲ್ಲ. ಭಾನುವಾರವೇ ಹೋಗುವ ಇಚ್ಛೆಯಿದ್ದರೂ, ಊರಿನಲ್ಲಿರಿಲಿಲ್ಲವಾಗಿ ಭೇಟಿ ಮಾಡಲು ಆಗಲಿಲ್ಲ. ಕಡೆಗೆ ದೂರವಾಣಿ ಮೂಲಕ ಪ್ರಯತ್ನಿಸಿದೆ. ಒಬ್ಬರ ಫೋನ್‌ ನಂಬರ್‌ ಚಾಲ್ತಿಯಲ್ಲಿಲ್ಲ. ಮತ್ತೊಬ್ಬರು ಉತ್ತರಿಸುತ್ತಿಲ್ಲ. ಕೊನೆಗೂ ಸಂಜೆ ಶಾಲಾ ಶಿಕ್ಷಕಿ ಫೋನಿನಲ್ಲಿ ಸಿಕ್ಕಿದಾಗ.... ಅದೆಷ್ಟೋ ಖುಷಿಯಾಯಿತು. ಅವರಿಗೆ ಶುಭಾಶಯ ಹೇಳಿ, ಆರೋಗ್ಯ-ಉದ್ಯೋಗ ವಿಚಾರ ವಿನಿಮಯ ಮಾಡಿಕೊಂಡಿದ್ದಾಯಿತು. ಆಗ, ನಮ್ಮೊಡನಿದ್ದ ವಿದ್ಯಾರ್ಥಿಗಳ ಬಗ್ಗೆಯೂ ಕೇಳಿದರು. ನನಗೆ ತಿಳಿದವರ ವಿಷಯ ಹೇಳಿದೆ. ಅದೊಂದು ಅದ್ಭುತ ಕ್ಷಣವಾಗಿತ್ತು. ಏಕೆಂದರೆ, ಸುಮಾರು ಒಂದು ವರ್ಷದಿಂದ ನಾನು ಓದಿದ್ದ ಶಾಲೆಗೆ ಭೇಟಿಕೊಡಲು ಆಗಿರಲಿಲ್ಲ.
ಈ ಮೇಲಿನ ವಾಕ್ಯವನ್ನು ಓದಿದಾಗ ಇವೆಲ್ಲ ನೆನಪಾಯಿತು....

ಶಿಕ್ಷಕರ ಮತ್ತು ಸಹಪಾಠಿಗಳ ನೆನಪಿನಲ್ಲಿ...

ಚಂದ್ರಶೇಖರ

+++++++++++++++++++++++++++++++++

ಇದನ್ನೂ ನೋಡಿ: http://kshanachintane.blogspot.com/2010/09/blog-post.html

++++++++++++++++++++++++++++++++++

ಶ್ರೀ ಗೌರಿ ಮತ್ತು ಗಣೇಶ ಹಬ್ಬದ ಶುಭಾಶಯಗಳು

2011-08-30T16:12:00.000+05:30

ಚಿನ್ನದ ಕಾಸು... ನಾನು ಕೊಡೊಲ್ಲ!!

2011-08-10T17:06:00.000+05:30

ಚಿನ್ನದ ಕಾಸು... ನಾನು ಕೊಡೊಲ್ಲ!!

ಮೊನ್ನೆ ಕತ್ತರಿಗುಪ್ಪೆ ಕಡೆಯಿಂದ ನಾಗರಬಾವಿ ಕಡೆಗೆ ಹೋಗುವ ಬಸ್ಸಿನಲ್ಲಿ ಬರುತ್ತಿದ್ದೆ. ಸಂಜೆ ಮಳೆಯಲ್ಲಿ, ಟ್ರಾಫಿಕ್‌ ಜಾಮಿನಲ್ಲಿ ಬಸ್ಸು ರಿಂಗ್ ರೋಡಿನಲ್ಲಿ ಸಿಗ್ನಲಲ್ಲಿ ನಿಂತಿತು.

ಒಬ್ಬ ಪ್ರಯಾಣಿಕ ಹತ್ತಿದ. ಆತನು ತಲುಪಬೇಕಿದ್ದ ಸ್ಥಳಕ್ಕೆ ಟಿಕೇಟು ಕೊಂಡನು. ಆದರೆ, ಅದರ ಬೆಲೆ ರೂ.೧೫. ಈತನ ಬಳಿ ೧೦೦ ರ ಒಂದು ನೋಟು ಜೊತೆಗೆ ಒಂದಷ್ಟು ಚಿಲ್ಲರೆ ಇತ್ತು. ನಿರ್ವಾಹಕ ರೂ. ೫ ಇದೆಯಲ್ಲ ಅದು ಕೊಡು ತೊಂಭತ್ತು ರೂಪಾಯಿ ಕೊಡುತ್ತೇನೆ ಅಂತ. ಆದರೆ, ಈತ ಐದು ರೂಪಾಯಿನ ಕಾಯಿನ್‌ ಕೊಡಲೊಪ್ಪುತ್ತಿಲ್ಲ. ಅದು ನನಗೆ ಬೇಕು. ಚೀಟಿಯಲ್ಲಿ ಬರೆದುಕೊಡು ಚಿಲ್ಲರೆ, ಇಳೀವಾಗ ತೊಗೋತೀನಿ ಅಂತ ಇವನ ಹಠ. ನಿರ್ವಾಹಕ ಚಿಲ್ಲರೆ ಇದೆಯಲ್ಲ ಕೊಡು ಅಂತ ಒಂದೇ ಸಮನೆ ಕೇಳುತ್ತಿದ್ದಾನೆ.

ಆದರೆ, ಪ್ರಯಾಣಿಕ ರೂ.೧೩ ಕೊಡುತ್ತೇನೆ. ಇಲ್ಲಾಂದರೆ, ನೂರು ರೂಪಾಯಿ ತೊಗೊಂಡು ಚೀಟಿಯಲ್ಲಿ ಉಳಿದ ಚಿಲ್ಲರೆ ಬರೆದುಕೊಡು ಅಂತ ಕೇಳುತ್ತಿದ್ದಾನೆ. ಇದರಿಂದ ನಿರ್ವಾಹಕನಿಗೆ ರೇಗಿತು. ಐದು ರೂಪಾಯಿ ಕೊಡು ಇಲ್ಲಾಂದರೆ ಬೇರೆ ಬಸ್ಸು ಹತ್ತು ಅಂತ. ಆದರೆ, ಈ ಪ್ರಯಾಣಿಕ ಒಪ್ಪೊತ್ತಿಲ್ಲ.

ಏನಯ್ಯಾ ಮಾಡ್ತೀಯಾ ಆ ಕಾಯಿನ್‌ ಇಟ್ಕೊಂಡು ಅಂತ ನಿರ್ವಾಹಕ. ಅದಕ್ಕೆ.... ಆ ಪ್ರಯಾಣಿಕ ಹೇಳಿದ್ದು:

ಇದು ಗೋಲ್ಡ್ ಕಾಯಿನ್‌....
ನನಗೆ ಐದು ರೂಪಾಯಿನ ಈ ಕಾಯಿನ್‌ ಬೇಕು.
ಗೋಲ್ಡ್ ಕಾಯಿನ್ ಇದು. ನಾನು ಕೊಡೊಲ್ಲ.

ನನಗೆ ಇನ್ನೂ ಇಂತಹ ನೂರು ಕಾಯಿನ್‌ ಕೊಡು ತೊಗೊತೀನಿ. ಈ ಕಾಯಿನ್‌ ಕೇಳಬೇಡ. ನೂರು ರೂಪಾಯಿ ಕೊಟ್ಟಿದೀನಿ ಚಿಲ್ಲರೆ ನಿನ್ನತ್ರ ಇದೆ ಕೊಡು. ಇಲ್ಲಾ ಬರೆದುಕೊಂಡು, ಸುಮ್ನೆ ತಲೆ ತಿನ್ಬೇಡ ಎಂದಾಗ...

ನಿರ್ವಾಹಕ ಬಯ್ದುಕೊಳ್ಳುತ್ತಾ.. ನಿನ್ನಂತ ೫-೬ ಜನ ಇದ್ರೆ ನನ್ನ ಕೆಲಸ ಹೋಗುತ್ತೆ, ಅಷ್ಟೆ. ಟಿಕೇಟು ಕೊಡಕ್ಕೆ, ಚಿಲ್ರೆ ಕೊಡಕ್ಕೆ ಆಗಲ್ಲ.. ಎಂದು ಗೊಣಗುತ್ತಾ...ಮರುಮಾತಿಲ್ಲದೇ, ನಿರ್ವಾಹಕ ನೂರು ರೂಪಾಯಿ ತೊಗೊಂಡು ಚಿಲ್ಲರೆ ಕೊಟ್ಟನು.

ಹೌದು. ಜನಕ್ಕೆ `ಚಿನ್ನ' ಎಂದರೆ ಅಂತಹ ಆಸೆ. ಚಿನ್ನ/ಬಂಗಾರ ಕೊಳ್ಳಲಾಗದಿದ್ದರೂ ಈ ಐದು ರೂಪಾಯಿನ ಗೋಲ್ಡ್ ಕಲರ್‌ ಕಾಯಿನ್‌ನಲ್ಲೇ ಬಂಗಾರ ಕೊಂಡು ಅನುಭವ ಅವನಿಗಾಗುತ್ತಿರಬೇಕು. ಅವನ ಹವ್ಯಾಸವೋ ಮತ್ತೊಂದೋ ಒಟ್ಟಿನಲ್ಲಿ ಈ ಘಟನೆ `ಚಿನ್ನ'ದ ರೂಪದ ಯಾವುದೇ ಆದರೂ ಮನುಷ್ಯನನ್ನು ತನ್ನ ಬಲೆಗೆ ಕೆಡವಿಕೊಳ್ಳುತ್ತೆ ಎನ್ನಬಹುದು.

ಏನಂತೀರಿ?

ಚಂದ್ರಶೇಖರ ಬಿ.ಎಚ್.
೧೦/೦೮/೨೦೧೧

ನಾಗರಪಂಚಮಿ ಶುಭಾಶಯಗಳು

2011-08-03T17:41:00.001+05:30

ನಾಗರ ಪಂಚಮಿ ಹಬ್ಬದ ಶುಭಾಶಯಗಳು

ಫೋಟೋ+ಕಲ್ಪನೆ: ಚಂದ್ರಶೇಖರ ಬಿ.ಎಚ್.

ದಟ್ ಇಸ್ ದಟ್...

2011-07-18T16:56:00.000+05:30

ಬಹಳ ದಿನಗಳಿಂದ ಏನಾದರೂ ಬರೆಯಬೇಕೆಂದುಕೊಂಡರೂ ಬರೆಯಲು ಅದೇಕೋ ಆಗುತ್ತಿರಲಿಲ್ಲ. ಹೀಗೆಯೇ ಏನಾದರೂ ಬರೆಯಬೇಕೆಂದು ಯೋಚಿಸುತ್ತಾ ಕುಳಿತಿದ್ದೆ ಗಣಕ ಯಂತ್ರದ ಮುಂದೆ. ಕಚೇರಿಯಲ್ಲಿನ ಬೇರೆಲ್ಲ, ಅಂದರೆ ನನ್ನ ಪಾಲಿನ ಕೆಲಸ ಮುಗಿದಿತ್ತು. ಅತ್ತ ಕಡೆ ಸಭೆ ನಡೆಯುತ್ತಿತ್ತು. ಇಲ್ಲಿ ನಾನು ಖಾಲಿ ಕೂತಿದ್ದೆ. ಏನು ಮಾಡುವುದು? ಯೋಚನೆ. ಯೋಚನೆ??

ಹೀಗಿರುವಾಗ, ಬಿಡುವಿನ ವೇಳೆಯಲ್ಲಿ ಓದಲೆಂದು (ಜಸ್ಟ್ ಕಣ್ಣಾಡಿಸಲು) ಕೆಲವೊಂದು ವಿದ್ಯುನ್ಮಾನ ಪುಸ್ತಕಗಳನ್ನು ಅಂತರ್ಜಾಲದಿಂದ ಇಳಿಸಿಕೊಂಡಿದ್ದನ್ನು ನೋಡುತ್ತಿದ್ದಾಗ: ನಿರ್ಮಲಾ ಎಂಬುವವರು ಬರೆದ, ದಟ್ ಇಸ್ ದಟ್ * ಪುಸ್ತಕ ತೆರೆದೆ. ೧೦೬ ಪುಟದಲ್ಲಿ, ಸುಮ್ಮನೇ ನೂರನೇ ಪುಟಕ್ಕೆ ಕ್ಲಿಕ್ಕಿಸಿದೆ.

ಆಗ ಕಂಡಿದ್ದು:

I am that
You art that
And that is that.

ಆಗ ನೆನಪಾಗಿದ್ದು ರವಿಚಂದ್ರನ್‌ ರವರ ಒಂದು ಸಿನಿಮಾದ ಹಾಡು (ಸಿನೆಮಾ ನೆನಪಾಗುತ್ತಿಲ್ಲ). ಡಾ. ಎಸ್ಪಿ ಅವರು ಹಾಡಿದ ಹಂಸಲೇಖರ ಗೀತೆ. ರವಿಚಂದ್ರನ್ ಮತ್ತು ತಾಯ್‌ನಾಗೇಶ್ ನಟಿಸಿದ ಚಿತ್ರದ ಹಾಡು:

ನೀನು ನೀನೇ... ಇಲ್ಲಿ ನಾನು ನಾನೇ...
ನೀನು ನೀನೇ...
ಇಲ್ಲಿ ನಾನು ನಾನೇ...

ಇಲ್ಲಿ ಅಹಂ ಎಂಬುದಾಗಿ ತಿಳಿಯಬಹುದಾದರೂ, ಪ್ರತಿಯೊಬ್ಬರೂ ಅವರು ಅವರೇ ಆಗಿರುತ್ತಾರೆ. ಒಬ್ಬನಂತೆ ಮತ್ತೊಬ್ಬನಿರುವುದಿಲ್ಲ ಅಥವಾ ಗುಣಸ್ವಭಾವವೂ ಬೇರೆಯದೇ ಆಗಿರುತ್ತದೆ. ಇಂತಹ ಒಂದು ಸಂದರ್ಭದಲ್ಲಿಯೇ ನನಗೊಂದು ಎಸ್.ಎಂ.ಎಸ್. ನನ್ನ ಸ್ನೇಹಿತೆಯಿಂದ ಬಂದಿತ್ತು. ಅದೇನೆಂದರೆ,

People laugh, because I am different.
I laugh because they all are same!
That's called attitude.
Life is Yours, You live it
in Your Own Way

ಸದಾ ಕಾಲಕ್ಕೂ, ಸಕಲರಿಗೂ ಅನ್ವಯಿಸುತ್ತದೆಯಲ್ಲವೇ? ಯೋಚಿಸಿ ನೋಡಿ..

ಚಂದ್ರಶೇಖರ ಬಿ.ಎಚ್.

*That is That: Essays About True Nature BY NIRMALA Endless Satsang Press, www.endless-satsang.com

ಆರು ಬಲ್ಲರು........

2011-06-09T17:04:00.000+05:30

ಅಂತರ್ಜಾಲವು ಬಂದ ಹೊಸದರಲ್ಲಿ, ನಾವು ನಾಲ್ವರು ಸ್ನೇಹಿತರು ಸೇರಿ ಕೃತಿ ಚೇತನ ಎಂಬ ವಿದ್ಯುನ್ಮಾನ ಪತ್ರಿಕೆಯನ್ನು ಮಾಡುತ್ತಿದ್ದೆವು. ಆ ಸಮಯದಲ್ಲಿ ಹಿರಿಯ ಬರಹಗಾರರಾದ ಶ್ರೀಮತಿ ವಾಣಿ ರಾಮ್‍ದಾಸ್‍ ಅವರು ಒಂದು ಕವನವನ್ನು ಕೊಟ್ಟಿದ್ದರು. ಅದನ್ನು ಮತ್ತೊಮ್ಮೆ ಇಲ್ಲಿ ಪ್ರಸ್ತುತಪಡಿಸುತ್ತಿರುವೆನು.

ಆರು ಬಲ್ಲರು........

ಅಪರಿಚಿತ ನಗೆಯಲಿ ಪರಿಚಿತ ಭಾವ
ನೀನ್ಯಾರೋ, ನಾನ್ಯಾರೋ ಜನ್ಮಾಂತರ ಸ್ನೇಹ
ಭರವಸೆಯ ಆಶಾಕಿರಣ ಅರಸಿತು ನೇಹ
ಪ್ರತಿ ಆತ್ಮದಲೂ ಪ್ರೀತಿಯ ಮೋಹ
ಯಾವ ಮೋಡದಲಿ ಯಾವ ಹನಿಯೋ ಬಲ್ಲವರಾರು?||

ಪ್ರವಾಹದ ಮೊರೆತದಲಿ ಹೃದಯದ ಹಾಡು
ತುಡಿತ ಮಿಡಿತಗಳಲಿ ತವಕಿಸುತಿದೆ ನೋಡು
ಸೆಳೆತಗಳ ಸುಳಿಯಲಿ ಸಿಲುಕಿದೆ ಮನಸು
ಕೆರೆ ನದಿಯತ್ತ, ನದಿ ಸಾಗರದತ್ತ
ಸಾಗರವೆಲ್ಲಿಗೋ ಬಲ್ಲವರಾರು?||

ಕಾಯುತಿದೆ ಭೂಮಿ ಮಳೆಯ ಆಗಮನಕೆ
ತಪಿಸಿ, ತವಕಿಸಿದೆ ನೈದಿಲೆ ಚಂದ್ರಮನ ನೋಟಕೆ
ಹೃದಯದ ಚಿಪ್ಪಿನೊಳಗೆ ಪರಿತಪಿಸುತಿದೆ ಜೀವ
ಎಲ್ಲ ಮನಸ್ಸುಗಳಲಿ ನಿರಂತರ ದಾಹ
ಯಾವ ಮೇಘ ಯಾವ ಗಿರಿಯ ಚುಂಬಿಸುವುದೋ ಆರು ಬಲ್ಲರು?||

ಅರ್ಥವೇ ಆಗದು ಈ ಜೀವನ ಪರಿ
ಅರ್ಥೈಸಿಕೊಳ್ಳುವ ಗೋಜಿಗೆ ಹೋಗದಿರುವುದೇ ಸರಿ
ಅನುಭವವೇ ಜೀವನದ ಅರ್ಥವೇ,
ಅರ್ಥಗಿರ್ಥಗಳ ಹುಡುಕಿ ಅಳಲಿ, ಬಳಲಿರುವೆ
ಇದೇ ಜೀವನದ ಅರ್ಥ, ಎಂದು ತಿಳಿಸುವರಾರು?||

- ವಾಣಿ ರಾಮದಾಸ್

ನೊಣವಿನಕೆರೆ - ರಥೋತ್ಸವ - ಭಾಗ-೧

2011-05-20T15:31:00.001+05:30

ಕಳೆದ ತಿಂಗಳು ನೊಣವಿನಕೆರೆ ಶ್ರೀ ಬೇಟೆರಾಯಸ್ವಾಮಿ ರಥೋತ್ಸವ ಇದ್ದಿತು. ಬಹಳ ವರ್ಷಗಳ ಹಿಂದೆ ರಥೋತ್ಸವಕ್ಕೆ ಹೋಗಿದ್ದು, ಇತ್ತೀಚೆಗೆ ಭೇಟಿಕೊಡಲು ಆಗಿರಲಿಲ್ಲ.

ಮುಂಜಾನೆ ಬೆಂಗಳೂರಿನಿಂದ ತುರುವೆಕೆರೆಗೆ ಬಸ್‌ ಹತ್ತಿದೆ. ಅಲ್ಲಿ ತಲುಪಿದಾಗ ೧೧.೦೦ ಘಂಟೆಯಾಗಿತ್ತು. ತುರುವೆಕೆರೆಯಲ್ಲಿ ದೇವಸ್ಥಾನಕ್ಕೆಂದು ಹೂವು, ಹಣ್ಣು ಕೊಂಡು, ತಿಪಟೂರು ಮಾರ್ಗವಾಗಿ ಹೋಗುವ ಬಸ್‌ ಹತ್ತಿದರೆ. ಆದರೆ, ಕಂಡಕ್ಟರ್‌ ಹೇಳಿದ್ದು ಹೀಗೆ: "ನಾವು, ನೀವು ಕೇಳಿದ ಊರಿಗೆ ಹೋಗಲು ಎರಡು ತಾಸು ಆಗುತ್ತೆ, ಜೊತೆಗೆ ದರವೂ ಜಾಸ್ತಿ". ಅದರ ಬದಲು, "ಹಳೇ ಬಸ್‌ ಸ್ಟಾಂಡಿನಲ್ಲಿ ಇಳೀರಿ, ಇಪ್ಪತ್ತು ನಿಮಿಷಕ್ಕೆ ಊರಿಗೆ ತಲುಪುತ್ತೀರಿ" ಎಂದು ಚಾಲಕನೂ ತಿಳಿಸಿದ. ನಾನೂ ಹಾಗೆಯೇ ಮಾಡಿದೆ.

ದೇವಾಲಯಕ್ಕೆ ತಲುಪಿದಾಗ ಅದಾಗಲೇ ಮಹಾಮಂಗಾಳರತಿಯಾಗಿ ಪ್ರಸಾದ ವಿತರಣೆಯಾಗುತ್ತಿತ್ತು. ನಾನೂ ದೇವಾಲಯದೊಳಗೆ ಹೋದೆ. ಪೂಜೆ ಮಾಡಿಸಿ ಹೊರಬಂದೆ.

ನಂತರ ದೇವರ ಉತ್ಸವಮೂರ್ತಿ ಪೂಜೆ ಶುರುವಾಯಿತು. ಜನವೋ ಜನ. ದೇವಳದ ಸುತ್ತ ಪ್ರಾಕಾರೋತ್ಸವವಿದ್ದುದರಿಂದ ಯಾರು ಬೇಕಾದರೂ ದೇವರ ಪಲ್ಲಕ್ಕಿಯನ್ನು ಹೊರುವ (ಅಂದರೆ ಹೆಗಲು ಕೊಡುವ) ಅವಕಾಶವಿತ್ತು. ಈ ಸದವಕಾಶ ಬಿಡಬಾರದೆಂದು ನಾನೂ ಗುಂಪಿನಲ್ಲಿ ಸೇರಿದೆ.

ಶ್ರೀ ಬೇಟೆರಾಯಸ್ವಾಮಿಯ ಮೂರ್ತಿಯನ್ನು ಪ್ರಾಕಾರದ ಸುತ್ತ ಒಂದು ಪ್ರದಕ್ಷಿಣೆ ಹಾಕಿ ನಂತರ ದೇವಾಲಯದ ಹೊರಗಿನ ಒಂದು ಕೊಠಡಿಯಲ್ಲಿ ಇಳಿಸಲಾಯಿತು. ಆನಂತರ, ಊರಿನ ಮುಖಂಡರಿಂದ ಪೂಜೆ, ಸರ್ಕಾರಿ ಅಧಿಕಾರಿಗಳಿಂದ, ಆರಕ್ಷಕರಿಂದ ಹೀಗೆ ಪೂಜೆ ನೆರವೇರಿಸಿ, ನಂತರ ರಥಕ್ಕೆ ದೇವರ ಮೂರ್ತಿಯನ್ನು ಕೂರಿಸಲಾಯಿತು. ಇದು ಬಹಳ ಕಷ್ಟದ ಕೆಲಸ. ಏಕೆಂದರೆ, ಅಷ್ಟೆತ್ತರದ ಅಟ್ಟಣಿಗೆಯನೇರಿ ರಥದಲ್ಲಿ ಕೂರಿಸುವುದೆ ಸಾಹಸ. ಅದೂ ನೆರವೇರಿತು. ಇಲ್ಲೆಲ್ಲ ನಾನೂ ಓಡಾಡಿದೆ. ಜೊತೆಗೆ ಒಂದಷ್ಟು ಫೋಟೋಗಳನ್ನೂ ಕ್ಯಾಮೆರಾದಲ್ಲಿ ಸೆರೆಹಿಡಿದೆ.

ಬಿಸಿಲ ಧಗೆ ವಿಪರೀತವಿತ್ತು. ರಥವನ್ನು ಎಳೆಯಲು ಒಂದು ತೊಡಕಿತ್ತು. ಅದೇನೆಂದರೆ, ರಥದ ಗಾಲಿಗಳು ಹಳೆಯದಾಗಿದ್ದರಿಂದ ಹಾಗೂ ಏನಾದರೂ ಅನಾಹುತವಾಗುವ ಆತಂಕವಿದ್ದುದರಿಂದ, ಸರ್ಕಾರೀ ಅಧಿಕಾರಿಗಳಿಂದ ಅನುಮತಿಯಿರಲಿಲ್ಲ. ಗ್ರಾಮಸ್ಥರು ತೇರು ಎಳೆಯಬೇಕೆಂದು, ಆದರೆ ಅಧಿಕಾರಿಗಳು ಬೇಡವೆಂದು. ಸುಮಾರು ಹೊತ್ತು ಇದರ ಬಗ್ಗೆ ಚರ್ಚೆಯಾಗಿ, ಆನಂತರ ಒಂದು ಒಪ್ಪಂದವಾಗಿ ತೇರನ್ನು ನಿಧಾನವಾಗಿ ಎಳೆಯಲು ಅನುಮತಿ ಸಿಕ್ಕಿತು. ನಿಧಾನವಾಗಿ ತೇರನ್ನು ದೇವಾಲಯದ ಮುಂಭಾಗಕ್ಕೆ ಎಳೆಯಲು ಜನರ ಹರ್ಷೋದ್ಗಾರದೊಂದಿಗೆ ತೇರು ದೇವಾಲಯದ ಮುಖ್ಯದ್ವಾರಕ್ಕೆ ಬಂದಿತು. ಆ ಕ್ಷಣವೇ ಮುಖ್ಯದ್ವಾರದಲ್ಲಿ ಪಾನಕ, ಕೋಸಂಬರಿ ಹಂಚಲು ಶುರುವಿಟ್ಟುಕೊಂಡರು. ನಾನು ಮತ್ತೊಂದು ಊರಿಗೆ ಹೋಗಬೇಕಿದ್ದರಿಂದ, ನಮ್ಮ ನೆಂಟರೂ ಅಲ್ಲಿ ಬಂದಿದ್ದರಿಂದ ಅವರೊಂದಿಗೆ ಊಟಕ್ಕೆ ಹೊರಟೆ. ವಾಹ್! ಅದ್ಬುತ ಪ್ರಸಾದ ಸಿಕ್ಕಿತು. ಪಾಯಸ, ಲಾಡುಕಾಳು, ಜಿಲೇಬಿ, ಪುಳಿಯೋಗರೆ, ಬಿಸಿಬೇಳೆಭಾತ್, ಮೊಸರನ್ನ, ಹೀಗೆ ಭರ್ಜರಿ ಊಟವಾಯಿತು. ಬಿಸಿಲ ಝಳಕ್ಕೆ ಬೆವರಿನಿಂದ ತೊಯ್ದದ್ದೇ ಆಯಿತು. ನಂತರ ಸ್ವಲ್ಪಹೊತ್ತು ಅಲ್ಲಿಯೇ ಇದ್ದು ಅರ್ಚಕರಿಗೂ, ಮನೆಯವರಿಗೂ ಧನ್ಯವಾದ ಹೇಳಿ ತಿಪಟೂರಿನ ಕಡೆಗೆ ಹೊರಟೆ.

ಇನ್ನೂ ಇದೆ...

ಓ! ಚಲುವೆ...

2011-05-04T16:26:00.000+05:30

ಓ ಚಲುವೆ - ರಾಗ ತಾಳ

ಓ ಚಲುವೆ ನಾಟ್ಯದ ಸಿರಿನವಿಲೆ

ಹಂಸದ ನಡೆಯವಳೆ

ನಿನ್ನ ಮೋಹದ ಅಮಲಿನಲಿ ನಾ ಮೈ ಮರೆತಿರುವೆ......

ನನ್ನ ಮನಸಿನ ಮಂದಿರದಿ ದೇವತೆ ನೀನಾದೆ

ನನ್ನ ಕನಸಿನ ಲೋಕದಲಿ ರಾಣಿಯು ನೀನಾದೆ

ನನ್ನ ಮಧುರ ಶ್ರುತಿಗಳ ಆಲೆಗಳಲಿ ತೇಲುವ ದೋಣಿಯು ನೀ

ಬಾ ತೀರದಿ ಕಾಯುತಿರೆ, ಈ ಹೃದಯವು ಮಿಡಿಯುತಿದೆ !!

ಓ ಚಲುವೆ (ಪಲ್ಲವಿ)

ವಿಕಸಿತ ಕುಸುಮದಲೂ ನಿನ್ನ ಹೂ ನಗೆ ಮೂಡುವುದು

ತೇಲುವ ಮುಗಿಲಿನಲೂ ನಿನ್ನ ರೂಪವೆ ಕಾಣುವುದು

ನನ್ನ ದೇಹದ ಪ್ರತಿ ಕಣ ಕಣದಲ್ಲೂ ನೀನೆ ತುಂಬಿರುವೆ

ಕಣ್ ತೆರೆದರೆ ಕಾಣಿಸುವೆ, ಈ ಮನದಲಿ ಉಳಿದಿರುವೆ

!! ಓ ಚಲುವೆ (ಪಲ್ಲವಿ)

ಸುಂದರಿಯೇ ನನ್ನ ಅಶಾ ಮಂಜರಿಯೆ

ನನ್ನ ತನುವಿನ ಅಣು ಅಣುವೆ

ನಿನ್ನ ಪ್ರೇಮದ ಪಂಜರದಿ ನಾ ಜಪಿಸುವ ಗಿಳಿಯಾದೆ,

ತಪಿಸುವ ಮಣಿಯಾದೆ

!!ಓ ಚಲುವೆ (ಪಲ್ಲವಿ)

Gift by PTN

ಬಾಲಜಗತ್ತು ಎತ್ತ ಸಾಗುತ್ತಿದೆ?

2011-04-21T17:09:00.002+05:30

ಈಗೊಂದು ಹತ್ತು ದಿನಗಳ ಹಿಂದೆ ಒಂದು ಶನಿವಾರ ಮಧ್ಯಾಹ್ನ ಬಾಪೂಜಿನಗರದ ಸ್ಯಾಟಲೈಟ್‌ ಬಸ್‌ ನಿಲ್ದಾಣದಲ್ಲಿ ನಿಂತಿದ್ದೆ. ವಿಜಯನಗರ ಬಸ್ಸಿಗಾಗಿ ಕಾಯುತ್ತಿದ್ದೆ. ಸುಮಾರು ೮-೯ನೇ ತರಗತಿಯ ಹುಡುಗರು ಮೊಬೈಲ್‌ ಹಿಡಿದು ನಿಂತಿದ್ದರು. ಅದೇನೋ ಹರಟುತ್ತಿದ್ದರು. ಯಾರಿಗಾಗಿಯೋ ಕಾಯುತ್ತಿದ್ದರು. ಕಾಯುತ್ತಿದ್ದವರಿಗೆ ಖುಷಿಯಾಯಿತು. ಅಲ್ಲಿಗೆ ಇಬ್ಬರು ಹುಡುಗಿಯರು ಬಂದರು. ಇನ್ನೇನು ಮುಂದಿನ ವರ್ಷ (ಜೂನ್‌ ಶಾಲೆ ಪುನರಾರಂಭ) ಸಿಗೋಣ ಅಂತ ಮಾತಾಡಿದರು.

ಇನ್ನೊಬ್ಬ ಲೋ, ಫೋನ್‌ ನಂಬರ್‍, ಮೊಬೈಲ್‌ ನಂಬರ್‌ ತೊಗೊಳ್ಳೊ ಎನ್ನುತ್ತಿದ್ದ. ಅವರ ಬಳಿ ಲೇಖನಿ ಇರಲಿಲ್ಲ. ಆ ಹುಡುಗಿ ನಂಬರ್‍ ಬೇಗ ಬರಕೋ ಅಥವಾ ಮೊಬೈಲ್‌ ಸೇವ್‌ ಮಾಡಿಕೋ ಅಂತ.. ಈತ ನಂಬರ್‍ ಬರೆದುಕೊಳ್ಳಲು ನನ್ನ ಬಳಿ ಬಂದು ಲೇಖನಿ ತೆಗೆದುಕೊಂಡು ಹೋದ. ಮತ್ತೆ ಥ್ಯಾಂಕ್ಸ್ ಎಂದು ವಾಪಸ್ಸು ಕೊಟ್ಟೂ ಹೋದ.

ಅ ಹುಡುಗಿಯರೂ ಇನ್ನೂ ಸ್ವಲ್ಪ ಹೊತ್ತು ಮಾತಾಡುತ್ತಿರೋಣ ಅಂದರೆ ನಮ್ಮಮ್ಮ ಕರೀತಿದಾರೆ. ನೋಡು, ಅಲ್ಲಿದಾರೆ. ಬೈ ಎಂದು ಹೊರಟು ಹೋದಳು. ಅವಳ ಗೆಳತಿಯೂ ಸಹ ಹೊರಟುಹೋದಳು.

ಲೋ, ಫೋನ್ ನಂಬರ್‍ ತೊಗೊಂಡೆ. ಆದರೆ ಮೊಬೈಲ್‌ ಫೋನ್‌ನಲ್ಲಿ ಸೇವ್‌ ಮಾಡಿದರೆ ಮನೆಯಲ್ಲಿ ಗೊತ್ತಾಗುತ್ತೆ... ಬೇರೆ ಹೆಸರು ಸೇವ್‌ ಮಾಡಿಕೋ ಎಂದು ಮಾತಾಡುತ್ತಾ ಹೊರಟು ಹೋದರು.

==============

ಇನ್ನೊಂದು ಘಟನೆ...

ವಿಜಯನಗರ ಬಸ್ಸು ನಿಲ್ದಾಣದಲ್ಲಿ ೩-೪ ಶಾಲಾ ವಿದ್ಯಾರ್ಥಿ ಮತ್ತು ವಿದ್ಯಾರ್ಥಿನಿಯರು ನಿಂತಿದ್ದರು. ಅದೂ ಸ್ವಲ್ಪ ದೂರದೂರದಲ್ಲಿ. ಆ ಗುಂಪಿನಲ್ಲಿನ ಒಂದು ಹುಡುಗಿ ಲೇ, ನನ್ನ ಕಡೆ ಅವನು ನೋಡ್ತಾ ಇಲ್ಲ ಅಂತ...

ಇನ್ನೊಬ್ಬಳು, ಅವನು ನೋಡೋವಾಗ ನೀನು ಈ ಕಡೆ ತಿರುಗಿದ್ದೆ ಅಂತ... ಒಟ್ಟಿನಲ್ಲಿ ಹೀಗೆ ಸಂಭಾಷಿಸುತ್ತಾ ಇದ್ದವರು, ಜನಜಂಗುಳಿ ಜಾಸ್ತಿಯಾಗುತ್ತಿದ್ದಂತೆ ಎಲ್ಲ ಒಟ್ಟಿಗೇ ಸೇರಿ, ಬಟ್ಟೆ, ಫೋನು, ಮುಂದೆ ಎಲ್ಲಿ ಭೇಟಿ ಮಾಡೋದು? ಸಿನಿಮಾ ಅಥವಾ ಪಾರ್ಕಿಗೆ ಹೋಗೋದಾ... ಇಲ್ಲಾ ಫ್ರೆಂಡ್‌ ಮನೆ ಅಂತ ಟ್ರಿಪ್‌ ಹೋಗೋದಾ ಅಂತ ಒಬ್ಬರಿಗೊಬ್ಬರು ಪ್ರಶ್ನೆ ಮಾಡಿಕೊಳ್ಳುತ್ತಿದ್ದರು.

ಕಡೆಗೆ ಒಂದು ಬಸ್‌ ಬಂತು. ಎಲ್ಲ ಹೊರಟು ಹೋದರು. ಆದರೆ.... ಒಬ್ಬ ವಿದ್ಯಾರ್ಥಿನಿ ಮತ್ತು ೩-೪ ವಿದ್ಯಾರ್ಥಿಗಳು ಅಲ್ಲಿಯೇ ಇದ್ದು, ನಂತರ ಒಬ್ಬೊಬ್ಬರೇ ಮರೆಯಾದರು.

==================

ಇಂದಿನ ಬಾಲಜಗತ್ತು ಎತ್ತ ಸಾಗುತ್ತಿದೆ? ಈಗಲೇ ಇವರಿಗೆ ಇದೆಲ್ಲಾ ಬೇಕಾ? ತಮಾಷೆಗೋ ಅಥವಾ ಯಾವುದೋ ಸಿನಿಮಾ ನೋಡಿ, ಅದರಲ್ಲಿನ ಹೀರೋ (??) ಅಥವಾ ವಿಲನ್‌ (??) ಇವರ ನಟನೆಯನ್ನೇ ಅನುಕರಿಸಲು ತವಕಿಸುವುದಕ್ಕೋ?? ಅಥವಾ ಮನೆಯಲ್ಲಿ ಸಭ್ಯರಂತಿದ್ದು ಹಾದಿ ತಪ್ಪುತ್ತಿರುವರೆ? ಯಾರಿಗೆ ಗೊತ್ತು?

===========

ಇದೇನು? ಇವೆಲ್ಲ ಕೇಳಿಸುಕೊಳ್ಳುವ ಕಿವಿ ನಿಮ್ಮದಾಗಿತ್ತೇ ಎಂದರೆ, ಹೌದು. ಏಕೆಂದರೆ, ಅವರಿನ್ನೂ ಹೈಸ್ಕೂಲು ದಾಟಿರದವರು... ಕಡೇ ಪಕ್ಷ ೧೦ನೇ ತರಗತಿ ಪರೀಕ್ಷೆ ಬರೆದವರೂ ಅಲ್ಲ...

chandrashekara b.h.

ಹಣದಾಸೆಗಾಗಿ...

2011-04-19T14:37:00.000+05:30

ಅಪರೂಪಕ್ಕೆಂದು ಈ ಒಂದು ಕಾರ್ಯಕ್ರಮದ ತುಣುಕು ನೋಡಿದೆ...

ಅದು....

ಪ್ಯಾಟೆ ಹುಡ್ಗೀರ್‌ ಹಳ್ಳಿ ಲೈಫು-೨. ಈ ಒಂದು ರಿಯಾಲಿಟಿ ಷೋನ ಸಾಕಷ್ಟು ಎಪಿಸೋಡುಗಳು ಪ್ರಸಾರವಾಗಿದೆ. ಹೀಗೆ ಮೊನ್ನೆ ಒಂದು ಚಲನಚಿತ್ರದ ನಡುವೆ ಈ ವಾರದ ಎಪಿಸೋಡಿನ ದೃಶ್ಯಾವಳಿ, ಅಲ್ಲಿನ ನಿಯಮಗಳನ್ನು ಜಾಹಿರಾತಿನಂತೆ ತೋರಿಸುತ್ತಿದ್ದರು. ಅದರಲ್ಲಿಯೂ ಯುವತಿಯರು ಕುಸ್ತಿ ಮಾಡುವುದು, ಸುತ್ತಲಿನ ಹಳ್ಳಿಯ ಜನ ಇವರ ಕುಸ್ತಿಯಾಟ ನೋಡುವುದು. ಸೋತವರಿಗೆ ಕೇಕೆ ಹಾಕಿ ನಗುವುದು ಇತ್ಯಾದಿ. ಕುಸ್ತಿಯಾಟದಲ್ಲಿ ಒಬ್ಬ ಯುವತಿಗೆ ಪೆಟ್ಟಾಗಿ ಆಸ್ಪತ್ರೆಯಲ್ಲಿ ಇದ್ದು ಬಂದಿದ್ದೂ ಆಯಿತಂತೆ.

ಮತ್ತೊಂದು ದೃಶ್ಯ ನೋಡಿದೆ. ಭಾರೀ ಎತ್ತೊಂದು ಸುತ್ತಲೂ ಬಂದು ಮಾಡಿದ ಬಯಲಿನಲ್ಲಿ ನಿಂತಿದೆ. ಅದನ್ನು ಇಬ್ಬರು ತರಬೇತುದಾರರು ಹಿಡಿದಿದ್ದಾರೆ. ಆ ಎತ್ತಿನ ಕೊರಳಿಗೆ ಮೂರು ನಿಮಿಷದಲ್ಲಿ ಗಂಟೆ ಕಟ್ಟಬೇಕಂತೆ. ಆ ಎತ್ತನ್ನು ನಾವು ತೆರೆಯ ಮೇಲೆ ನೋಡಿದರೇ ಭಯವೆನಿಸುವಷ್ಟಿದೆ. ಅಂತಹುದಕ್ಕೆ ಇದೊಂದು ಟಾಸ್ಕು. ಜೊತೆಗೆ ಈ ಕಾರ್ಯಕ್ರಮ ನಿರೂಪಕ ಹೇಳುತ್ತಾನೆ. ಧೈರ್ಯ ಇಲ್ಲದಿದ್ದರೆ ಈ ಕಾರ್ಯಕ್ರಮದಿಂದ ಔಟು. ನೋಡಿ ರೂ.೧೫.೦೦ ಲಕ್ಷ ಕಳೆದುಕೊಳ್ಳೊ ಹಾಗಿದ್ದರೆ ಟಾಸ್ಕ್ ಬಿಟ್ಟುಬಿಡಿ. ಇನ್ನೊಂದು ಮಾತು. ಈ ಎತ್ತು ರೇಗಿದರೆ ಅದನ್ನು ನಿಯಂತ್ರಿಸಲು ಕಷ್ಟ. ಜೀವಕ್ಕೇನಾದರೂ (ಈ ಟಾಸ್ಕಿನಲ್ಲಿ ಧೈರ್ಯಮಾಡಿ ಕಟಾಂಜನದೊಳಗೆ ಹೋದವರು) ಅಪಾಯವಾದರೆ `ನಾವು' ಜವಾಬ್ದಾರರಲ್ಲ.

ಇಂತಹ ಕಠಿಣ ನಿಯಮಗಳು. ಅದಕ್ಕಿಂತಲೂ ಯುವತಿಯರನ್ನು ಈ ರೀತಿ ಗೋಳು ಹುಯ್ದುಕೊಳ್ಳೋದು, ಕೇಕೆ ಹಾಕಿ ನಗುವುದು ಇವೆಲ್ಲ ಯಾಕೆ? ಜೊತೆಗೆ ಪ್ರಾಣಕ್ಕೆ ಆಗಲಿ ಅಥವಾ ದೈಹಿಕವಾಗಿ ಅವರಿಗೇನಾದರೂ ಅಪಾಯವೇ ಆದರೂ ಕಾರ್ಯಕ್ರಮವನ್ನು ನಡೆಸುತ್ತಿರುವವರ/ಪ್ರಾಯೋಜಕರು/ ಟಿವಿವಾಹಿನಿಯವರ ಜವಾಬ್ದಾರಿಯಿಲ್ಲ ಎಂದಮೇಲೆ ಹಣದಾಸೆಗಾಗಿ ಈತ ಹೇಳಿದ್ದನ್ನೆಲ್ಲಾ ಮಾಡಲು ಒಪ್ಪಿಕೊಳ್ಳುವ ಈ ಮಂದಿಗೂ ಬುದ್ಧಿ ಭ್ರಮಣೆಯೆ? ಅನ್ನಿಸಿತು. ನೀವ್ಯಾರಾದರೂ ಈ ಕಾರ್ಯಕ್ರಮ ನೋಡಿದ್ದರೆ.... ನಿಮಗೇನನ್ನಿಸಬಹುದು?

ಚಂದ್ರಶೇಖರ ಬಿ.ಎಚ್.

ಶ್ರೀ ರಾಮ ಜಯ ರಾಮ ಜಯ ಜಯ ರಾಮ

2011-04-11T14:53:00.003+05:30

|| ಶ್ರೀ ರಾಮ ಜಯ ರಾಮ ಜಯ ಜಯ ರಾಮ ||

ಚೈತ್ರ ಶುಕ್ಲ ನವಮಿ. ಅಂದು ಅಯೋಧ್ಯಾ ರಾಜನಾದ, ದಶರಥ ಪುತ್ರ ಶ್ರೀ ರಾಮನ ಜನ್ಮದಿನ. ಇದನ್ನು ಸರಳವಾದ ಹಬ್ಬವನ್ನಾಗಿ ಆಚರಿಸುತ್ತಾರೆ. ವಸಂತನಾಗಮನದೊಂದಿಗೆ ಬೇಸಗೆಯೂ ಅಡಿಯಿರಿಸಿರುವಾಗ ಬರುವಂಥಹ ಈ ಹಬ್ಬವು ನಿಜಕ್ಕೂ ಖುಷಿ ಕೊಡುತ್ತದೆ. ಬಿಸಿಲ ಬೇಗೆಯ ನೀಗಿಸಲು ಪಾನಕ, ಕೋಸಂಬರಿ, ಮಜ್ಜಿಗೆ ಸಮಾರಾಧನೆ ಮಾಡುತ್ತಾ ಸರಳವಾಗಿ ಹಬ್ಬವನ್ನು ಆಚರಿಸುತ್ತಾರೆ. ಶ್ರೀರಾಮ ನವಮಿಯಿಂದ ಒಂಭತ್ತು ದಿನಗಳವರೆಗೂ ಕೆಲವರು ಪೂಜೆ, ರಾಮಾಯಣ ಪಠಣ, ಇತ್ಯಾದಿ ಹಮ್ಮಿಕೊಳ್ಳುತ್ತಾರೆ. ಬೆಂಗಳೂರಿನ ಶ್ರೀರಾಮ ಮಂಡಳಿ ಪ್ರತಿವರ್ಷವೂ ಕೋಟೆ ಹೈಸ್ಕೂಲು ಮೈದಾನದಲ್ಲಿ ಸಂಗೀತ ಕಾರ್ಯಕ್ರಮವನ್ನು ಪ್ರಖ್ಯಾತ ಸಂಗೀತಗಾರರನ್ನು ಕರೆಸಿ, ಸಂಗೀತ ಸುಧೆಯನ್ನೇ ಹರಿಸುತ್ತಾರೆ (http://sriramasevamandali.org/) . ರಸ್ತೆ ರಸ್ತೆಗಳಲ್ಲಿ ಮಜ್ಜಿಗೆ, ಕೋಸಂಬರಿ, ಪಾನಕ ಹಂಚುವುದನ್ನೂ ಕಾಣಬಹುದು.

ಎಲ್ಲರಿಗೂ ಶ್ರೀರಾಮನು ಸಕಲ ಸನ್ಮಂಗಳವನ್ನುಂಟು ಮಾಡಲಿ.

ಜೈ ಶ್ರೀರಾಮ್‌

ರೂಪದರ್ಶಿ

2011-04-06T15:09:00.000+05:30

ಮಾರ್ಚ್ ೨೭, ೨೦೧೧ ರಂದು ಸೃಷ್ಟಿ ವೆಂಚರ್‍ಸ್‌ರವರು ಪುಸ್ತಕ ಪರಿಷೆ ಏರ್ಪಡಿಸಿದ್ದರು. ಅಲ್ಲಿ ಹೋಗುವ ಮನಸ್ಸಿತ್ತು. ಶ್ಯಾಮಲಾ ಜನಾರ್ಧನ ಅವರೂ ಬರುತ್ತೇನೆ ಎಂದಿದ್ದರು. ಬೆಳಗ್ಗೆಯೇ ಬಸ್ಸಿನಲ್ಲಿ ಪಯಣಿಸುತ್ತಾ ಸ್ನೇಹಿತ ಶ್ರೀನಾಥ್‌ ಗೆ ಫೋನ್‌ ಮಾಡಿದೆ. ಹೋಗೋಣವಂತೆ. ನಮ್ಮನೇಗೆ ಬನ್ನಿ ಎಂದರು. ಅವರ ಮನೆಗೆ ಭೇಟಿ ಕೊಟ್ಟ ಮೇಲೆ, ಶ್ಯಾಮಲಾರಿಗೆ ಸಂದೇಶ ಕಳಿಸಿದೆ. ನಾವಿನ್ನು ಅಲ್ಲಿಗೆ ತಲುಪುವಷ್ಟರಲ್ಲಿ ನಮಗಾಗಿ ಅಲ್ಲಿ ಕಾದಿದ್ದರು. ಕುಶಲೋಪರಿಯಾದ ಮೇಲೆ ಮಹಡಿ ಹತ್ತಿ ಪುಸ್ತಕ ಪರಿಷೆಯ ಸಭಾಂಗಣಕ್ಕೆ ಕಾಲಿರಿಸಿದೆವು.

ಅಚ್ಚರಿಯಾಯಿತು. ನಾನು ಬಹಳ ದಿನಗಳಿಂದ ಹುಡುಕುತ್ತಿದ್ದ ಪುಸ್ತಕ ಸಿಕ್ಕೇ ಬಿಟ್ಟಿತು. ಅದೂ ಮೊದಲ ಬಾರಿಗೆ ಪುಸ್ತಕವನ್ನು ಜೋಡಿಸಿಟ್ಟಿದ್ದ ಪೆಟ್ಟಿಗೆಯೊಳಗೆ ತಕ್ಷಣವೇ ಸಿಕ್ಕಿತ್ತು. ಖುಷಿಯಾಗಿತ್ತು. ಅದು, ಗೊರೂರು ರಾಮಸ್ವಾಮಿ ಅಯ್ಯಂಗಾರರ `ಅಮೇರಿಕದಲ್ಲಿ ಗೊರೂರು'. ಬಹಳ ಖುಷಿಯಾಯಿತು. ಹೀಗೆಯೆ ಇನ್ನೂ ಬೇರೆ ಬೇರೆ ಪುಸ್ತಕಗಳ ಹೆಸರನ್ನು, ಟಿಪ್ಪಣಿಗಳನ್ನು ಓದುತ್ತಾ/ಹುಡುಕುತ್ತ ಹೋದಂತೆ, ಮತ್ತೊಂದು ಅಪರೂಪದ ಪುಸ್ತಕ ಸಿಕ್ಕಿತು. ಒಬ್ಬರಿಗೆ ಒಂದು ಪುಸ್ತಕ ಉಚಿತ ಎಂದು ಪದೇ ಪದೇ ಬಿತ್ತರಿಸುತ್ತಿದ್ದರು. ಎರಡು ಪುಸ್ತಕದಲ್ಲಿ ಯಾವುದನ್ನು ತೆಗೆದುಕೊಳ್ಳುವುದು? ಎಂಬ ಯೋಚನೆ ಶುರುವಾಯಿತು. ಸರಿ. `ಅಮೇರಿಕದಲ್ಲಿ ಗೊರೂರು' ಪ್ರಕಾಶನ ಸಂಸ್ಥೆಯ ಹೆಸರನ್ನು ನೋಡಿದೆ. ಸ್ನೇಹಿತರೊಂದಿಗೆ ಚರ್ಚಿಸಿದಾಗ, ಈ ಪುಸ್ತಕ ಸಾಹಿತ್ಯ ಪರಿಷತ್ತಿನಲ್ಲಿ ಸಿಗುತ್ತದೆ. ಆದರೆ, ಇನ್ನೊಂದು (ಆಯ್ಕೆ ಮಾಡಿದ್ದ ಮತ್ತೊಂದು ಪುಸ್ತಕ) ಅಪರೂಪದ್ದು. ಅದು ಸಿಗುವುದು ಕಷ್ಟ ಎಂದರು. ನಾನೂ ಯೋಚಿಸಿದೆ. ಕೊನೆಗೆ `.... ಗೊರೂರು' ಬಿಟ್ಟು `ಅಪರೂಪದ' ಪುಸ್ತಕ ತೆಗೆದುಕೊಂಡೆ.

ಅದು ಕೆ.ವಿ. ಅಯ್ಯರ್‌ ಅವರ `ರೂಪದರ್ಶಿ'. ಇದು ೧೯೫೦ ರ ಆಸುಪಾಸಿನಲ್ಲಿ ರೀಡರ್‍ಸ್ ಡೈಜೆಸ್ಟಿನಲ್ಲಿ ಪ್ರಕಟವಾಗಿದ್ದ ಒಂದೆರಡು ಪುಟದ ಬರಹವೇ ಬೃಹತ್‌ ಕಾದಂಬರಿಯಾಗಿ ಶ್ರೀ ಕೆ.ವಿ. ಅಯ್ಯರ್‌ ಅವರಿಂದ ಬರೆಯಲ್ಪಟ್ಟಿದ್ದು. `ರೂಪದರ್ಶಿ' ಓದುತ್ತಿದ್ದೇನೆ. ಸದ್ಯಕ್ಕೆ ಇಷ್ಟು ಸಾಕೆನಿಸಿದೆ. ಪೂರ್ತಿ ಓದಿದ ಮೇಲೆ `ರೂಪದರ್ಶಿ' ಯ ಬಗ್ಗೆ ಬರೆಯುವ ಎಂಬ ಆಲೋಚನೆ ಇದೆ. ನೋಡೋಣ....

ಮತ್ತೊಬ್ಬ ಮಿತ್ರ ಹರ್ಷ ಸಾಲಿಮಠರೂ ಸಿಕ್ಕದ್ದರು. ಒಟ್ಟಿನಲ್ಲಿ ಒಂದು ಪುಸ್ತಕ ಪರಿಷೆಯಿಂದಾಗಿ ಬಹಳಷ್ಟು ದಿನಗಳಿಂದ ಭೇಟಿಯಾಗದಿದ್ದ ಮಿತ್ರರ ಭೇಟಿಯಾಗಿತ್ತು.

ಚಂದ್ರಶೇಖರ ಬಿ.ಎಚ್.

ಶ್ರೀ ಖರ ಸಂವತ್ಸರ: ಉಗಾದಿ ಹಬ್ಬದ ಶುಭಾಶಯಗಳು

2011-04-01T16:46:00.004+05:30

ಉಗಾದಿ ಹಬ್ಬದ ಶುಭಾಶಯಗಳು.

ನಿಮಗೆ ಮತ್ತು ನಿಮ್ಮ ಕುಟುಂಬದವರೆಲ್ಲರಿಗೂ "ಶ್ರೀ ಖರ" ನಾಮ ಸಂವತ್ಸರದ ಶುಭಾಶಯಗಳು (ಮೂರು ದಿನ ಮುಂಚಿತವಾಗಿ).
ನಿಮ್ಮೆಲ್ಲರಿಗೂ ಸಕಲ ಸೌಭಾಗ್ಯಗಳನ್ನೂ, ಹೊಸ ಕನಸುಗಳೆಲ್ಲವನ್ನೂ ನನಸಾಗಿಸಲಿ, ಈ ಉಗಾದಿಯು..

ಸ್ನೇಹದಿಂದ,

ಚಂದ್ರಶೇಖರ ಬಿ.ಎಚ್.

living magnet

2011-03-29T12:49:00.000+05:30

"The heights by great men reached and
kept, were not attained by sudden
flight, but they, while their companions
slept, were toiling upward in the night."
- Henry Wadsworth Longfellow

"You are a living magnet. What you
attract into your life is in harmony
with your dominant thoughts."
- Brian Tracy

ಮೇರೆ ರಂಗದೇ ಬಸಂತಿ... : ಶಹೀದರುಗಳಿಗೆ ನಮನ

2011-03-23T11:21:00.002+05:30

ಇಂದು ಭಗತ್ ಸಿಂಗ್, ರಾಜಗುರು ಮತ್ತು ಸುಖದೇವರನ್ನು ಗಲ್ಲಿಗೇರಿಸಿದ ದಿನ (೨೩ ಮಾರ್ಚ್ ೧೯೩೧). ಈ ಹುತಾತ್ಮರೂ ಇನ್ನೂ ತಾರುಣ್ಯದಲ್ಲಿದ್ದಾಗಲೇ ಭಾರತಮಾತೆಯನ್ನು ಬ್ರಿಟಿಷರಿಂದ ಬಂಧಮುಕ್ತಗೊಳಿಸಲು ಪಣತೊಟ್ಟು, ಪಾರ್ಲಿಮೆಂಟಿನಲ್ಲಿ ಬಾಂಬೆಸೆದು, ಆಂಗ್ಲರ ಪರವಾದ ನ್ಯಾಯಕ್ಕೆ (ಅದು ಯಾವಾಗಲೂ ಹಾಗೆಯೇ ಅಲ್ಲವೇ ಆಳುವವನಿಗೇ ಅಧಿಕಾರ ಮತ್ತು ಕಾನೂನು ತನ್ನ ಮಾತಿನಂತೆ ನಡೆಯುವುದು) ತಮ್ಮನ್ನು ದೇಶಕ್ಕಾಗಿ ಅರ್ಪಿಸಿಕೊಂಡರು. ದೇಶಕ್ಕಾಗಿ ಚಿಂತಿಸಿದರು, ದುಡಿದರು ಹಾಗೂ ತಮ್ಮ ಯೌವನಾವಧಿಯಲ್ಲಿಯೇ ಹುತಾತ್ಮರಾಗಿ ಚಿರಕಾಲ ಜನಮಾನಸದಲ್ಲಿ ಉಳಿದರು. ಇವರೆಲ್ಲ ಪ್ರಾತ:ಸ್ಮರಣೀಯರು. ಅವರು ಅಂದು ನೀಡಿದ ಘೋಷವಾಕ್ಯ ಇಂದಿಗೂ ಪ್ರಸ್ತುತವೆನಿಸುತ್ತದೆ:

“If the deaf are to hear, the sound has to be very loud. When we dropped the bomb, it was not our intention to kill anybody.”

ದೇಶಭಕ್ತಿಯ ಪ್ರತಿರೂಪಗಳಾದ ಈ ಹುತಾತ್ಮರುಗಳಿಗೆ ನಮ್ಮೆಲ್ಲರ ನಮನ ಸಲ್ಲಿಸೋಣ.

ವಾಟರ್‌ ಫಾರ್‍ ಸಿಟೀಸ್ - ವಿಶ್ವ ಜಲದಿನ - ಹಿತಮಿತ ಬಳಕೆ ಇರಲಿ

2011-03-22T17:13:00.004+05:30

ಬಿಸಿಲ ಬೇಗೆ ನಿಧಾನವಾಗಿ ಆವರಿಸುತ್ತಿದೆ. ಜಪಾನಿನಲ್ಲಿ ಸಾಗರದ ಆರ್ಭಟದಿಂದಾಗಿ ಅಲ್ಲಿನ ನಿವಾಸಿಗಳಿಗೆ ಕುಡಿಯಲು ಕೇವಲ ೨೦೦ ಎಂ.ಎಲ್. ನೀರು ಕೊಡುತ್ತಿದ್ದಾರೆ ಎಂದು ವರದಿಯಾಗಿತ್ತು. ದೂರದರ್ಶನ ಮಾಧ್ಯಮದಲ್ಲಿಯೂ ತೋರಿಸುತ್ತಿದ್ದರು. ಕಳೆದ ತಿಂಗಳು ನೀರು ಸರಬರಾಜು ಸರಿಯಾಗಿ ಮಾಡುತ್ತಿಲ್ಲ. ನೀರಿನ ಪೂರೈಕೆಯ ಮನವಿಗಳಿಗೆ ಸ್ಪಂದಿಸುತ್ತಿಲ್ಲ ಎಂದು ನಾಗರಿಕರು ಜಲಮಂಡಳಿಗೆ ಮುತ್ತಿಗೆ ಹಾಕಿ ತರಾಟೆಗೆ ತೆಗೆದುಕೊಂಡಿದ್ದರು. ದಿನಪತ್ರಿಕೆಗಳಲ್ಲಿ ನೀರಿಗಾಗಿ ಜನರ ಪರದಾಟದ ವರದಿಗಳು, ಚಿತ್ರಗಳು ಬರುತ್ತಿವೆ.

ನಿನ್ನೆಯ ದಿನ ದೂರದರ್ಶನ ವಾಹಿನಿಯೊಂದರಲ್ಲಿ ಇನ್ನು ಮುಂದೆ ನೀರನ್ನೂ ಸಹ ಪೆಟ್ರೋಲ್‌ಬಂಕಿನಲ್ಲಿ ಪೆಟ್ರೊಲ್, ಡೀಸೆಲ್ ಖರೀದಿಸಿದಂತೆ ಖರೀದಿಸುವ ದಿನಗಳೂ ಹತ್ತಿರವಿಲ್ಲ ಎಂದು ಚರ್ಚೆ ನಡೆಯುತ್ತಿತ್ತು. ಜಲ, ನೀರು, ಪಾನಿ, ವಾಟರ್‍ ಯಾವುದೇ ಹೆಸರಿನಿಂದ ಕರೆದರೂ ಇದು ಜಗತ್ತಿನ ಜೀವಿಗಳ ಜೀವನಾಡಿ. ಇದರ ಸದುಪಯೋಗ ಅಥವಾ ಅಲಭ್ಯ ಎಂತಹ ಪ್ರಬಲ ಹೊಡೆತ ಕೊಡುತ್ತದೆ ಎಂದು ಅರಿವಾಗುವುದು ನೀರಿಗಾಗಿ ಬವಣೆ ಪಟ್ಟಿದ್ದರೆ ಮಾತ್ರ ಅರ್ಥವಾಗುತ್ತದೆ. ನೀರಿಲ್ಲದೆ ಮರವಿಲ್ಲ ಗಿಡವಿಲ್ಲ, ಬೆಳೆಯಿಲ್ಲ ನೀರು ನೀರಲ್ಲದೆ ಬೇರಿಲ್ಲ ಒಟ್ಟಿನಲ್ಲಿ ಜಗದಲ್ಲಿ ಜೀವಿಗಳಿಲ್ಲ. ಸಕಲ ಜೀವಗಳ ನಾಡಿ ಮಿಡಿತ ಈ ಜಲರಾಶಿ. ಅದು ಕಲುಷಿತ ಅಥವಾ ಕೊರತೆಯುಂಟಾದರೆ ಆಗುವ ತೊಂದರೆಗಳು ಅನೇಕ. ಇಂದು ಹಳ್ಳಿ, ನಗರ, ಪಟ್ಟಣ, ರಾಜ್ಯ, ದೇಶ ಹೀಗೆ ನೀರಿಲ್ಲದೆ ಬದುಕಿಲ್ಲ. ಒಂದು ಲೀಟರ್‌ ನೀರಿಗೆ ರೂ.೧೫ರಿಂದ ೨೦ರ ವರೆಗೂ ಬೆಲೆಯಿಟ್ಟು ಮಾರುತ್ತಾರೆ.

ಮಾರ್ಚ್ ೨೨. ಇಂದು ವಿಶ್ವ ಜಲದಿನ ಎಂಬುದಾಗಿ ಆಚರಿಸುತ್ತಾರೆ. ಈ ವರ್ಷದ ಘೋಷಣೆ " ವಾಟರ್‌ ಫಾರ್‍ ಸಿಟೀಸ್'. ಇದು ಸೂಕ್ತವಾದ ಘೋಷಣೆಯೇ ಆಗಿದೆ ಎನ್ನಬಹುದು. ಹಳ್ಳಿ, ಹೊಲಗದ್ದೆ, ಮನೆ ಮಾರು ಎಲ್ಲ ಬಿಟ್ಟು ಇಂದು ಜನಜೀವನ ಪಟ್ಟಣಗಳಿಗೆ ವಲಸೆಯಾಗುತ್ತಿರುವುದು, ನೀರಿನ ಹಾಹಾಕಾರವಿರುವುದು ಇವೆಲ್ಲ ಸೇರಿಯೇ ಹೀಗೆ ಘೋಷಣೆ ಮಾಡಿರಬಹುದು (ಇದು ನನ್ನ ಅನಿಸಿಕೆಯಷ್ಟೆ). ವಿಶ್ವ ಜಲ ದಿನದಂದಾದರೂ ಕಡಿಮೆ ನೀರಿನ ಬಳಕೆ ಮಾಡುತ್ತ ಈ ಬೇಸಿಗೆಯನ್ನು ನೀರಿನ ಬವಣೆಯಿಂದ ತೊಂದರೆಗೊಳಗಾಗದಂತೆ ಎಲ್ಲರಿಗೂ ನೀರು ಸಿಗಲೆಂದು ಜಲರಾಶಿಯನ್ನು ಕೇಳಿಕೊಳ್ಳುತ್ತ ಎಲ್ಲರಲ್ಲೂ ಜಾಗೃತಿ ಮೂಡಿಬರಲಿ.

ಹೆಚ್ಚಿನ ಮಾಹಿತಿಗಾಗಿ ಈ ಅಂತರ್ಜಾಲಗಳನ್ನು ನೋಡಬಹುದು:

http://www.uneca.org/awich/Announcements%202010/WWD%202011%20First%20AnnouncementREV.pdf
http://www.worldwaterday2011.org/
http://www.indiawaterportal.org/
http://expressbuzz.com/cities/bangalore/quenching-bangalore%E2%80%99s-thirst-is-a-big-challenge/258686.html

ಚಂದ್ರಶೇಖರ ಬಿ.ಎಚ್.
೨೨-೦೩-೨೦೧೧

ಕಳೆದ ವರ್ಷದ ಲೇಖನ ಇಲ್ಲಿದೆ: http://kshanachintane.blogspot.com/2010/03/blog-post_22.html

blame is a waste...

2011-03-18T14:42:00.002+05:30

"All blame is a waste of time. No matter
how much fault you find with another,
and regardless of how much you
blame him, it will not change you"

- Wayne Dyer

To kill a quarrel,....

2011-02-17T12:42:00.002+05:30

To kill a quarrel, shut your mouth.
* * * * *
There is a world of sense in the saying; "Sell your hammer and buy a horn."
* * * * *
There is one place we can bear a boil, and smile--on the other fellow's neck.
* * * * *
Many people possess more than a thousand acres of possibilities, and have about half an acre under cultivation.
* * * * *
The best way to exterminate mosquitoes would be to start a plan to cultivate them as a money making commodity.
* * * * *
Stop nagging, twitting, insinuating, suspecting those whose love you wish to hold. You assassinate love when you ridicule it.
************

Courtsy/Source: Supreme Personality, by Delmer Eugene Croft

ಸ್ವಾಮಿ ವಿವೇಕಾನಂದರ ಒಂದು ಮಾತು - ಬೆಳಕು...

2011-01-12T10:48:00.002+05:30

"All the powers in the universe are already ours. It is we who have put our hands before our eyes and cry that it is dark"

Swami Vivekananda

ಈ ಸಿಂಹವಾಣಿಯನ್ನು ಕೇಳುತ್ತಿದ್ದರೆ... ಖಂಡಿತಾ ಅಂದಿಗಿಂತ ಇಂದಿನ ವಾಸ್ತವಿಕ ಪರಿಸ್ಥಿತಿ ಹೆಚ್ಚಾಗಿ ಅನ್ವಯಿಸುತ್ತದೆ ಎನ್ನಬಹುದು. ಇಂದಿನ ಯುವ ಜನಾಂಗವು ವಿದ್ಯಾವಂತರಾಗಿದ್ದೂ ಅಂಧಾನುಕರಣೆ ಮಾಡುತ್ತಾ ತಮ್ಮ ತನವನ್ನು ಮರೆಯುತ್ತಾ ಸಾಗುತ್ತಿರುವುದು ವಿಪರ್ಯಾಸ. ನಮ್ಮ ದೇಶದ ಯುವಶಕ್ತಿಯಲ್ಲಿ ಶಕ್ತಿಯಿದೆ. ಆದರೆ, ಅದರ ಸದುಪಯೋಗ ಆಗುತ್ತಿಲ್ಲವೆನ್ನಬಹುದು. ಯಾವುದೇ ಒಂದು ದೇಶದಲ್ಲಿನ ಯುವಶಕ್ತಿಯ ಸದುಪಯೋಗ ಆ ದೇಶದ ಬಲಶಾಲಿ, ಆರ್ಥಿಕವಾಗಿ ಸದೃಢ ಮತ್ತು ಉತ್ತಮ ಜನಾಂಗವನ್ನು ಹೊಂದುವಲ್ಲಿ ಸಾಫಲ್ಯ ಕಾಣುತ್ತದೆ. ಆದರೆ, ಇಂದಿನ, ಈಗಿನ ಸ್ಥಿತಿಯಲ್ಲಿ ಎಲ್ಲಿ ನೋಡಿದರೂ ಒಂದಲ್ಲಾ ಒಂದು ವಿಧದ ಆತಂಕ, ಆಧುನಿಕತೆಯಲ್ಲಿ ಮೈಮರೆತ, ಮಾದಕ ಸೇವನೆಯತ್ತ ವಾಲಿದ, ವಾಲುತ್ತಿರುವ, ಅಮಲೇರಿದಂತೆ ಹಣದ ಮದ ತೋರಿಸುವವರೇ ಹೆಚ್ಚಾಗುತ್ತಿದ್ದಾರೆ. ಇದೂ ಒಂದು ವಿಧದಲ್ಲಿ ಎಲ್ಲ ಬಲವಿದ್ದೂ ದುರ್ಬಲ ಮತ್ತು ಸಾಮಾಜಿಕ ಸ್ತರಗಳಲ್ಲಿ ಬೇಜವಾಬ್ದಾರಿತನ ತೋರುವವರಾಗಿದ್ದಾರೆ. ಇದನ್ನೇ ನಮ್ಮ ಕೈಗಳನ್ನೇ ಕಣ್ಣೆದುರಿಗೆ ಅಡ್ಡ ಮಾಡಿಕೊಂಡು ಕತ್ತಲೆಯೆಂಬ ಭ್ರಮೆಯಲ್ಲಿ, ನಿರಾಶಾವಾದದಲ್ಲಿ ಬೀಳುವ ಪ್ರಮೇಯ ನಮಗಿದೆಯೆ? ಯುವ ಜನಾಂಗ ಚಿಂತನಾಶೀಲವಾಗಿದ್ದು, ತಮ್ಮ ದೇಶ, ಸಂಪತ್ತು, ಕುಟುಂಬದೆಡೆಗೆ ವಿಶಾಲ ಹೃದಯಿಗಳಾಗಬೇಕಾಗಿದೆ. ಎಲ್ಲ ದುರ್ಬಲತೆಯನ್ನೂ ತೊಲಗಿಸುವಲ್ಲಿ ಸ್ವಾಮಿ ವಿವೇಕಾನಂದರ ನುಡಿಗಳು, ಅವರ ಜೀವನ, ಅವರ ಆದರ್ಶ ಇವುಗಳನ್ನು ಮೈಗೂಡಿಸಿಕೊಂಡರೆ.... ಕತ್ತಲೆಯೆಂಬುದೇ ಇರುವುದಿಲ್ಲ.

ಇಂದು, ಜನವರಿ ೧೨, ದೇಶಕ್ಕೆ ದೇಶವೇ ಸ್ವಾಮಿ ವಿವೇಕಾನಂದರ ಹೆಸರಿನಲ್ಲಿ ರಾಷ್ಟ್ರೀಯ ಯುವದಿನವನ್ನಾಗಿ ಆಚರಿಸುತ್ತಾರೆ. ಸ್ವಾಮೀಜಿಯವರ ಆದರ್ಶ, ಧೈರ್ಯ, ಸ್ಥೈರ್ಯ, ನೈತಿಕತೆ, ವಿಚಾರಶೀಲತೆ ಎಲ್ಲ ರಂಗಗಳಲ್ಲಿಯೂ ಕಂಡುಬರಲಿ.

ಜೈ ಗುರುದೇವ!

ಚಂದ್ರಶೇಖರ ಬಿ.ಎಚ್.
೧೨.೦೧.೨೦೧೧

ಪದ ಕಟ್ಟಿ ಆಡುವ ಆಟ

2011-01-11T15:21:00.001+05:30

ಪದ ಕಟ್ಟಿ ಆಡುವ ಆಟ

ಪದಕಟ್ಟುವ ಆಟ, ಇದನ್ನು ಆಂಗ್ಲದಲ್ಲಿ ವರ್ಡ್ ಬಿಲ್ಡಿಂಗ್ ಎಂದು ಕರೆಯುತ್ತಾರೆ. ಒಂದು ಮೂರು-ನಾಲ್ಕು ಅಕ್ಷರಗಳನ್ನು ಬರೆದು ಅವುಗಳ ನಡುವೆ ಜಾಗ ಬಿಡುವುದು. ಆ ಅಕ್ಷರಗಳ ನಡುವೆ, ಹಿಂದೆ, ಮುಂದೆ ಒಂದು ಅಥವಾ ಹಲವು ಪದಗಳ ರಚನೆಯನ್ನು ಮಾಡಲು ಪ್ರಯತ್ನಿಸುವ ಆಟವನ್ನು ಪದಕಟ್ಟುವ ಆಟವೆನ್ನಬಹುದು. ಇದರಿಂದ ಹೊಸ ಪದಗಳ ಪರಿಚಯ, ಅವುಗಳ ಕಾಗುಣಿತ ಇತ್ಯಾದಿಗಳ ಅರಿವು ಉಂಟಾಗುವುದರಲ್ಲಿ ಸಂದೇಹವೇ ಇಲ್ಲ. ಉದಾ: ಆಂಗ್ಲದಲ್ಲಿ ಕೊಡುವುದಾದರೆ, A ಮತ್ತು T . ಈ ಅಕ್ಷರಗಳ ನಡುವೆ ಮತ್ತು ಹಿಂದೆ-ಮುಂದೆ ಬೇರೆ ಸ್ವರ ಅಥವಾ ವ್ಯಂಜನಾಕ್ಷರ ಬರೆದು ಪದಗಳನ್ನು ರಚಿಸಬಹುದು. A ಮತ್ತು T ಮಧ್ಯೆ N ಬರೆದಾಗ ANT ಆಗುತ್ತದೆ. ಇದೇ ರೀತಿ A(r)T, M(a)RT, SH(i)RT, ಹೀಗೆ ಬೇರೆ ಬೇರೆ ಪದಗಳ ರಚನೆ ಮಾಡಿ ಆಟ ಆಡಬಹುದು.

ಕನ್ನಡದಲ್ಲಿ ಪದ ಕಟ್ಟುವ ಆಟವನ್ನು ಸಹ ಇದೇ ವಿಧಾನದಲ್ಲಿ ಆಡಬಹುದು. ಈಗ ಒಂದೆರಡು
ಅಕ್ಷರಗಳನ್ನು ಬರೆಯೋಣ.

ಕ ಮತ್ತು ಲ. ಇವುಗಳ ನಡುವೆ, ಹಿಂದೆ, ಮುಂದೆ ಸ್ವರ, ವ್ಯಂಜನಗಳನ್ನು ಸೇರಿಸಿ ಪದ ರಚನೆ ಮಾಡುವುದಾದರೆ, ಪದಗಳು ಕೆಳಗೆ ಅಚ್ಚಿಸಿದಂತೆ ಇರಬಹುದೆ?

ಕಲಾ, ಕಲಸು, ಕೆಲಸ, ಕಲಿತ, ಕಲಿಸು, ಕಲೆ, ಕುಲ ಇತ್ಯಾದಿ.

ಕನ್ನಡದಲ್ಲಿ ಕೆಲವೊಮ್ಮೆ ಒಂದು ಸ್ವರ/ವ್ಯಂಜನಕ್ಕಿಂತ ದೀರ್ಘ ಸ್ವರಗಳನ್ನು ಉಪಯೋಗಿಸಿದಾಗ ಕೆಲವೊಂದು ಪದಗಳನ್ನು ರಚಿಸಬಹುದು.

ಈ ಪದ ಕಟ್ಟುವ ಆಟದಿಂದ ಪದಗಳ ಪರಿಚಯದೊಂದಿಗೆ, ಒಂದು ಪದಕ್ಕೆ ಇರುವ ಬೇರೆ ಬೇರೆ ಅರ್ಥಗಳಲ್ಲದೆ, ಮೆದುಳಿಗೆ ಕಸರತ್ತು ಕೊಡುವಂತಹದೇ ಆಗಿದೆ. ಅಲ್ಲದೆ, ಕಾಗುಣಿತ, ವ್ಯಾಕರಣದಲ್ಲಿ ಬರುವ ಸಂಧಿಗಳು, ಇವುಗಳೊಂದಿಗೆ ಪದಗಳ ಉಪಯೋಗದ ಅನುಭವವನ್ನೂ ಕೊಡುವಂತಹುದಾಗಿದೆ.

ಇದಕ್ಕಿಂತ ಸ್ವಲ್ಪ ಬೇರೆ ವಿಧಾನದಲ್ಲಿ ಪದಬಂಧ ಇರುತ್ತದೆ. ಅಲ್ಲಿ ಅಕ್ಷರಗಳ ಸಂಖ್ಯೆ, ಜೊತೆಗೆ ಪದ ಹೊಂದಿಸುವುದಕ್ಕಾಗಿ ಸುಳಿವು ಕೂಡ ಇರುತ್ತದೆ. ಆದರೆ ಪದ ಕಟ್ಟುವ ಆಟದಲ್ಲಿ ಅಕ್ಷರಗಳೆ ಸುಳಿವಾಗಿ ಮಾರ್ಪಡುತ್ತವೆ.

ನಿಮಗೆ ಪದ ಕಟ್ಟುವ ಆಟ ಇಷ್ಟವಾಯಿತೆ?
ನಿಮ್ಮ ಅಭಿಪ್ರಾಯಗಳನ್ನು ಪದಗಳೊಡನೆ ಬೆರೆಸಿ ವಿ-ಅಂಚೆಯ ಮೂಲಕ ಕದ ತಟ್ಟಿ ಕಳುಹಿಸುವಿರಲ್ಲಾ!.

ಚಂದ್ರಶೇಖರ ಬಿ.ಎಚ್.
೦೧.೦೧.೧೧

ಮಿಡಿಯುತಿದೆ...

2011-01-07T17:12:00.001+05:30

ಎನ್ನ ಹೃದಯದ ನೋವ ಕಂಡಿರಾ???

ನೂತನ ವರ್ಷದ ಶುಭಾಶಯಗಳು ೨೦೧೧

2010-12-31T11:29:00.003+05:30

ಮೈ ಜರ್ನಿ ಇನ್ ಥಿಯೇಟರ್ಸ್ - ಶ್ರೀಮತಿ ಅರುಂಧತಿ ನಾಗ್

2010-12-27T16:23:00.006+05:30

೧೦.೧೨.೨೦೧೦ - ಇಂದು ನಮ್ಮ ಸಂಸ್ಥೆಗೆ ಶ್ರೀಮತಿ ಅರುಂಧತಿ ನಾಗ್ ಬರುತ್ತಾರೆಂದು ತಿಳಿದು ಖುಷಿಯಾಯಿತು. ಕಾರಣ, ಆಕೆಯ ಭಾಷಣ ಕೇಳುವ ಅವಕಾಶ. `ಮೈ ಜರ್ನಿ ಇನ್ ಥಿಯೇಟರ್ಸ್' ಎಂಬುದು ಭಾಷಣದ ಶೀರ್ಷಿಕೆಯಾಗಿತ್ತು.

ಅವರು ಕನ್ನಡದಲ್ಲಿಯೇ ತಮ್ಮ ನಾಟಕ ಜೀವನವನ್ನು ಶುರು ಮಾಡಿದರಾದರೂ, ನಮ್ಮ ಸಂಸ್ಥೆಯಲ್ಲಿ ಎಲ್ಲಾ ಭಾಷಿಕರೂ (ಭಾರತದೆಲ್ಲೆಡೆಯಿಂದ ಬಂದವರು ಇಲ್ಲಿದ್ದಾರೆ) ಹಾಗೂ ಕೆಲವು ವಿದೇಶೀ ಸಂದರ್ಶಕರೂ ಇರುವುದರಿಂದ ಆಂಗ್ಲ ಭಾಷಯೆಯಲ್ಲಿಯೇ ಮುಂದುವರೆಸಿದರು.

ಅವರು ಶಾಲೆಗೆ ಹೋಗುವಾಗಲೇ ನಾಟಕ ರಂಗಕ್ಕೆ ಬಂದರಂತೆ. ತಮ್ಮ ೧೬-೧೭ನೇ ವಯಸ್ಸಿಗೇ. ಕುತೂಹಲಕ್ಕೆಂದು ನಾಟಕ ಕಂಪನಿಗೆ ಹೋದಾಗ ಅಲ್ಲಿದ್ದವರಿಂದ ನೀನು ನಾಟಕ ಮಾಡ್ತೀಯಾ? ಎಂದರಂತೆ. ಅದಕ್ಕೆ ನನಗೆ ನಟನೆ ಬರೋದಿಲ್ಲ, ಹೇಳಿಕೊಟ್ಟರೆ ಮಾಡುವೆ ಎಂದರಂತೆ. ಹೀಗೆ ಅವರ ನಾಟಕ ಜೀವನರಂಗಪ್ರವೇಶವಾಗಿದ್ದೆಂದರು. ರಂಗ ಕ್ಷೇತ್ರದಲ್ಲಿದ್ದಂತಹವರು ಕೈಫಿ ಅಜ್ಮಿ, ಎ.ಕೆ. ಹಾನಗಲ್, ವಿರಾಜ್‌ಕಪೂರ್‌ ಹೀಗೆ ಬಹಳಷ್ಟು ಪ್ರಸಿದ್ಧರಂತೆ. ನಂತರ ನಾಟಕವೇ ಅವರ ವೃತ್ತಿ-ಪ್ರವೃತ್ತಿಯಾಯಿತೆಂದು ತಿಳಿಸಿದರು. ಹುಟ್ಟಿದ್ದು ದೆಹಲಿಯಲ್ಲಿ. ನಾಟಕವೆಂದು ಬಂದಿದ್ದು ಮುಂಬೈಗೆ, ನಂತರ ಕರ್ನಾಟಕ ಸೇರಿದ್ದು ಹೀಗೆ ತಮ್ಮ ಜೀವನವೃತ್ತಾಂತವನ್ನು ತಿಳಿಸಿದರು. ಶಂಕರನಾಗ್ ಮತ್ತು ಇವರ ನಾಟಕದ ದಿನಗಳನ್ನು ನೆನಪಿಸಿಕೊಂಡರು. ಆಗಿನ ಕಾಲದಲ್ಲಿಯೇ ಇವರಿಗೆ ತಿಂಗಳಿಗೆ ಹತ್ತುಸಾವಿರದವರೆವಿಗೂ ವರಮಾನವಿತ್ತಂತೆ...

ಒಂದಾನೊಂದು ಕಾಲದಲ್ಲಿ ಚಿತ್ರದೊಂದಿಗೆ ಶಂಕರ್‌ನಾಗ್‌ ಸಿನಿಮಾ ಸೇರಿದ್ದು. ಆತನ ಸಿನೆಮಾ ಬದುಕು, ಸಿನಿಮಾ ಭರ್ಜರಿ ಪ್ರದರ್ಶನವಾಗಿದ್ದು, ಸೀತಾರಾಮುವಿನಿಂದ ಮತ್ತಷ್ಟು ಚಿತ್ರಗಳಲ್ಲಿ ಶಂಕರ್‌ನಾಗ್‌ ತೊಡಗಿಕೊಂಡಿದ್ದು, ಮಾಲ್ಗುಡಿ ಡೇಸ್‌... ಹೀಗೆ ಸಾಗಿತ್ತು.

ಇದರ ಜೊತೆಗೆ ಇವರ ಮರಾಠಿ ನಾಟಕಗಳು, ಗುಜರಾತಿ, ಛಾಪೇಕರ್‍ ಸೋದರರ ಜೀವನಾಧಾರಿತ ಚಿತ್ರದಲ್ಲಿ ನಟಿಸಿದ್ದು, ಇವೆಲ್ಲ ಹೇಳಿದರು. ಹಾಗೆಯೇ ಶಂಕರನಾಗನನ್ನು ಕಳೆದುಕೊಂಡಾಗ ಅನುಭವಿಸಿದ ದು:ಖ, ನಷ್ಟ. ಅದರಲ್ಲಿಯೂ ಆತನು ಕಂಡ ಕನಸುಗಳನ್ನು ಸಾಕಾರಗೊಳಿಸಲು ಶ್ರಮಿಸಿದ್ದು ಈ ಹತ್ತು ವರ್ಷಗಳಲ್ಲಿ `ರಂಗಶಂಕರ' ಏರಿದ ಎತ್ತರ ಇವೆಲ್ಲವನ್ನೂ ತಿಳಿಸಿದರು.

ಅನೇಕ ಪ್ರಶಸ್ತಿ, ಪುರಸ್ಕಾರಗಳು ಬಂದಿದ್ದರೂ ಸರಳತೆಯಿಂದ ಇರುವ ಅವರ ಗುಣವನ್ನು ಮೆಚ್ಚಬೇಕಾದದ್ದು. ಒಂದು ರೀತಿಯಲ್ಲಿ ಅಹಂ ಎಂಬ ಮೋಹದಿಂದ ಆಕೆ ದೂರ ಇರುವ ಪರಿ ನಿಜಕ್ಕೂ ಅಚ್ಚರಿ ತರಿಸುತ್ತದೆ. ಅಂತಹ ಅಗಾಧ ನೋವಿನೊಡನೆ (ಅಪಘಾತದಿಂದಾಗಿ ಸುಮಾರು ಒಂದೂವರೆ ವರ್ಷ ನಡೆಯಲು ಆಗುತ್ತಿರಲಿಲ್ಲವಂತೆ, ಇದರ ಜೊತೆಗೆ ಶಂಕರನಾಗ್ ತನ್ನ ಕನಸಿನ ರಂಗಕ್ಕೆ, ಸಿನಿಮಾ, ಸಾರ್ವಜನಿಕರಿಗೆ ಉಪಯೋಗ ಮಾಡುವ ಉದ್ಯಮ ಹೀಗೆ ಬಹಳಷ್ಟರಲ್ಲಿ ತೊಡಗಿಸಿ ಸಾಲದ ಹೊರೆಯು ಎರಡೂವರೆಕೋಟಿಗಳಿದ್ದವಂತೆ) `ರಂಗಶಂಕರ' ಸ್ಥಾಪನೆಯ ಸಾಧನೆ ನಿಜಕ್ಕೂ ಮೆಚ್ಚುವಂತಹುದು.

ಕನ್ನಡ ಭಾಷೆಯನ್ನು ಕಲಿತ ಬಗೆಯನ್ನೂ ತಿಳಿಸಿದರು. ಹಿಂದಿ, ಮರಾಠಿ, ಆಂಗ್ಲ, ಗುಜರಾತಿ, ಕೊಂಕಣಿ ಈ ಎಲ್ಲ ಭಾಷೆಗಳನ್ನು ಬಲ್ಲವರಿವರು. ಹಾಗೆಯೇ ನಾಟಕ/ನಟನೆಯಿಂದ ಯಾವುದೇ ವ್ಯಕ್ತಿಯಲ್ಲಿಯೂ ಸಹ ಪರ್ಸನಾಲಿಟಿ ಡೆವಲಪ್‌ಮೆಂಟ್‌ ಆಗುತ್ತದೆ. ನಟನಾಶೈಲಿಯಿಂದ, ಸಂಭಾಷಣಾ ವಿತರಿಸುವ ಕಲೆಯಿಂದ ಯಾವುದೇ ವ್ಯಕ್ತಿಯೂ ಸಹ ತನ್ನನ್ನು ತಾನು ಅಭಿವೃದ್ಧಿಯೊಂದಿಗೆ ಏನನ್ನಾದರೂ ಸಾಧಿಸಬಹುದು. ಸೌಂದರ್ಯವೇ ಮುಖ್ಯವಲ್ಲ ಎಂಬ ಮಾತನ್ನೂ ಹೇಳುತ್ತಾ ತಮ್ಮ ಕೈಗಳೆರಡನ್ನೂ ದೂರ ಚಾಚಿದಾಗ ಪುಟ್ಟದಾಗಿ ಕಂಡರೂ ಅವುಗಳನ್ನೇ ಸ್ವಲ್ಪ ವಿಸ್ತರಿಸುತ್ತಾ ಎತ್ತರಿಸಿದರೆ ಬೃಹತ್ತಾಗಿ ಕಾಣುತ್ತದೆ ಎಂಬಂತ ಸ್ಫೂರ್ತಿದಾಯಕ ಮಾತುಗಳನ್ನು ಆಡಿದರು. ಹೀಗೆ ಅವರ `ಮೈ ಜರ್ನಿ ಇನ್ ಥಿಯೇಟರ್ಸ್' ಬಗೆಗೆ ತಿಳಿಸಿದರು. ಅಲ್ಲದೇ, ರಂಗಶಂಕರ ಇಂದು ರಂಗವೇದಿಕೆಗಷ್ಟೇ ಅಲ್ಲದೇ ಸಾಮಾಜಿಕ ಜವಾಬ್ದಾರಿಯನ್ನೂ ಮಾಡುತ್ತಿದೆ, ಮಕ್ಕಳಿಗಾಗಿ ಹಾಗೂ ಉದ್ಯೋಗಿಗಳಿಗಾಗಿಯೂ ನಾಟಕದೊಂದಿಗೆ ಅನೇಕ ಕಾರ್ಯಕ್ರಮಗಳನ್ನು ಮಾಡುತ್ತಿದೆ ಎಂಬ ಅಂಶವೂ ತಿಳಿಸಿದರು.

ಒಟ್ಟಿನಲ್ಲಿ ಒಂದು ಸುಂದರ ಸಂಜೆ ನಮ್ಮ ಸಂಸ್ಥೆಯಲ್ಲಿ ಶ್ರೀಮತಿ ಅರುಂಧತಿನಾಗರ ಉಪಸ್ಥಿತಿಯಲ್ಲಿ ನಡೆಯಿತು.

(ಇಲ್ಲಿರುವ ಅವರ ಮಾತುಗಳನ್ನು ನೆನಪಿಸಿಕೊಂಡು ಸರಳವಾಗಿ ಬರೆಯಲು ಪ್ರಯತ್ನಿಸಿದ್ದೇನೆ)

ರಂಗಶಂಕರ ದ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಸಂಪರ್ಕಿಸಬಹುದು: www.rangashankara.org/

ನೆನಪಿನ ಬರಹ: ಚಂದ್ರಶೇಖರ ಬಿ.ಎಚ್.

ಸೆಪ್ಟೆಂಬರಿನ ಒಂದು ದಿನ

2010-12-15T17:33:00.003+05:30

ಸೆಪ್ಟೆಂಬರಿನ ಒಂದು ದಿನದಲ್ಲಿ ಕಂಡು ಬಂದದ್ದು....

ಬಂಟಿ,.. ಬಂಟಿ,... ಬಂಟಿಂಗ್ಸ್.... ಬೇಕೆ?

2010-12-09T14:24:00.000+05:30

ಬಂಟಿ,.. ಬಂಟಿ,... ಬಂಟಿಂಗ್ಸ್.... ಬೇಕೆ?

ಇಲ್ಲೊಬ್ಬ ಹುಡುಗನ ಭಾವಚಿತ್ರದ ಫ್ಲೆಕ್ಸ್‌ಗಳನ್ನು ದೀಪದ ಕಂಬಗಳಿಗೆ, ರಸ್ತೆಯ ಮಧ್ಯೆಯಲ್ಲಿರುವ ವೃತ್ತದಲ್ಲಿ ಕಟ್ಟಲಾಗಿದೆ. ಏನೆಂದು ಓದಿದರೆ, ಆತನ ಹೆಸರು, ಜನ್ಮ ದಿನಾಂಕ, ಮರಣ ದಿನಾಂಕ ಎಲ್ಲ ನಮೂದಿಸಿದ್ದಾರೆ.

ಮತ್ತೊಂದು ಭಾವಚಿತ್ರ ಕಾಣಿಸಿತು. ಅದರಲ್ಲಿ ಒಬ್ಬ ಯುವಕ. ಹಸನ್ಮುಖಿಯ ಚಿತ್ರ. ಆದರೆ, ಅದರಲ್ಲಿಯೂ ಹೆಸರು, ದಿನಾಂಕ ಇತ್ಯಾದಿ.

ಇನ್ನೊಂದರಲ್ಲಿ ಒಬ್ಬ ಅಜ್ಜನದು, ಮತ್ತೊಂದರಲ್ಲಿ ಅಜ್ಜಿಯದು, ಹೀಗೆ ಅಲ್ಲಲ್ಲಿ ಮಡಿದವರ ಭಾವಚಿತ್ರಗಳನ್ನು ದೊಡ್ಡದಾಗಿ ಬ್ಯಾನರ್‌ ಅಥವಾ ಮುದ್ರಿಸಿ ನೇತು ಹಾಕಿರುತ್ತಾರೆ. ಇದರಿಂದ ಮಡಿದವರ ಆತ್ಮಕ್ಕೆ ಶಾಂತಿ ಸಿಗಲೆಂದೋ ಅಥವಾ ಅವರೆಲ್ಲ ಏನಾದರೂ ಸಾಧನೆ ಮಾಡಿದ್ದರೆಂದೋ, ಸಾಧನೆ ಮಾಡುವ ಯಾದಿಯಲ್ಲಿದ್ದರೆಂದೋ ಒಂದೂ ತಿಳಿಯದು.

ಹೀಗೆ ನಿನ್ನೆ ದಿನ ನೋಡಿದೆ ಟಿ. ಆರ್‍ ಮಿಲ್ಲಿನ ಬಸ್‌ ನಿಲ್ದಾಣದ ಬಳಿಯಲ್ಲಿ ಒಬ್ಬ ಅಜ್ಜಿಯದು. ತರಕಾರಿ ಮಾರುವ ಒಬ್ಬ ಅಜ್ಜಿಯದು. ಅದರಲ್ಲಿಯೂ ಸತ್ತವರ ಚಿತ್ರಗಳನ್ನು ತಮ್ಮ ಮನೆ ಬೀದಿಗೆ ಹಾಕಿಕೊಳ್ಳಲಿ ತಪ್ಪೇನಿಲ್ಲ. ಅದನ್ನೆಲ್ಲ ಇಡೀ ಒಂದು ಏರಿಯಾ ವ್ಯಾಪ್ತಿಗೇ ಹಾಕುವ ಪರಿಪಾಠವೂ ಇದೆಯಲ್ಲ, ಅದಂತೂ ಮತ್ತೂ ಬೇಸರ/ವಾಕರಿಕೆ ತರಿಸುತ್ತದೆ.

ಇತ್ತೀಚೆಗಂತೂ ಇಂತಹ ಸಂಸ್ಕೃತಿ ನಗರ, ಪಟ್ಟಣಗಳೆನ್ನದೆ ಸಣ್ಣ ಸಣ್ಣ ಹಳ್ಳಿಗಳಲ್ಲೂ ವ್ಯಾಪಿಸುತ್ತಿದೆ. ಅವರವರಿಗೆ ಅವರವರ ವ್ಯಕ್ತಿ, ವಸ್ತುಗಳು ಮುಖ್ಯವಿರುತ್ತದೆ. ಒಪ್ಪಿಕೊಳ್ಳೋಣ. ಅದನ್ನೇ ಒಂದು ವಿಧದ ಸಾಮೂಹಿಕ ಕಲ್ಪನೆಯಲ್ಲಿ ಬೀದಿ ಬೀದಿಗೆ ಹೀಗೆ ನೇತು ಹಾಕುತ್ತಾ ಹೋದರೆ ಹೇಗೆ?

ಮೊದಲೇ ಹಬ್ಬಗಳಿಗೆಂದೋ, ಹೊಸ ಪಕ್ಷದ ಅಭ್ಯರ್ಥಿಗೆಂದೋ, ಶಾಸಕರ, ಸಚಿವರ ಹೀಗೆ ರಾಜಕಾರಣಿಗಳ ಹುಟ್ಟುಹಬ್ಬ, ಯಾವುದೋ ಯೋಜನೆಯ ಉದ್ಘಾಟನಾ ಸಮಾರಂಭ ಇತ್ಯಾದಿಗೆಳೆಂದು ಅದರಲ್ಲಿಯೂ ನಾಡ ಅಥವಾ ರಾಷ್ಟ್ರೀಯ ಹಬ್ಬಗಳಿಗೆ ಮುನ್ನಾ ದಿನ ಅಥವಾ ತಿಂಗಳ ಮುಂಚೆಯೇ ಈ ಫ್ಲೆಕ್ಸ್ ಬಂಟಿಂಗ್ಸ್, ಬ್ಯಾನರ್‍ಸ್ ರಸ್ತೆಯಲ್ಲಿನ ಪ್ರತಿಯೊಂದು ಕಂಬಗಳ ಮೇಲೆಯೋ, ರಸ್ತೆ ವಿಭಜಕಗಳ ನಡುವಿರುವ ಸ್ಥಳದಲ್ಲಿಯೋ, ರಸ್ತೆ ತಿರುವಿನಲ್ಲಿಯೋ ಹೀಗೆ ಜಾಗ ಕಂಡಲೆಲ್ಲ ರಾರಾಜಿಸುತ್ತಿರುತ್ತವೆ. ಇವೆಲ್ಲ ಇರಲಿ. ಅದರೊಡನೆ ಅ ಏರಿಯಾದ, ಸಂಘದ, ವರಿಷ್ಠ(?) ರ ಚಿತ್ರಗಳನ್ನೆಲ್ಲಾ ತುಂಬಿರುತ್ತಾರೆ. ಇದು ಯಾವ ಕರ್ಮ? ಯಾರಿಗೆ ಯಾರೋ ಶುಭಾಶಯ ಕೋರಲು ಹೀಗೆಲ್ಲ ವಿಪರೀತ ದೃಶ್ಯ ಮಾಲಿನ್ಯ ಮಾಡಬೇಕೆ?

ಮೊನ್ನೆ ಬಸ್ಸಿನಲ್ಲಿ ಬರುವಾಗ ಇದ್ದ ಒಂದು ಸ್ಟಿಕರಿನಲ್ಲಿ ಕನ್ನಡ ನಾಡಿನ ಜ್ಞಾನಪೀಠ ವಿಜೇತರ (ಇವು ಚಿಕ್ಕದಾಗಿವೆ) ಆ ಚಿತ್ರದೊಂದಿಗೆ ಕನ್ನಡ, ಹೆಮ್ಮೆ ಇತ್ಯಾದಿ ಬರಹದೊಂದಿಗೆ ಮಂತ್ರಿಮಹೋದಯರ ದೊಡ್ಡ ಚಿತ್ರವಿದೆ. ಇಲ್ಲಿ ಇವರು ಯಾರನ್ನು, ಯಾವುದನ್ನು ಬಿಂಬಿಸಲು ಹೀಗೆ ಮಾಡಿದ್ದಾರೆ ಅರ್ಥಮಾಡಿಕೊಳ್ಳಬೇಕು. ಕನ್ನಡ ನಾಡನ್ನೋ, ಜ್ಞಾನಪೀಠಿಗಳನ್ನೋ ಅಥವಾ ತಮ್ಮನ್ನೋ????

ಇವೆಲ್ಲ ಒಂದು ವಿಧದ ಜಾಹಿರಾತು ಪ್ರಕ್ರಿಯೆಗಳಾದರೆ, ಮತ್ತೊಂದು ಸಿನಿಮಾ ಪೋಸ್ಟರ್‌ಗಳು. ಬಿಸಿಲೆ ಚಿತ್ರದ ಪೋಸ್ಟರ ನೋಡಿದರೆ ಸಾಕು ನಮ್ಮ ಕಲಾವಿದರು (??) ಯಾವ ಮಟ್ಟ ತಲುಪಿದ್ದಾರೆ ಎನಿಸುತ್ತದೆ.

ಬ್ಯಾನರ್‌ ಸಂಸ್ಕೃತಿಯು ಇರಲಿ ಬೇಡವೆನ್ನುವುದಿಲ್ಲ. ಆದರೆ, ಅದು ಅತಿಯಾಗಿ ನಗರ, ಪಟ್ಟಣ, ಹಳ್ಳಿ, ಕುಗ್ರಾಮವೆನ್ನದೇ ಬೃಹದಾಕಾರವಾಗಿ ಬೆಳೆಯುತ್ತಿದೆ. ಇದರಿಂದ ದೃಶ್ಯಮಾಲಿನ್ಯವಲ್ಲದೇ ಅಪಾಯಗಳೂ ಇವೆ. ಹೇಗೆಂದರೆ, ದೊಡ್ಡ ದೊಡ್ಡ ಬ್ಯಾನರಗಳನ್ನು ರಸ್ತೆಯ ಬದಿಯಲ್ಲಿ ಕಟ್ಟುವಾಗ ಬೊಂಬಿನ ಸಹಾಯದಿಂದ ಕಟೌಟಿನಂತೆ ಕಟ್ಟಿರುತ್ತಾರೆ. ಅದೂ ೩-೪ ಆಳೆತ್ತರದವುಗಳು. ಮಳೆಯೋ, ಗಾಳಿಯೋ ಬೀಸಿ ಜನರು / ವಾಹನಗಳ ಮೇಲೆ ಬೀಳಬಹುದು. ಇಲ್ಲವೇ, ರಸ್ತೆಯಬದಿಯಲ್ಲಿನ ತಿರುವುಗಳಲ್ಲಿ ವಾಹನಗಳ ಅಪಘಾತವಾಗಬಹುದು. ಕೆಲವರಿಗೆ ಅದೇ ಪ್ರತಿಷ್ಠೆಯ ವಿಷಯವಾಗಿ ಇನ್ನೂ ದೊಡ್ಡದಾಗಿ ಪ್ರಿಂಟಿಸಿ ಕಟ್ಟಿಸಬಹುದು ಅಥವಾ ಕೆಲವೊಮ್ಮೆ ಹೊಡೆದಾಟಗಳೂ ಆಗಬಹುದು. ಇಂತಹವುಗಳನ್ನು ಕೆಲವೊಮ್ಮೆ ವಿದ್ಯುತ್‌ಕಂಬಗಳಿಗೆ ತಾಗುವಂತೆ ಕಟ್ಟಿರುತ್ತಾರೆ. ಬಸ್‌ ನಿಲ್ದಾಣಗಳಲ್ಲಿ ಕಟ್ಟಿರುತ್ತಾರೆ. ಆಗೆಲ್ಲ ಅಪಾಯ ಕಟ್ಟಿಟ್ಟ ಬುತ್ತಿ. ಕೆಲವೊಮ್ಮೆ ಕಟ್ಟುವಾಗಲೇ ಅಪಘಾತ ಸಂಭವಿಸಬಹುದು.

ಇಂತಹ ವಿಪರೀತ ಸಂಸ್ಕೃತಿ ಬೇಕೆ? ಸಾಮಾಜಿಕ ಜವಾಬ್ದಾರಿಯುಳ್ಳ ಅಂಗ ಸಂಸ್ಥೆಗಳು ಇಂತಹವುಗಳನ್ನು ತೆರವುಗೊಳಿಸಲಿ ಅಥವಾ ಅದಕ್ಕೆ ಶುಲ್ಕ/ದಂಡ ವಿಧಿಸಿ ಇಂತಹ ಪರಿಪಾಟವನ್ನು ಹದ್ದುಬಸ್ತಿಗೆ ತಂದರೆ, ಆಗ ನಗರದ ಅಂದ (ಇದು ನಿಮ್ಮ ನಗರ, ಶುಚಿಯಾಗಿಡಿ - ಘೋಷಣೆ) ಸಾರ್ಥಕವೆನಿಸುತ್ತದೆ.

ಲೇಖನ: ಚಂದ್ರಶೇಖರ ಬಿ.ಎಚ್.

ತಪ್ಪೇ ಮಾಡದವರ್‍ಯಾರವ್ರೆ... ತಪ್ಪೇ ಮಾಡದವರ್‍ ಎಲ್ಲವ್ರೆ???

2010-12-02T16:14:00.000+05:30

ತಪ್ಪೇ ಮಾಡದವರ್‍ಯಾರವ್ರೆ... ತಪ್ಪೇ ಮಾಡದವರ್‍ ಎಲ್ಲವ್ರೆ???

ಕೃಷಿ ಭೂಮಿಯಲ್ಲಿ ಅಥವಾ ಹೂದೋಟಗಳಲ್ಲಿ ಬೆಳೆಯ ಜೊತೆಗೆ ಕಳೆಗಳೂ ಬೆಳೆಯುತ್ತವೆ. ಇವುಗಳು ಯಾವುದೇ ಕೃಷಿ ಅಥವಾ ಪೋಷಣೆಯಿಲ್ಲದೆ ಬೆಳೆದುಬಿಡುತ್ತವೆ. ಈ ಕಳೆಗಳನ್ನು ಬೆಳೆಯುವ ಹಂತದಲ್ಲಿಯೇ ಹಾಗೂ ಆಗಾಗ ಕಿತ್ತು ಹಾಕದಿದ್ದರೆ, ಕೈಗೆ ಬರಬಹುದಾದ ಬೆಳೆಗಳನ್ನೆಲ್ಲಾ ನಾಶಮಾಡುವಷ್ಟು ಹುಲುಸಾಗಿ ಆವರಿಸಿಬಿಡುತ್ತವೆ. ಬೆಳೆ ಯಾವುದು? ಕಳೆ ಯಾವುದು? ಎಂದು ತಿಳಿಯುವುದೂ ಕಷ್ಟವಾಗಿ ಕಾಲಿಗೆ ತೊಡರುವಂತೆ ಮಾಡುತ್ತವೆ.

ಮಾನವನ ಅಭ್ಯಾಸಗಳೂ ಹಾಗೂ ದುರಭ್ಯಾಸಗಳು ಸಹ ಹಾಗೆಯೇ. ಅಭ್ಯಾಸಗಳು ನಿಧಾನವಾಗಿ ಒಗ್ಗೂಡುತ್ತಾ ಮಾನವನಲ್ಲಿ ನೆಲೆ ಕಂಡುಕೊಳ್ಳುತ್ತವೆ. ಇದರ ಜೊತೆಗೆ ಸಹವಾಸ ದೋಷವೂ ಸೇರಿದರೆ ಉತ್ತಮ ಅಥವಾ ಅನುಚಿತ ಅಭ್ಯಾಸಗಳೂ ಜೊತೆಗೂಡುತ್ತವೆ. ಕಳೆಗಳೆಂಬ ದುರಭ್ಯಾಸಗಳನ್ನು ಹೊಡೆದೋಡಿಸುವುದಕ್ಕೆಂದೇ ನಮ್ಮ ಮನಸ್ಸನ್ನು ಆಗಾಗ ಪರಿಶೀಲಿಸುತ್ತಿರಬೇಕು. ಜೊತೆಗೆ ಅಂತಹ ಸಂದರ್ಭಗಳನ್ನು ಎದುರಿಸುವ ಶಕ್ಯತೆಯನ್ನೂ ಸಂಪಾದಿಸಬೇಕು. ಕೆಲವೊಮ್ಮೆ ಸ್ನೇಹಿತರ ಬಲವಂತಕ್ಕೋ, ಸಮಾಜದಲ್ಲಿ ಗೌರವ (??) ಸಂಪಾದಿಸುವುದಕ್ಕಾಗಿಯೋ ಒಂದು ಪೆಗ್ ಕುಡಿದರೂ ಅದು ಚಟದಂತೆ ಇವರನ್ನೇ ಹಿಂಬಾಲಿಸುವ ಹಂತಗಳು ಸಾಕಷ್ಟು. ಅಂತಹ ಸಂದರ್ಭವನ್ನು ಆದಷ್ಟೂ ನಿಭಾಯಿಸಿಕೊಂಡು, ದುಶ್ಚಟಗಳನ್ನು ದೂರೀಕರಿಸಬಹುದು. ಇದಕ್ಕೆ ಮನಸ್ಸಿನ ಮೇಲಿನ ಹಿಡಿತ ಬೇಕಿರುತ್ತದೆ.

ಕಾಫೀ ಅಥವಾ ಟೀ ಅಥವಾ ಗುಟ್ಕಾ ಅಥವಾ ಹೊಗೆಸೊಪ್ಪು ಅಥವಾ ಧೂಮಪಾನ ಅಥವಾ ... ಇತ್ಯಾದಿ ಹವ್ಯಾಸಗಳು, ದುರಭ್ಯಾಸಗಳಾಗಿ ಹೋದರೆ ಅವುಗಳನ್ನು ನಿಯಂತ್ರಣಕ್ಕೆ ತಂದು, ಆರೋಗ್ಯವನ್ನು ಮತ್ತೆ ಕಾಪಾಡಿಕೊಳ್ಳುವ ಹಂತಕ್ಕೆ ತರಲು ಹಲವಾರು ಮಾರ್ಗಗಳು, ಚಿಕಿತ್ಸೆಗಳಿರಬಹುದು. ಆದರೆ, ಸ್ವನಿಯಂತ್ರಣದಿಂದ ಮಿತವಾಗಿ, ಹಿತವಾಗಿ ಅಭ್ಯಾಸವಿದ್ದರೆ, ಯಾವುದೇ ಹಾನಿಯಿಲ್ಲ ಎನ್ನಬಹುದು. ಇದರಿಂದ ತನಗಷ್ಟೇ ಅಲ್ಲದೇ ತನ್ನ ನಂಬಿದವರನ್ನೂ ಸಂತೋಷಪಡಿಸಬಹುದು.

ತಪ್ಪನ್ನು ತಿದ್ದಿಕೊಳ್ಳುವ ಮನಸ್ಸುಳ್ಳವರಿಗೆ ಇವೆಲ್ಲ ಹೇಳಬೇಕಿಲ್ಲವಾದರೂ ಕೆಲವೊಮ್ಮೆ... ತಪ್ಪೇ ಮಾಡದವರ್‍ಯಾರವ್ರೆ?? ಅಂತ ಮತ್ತೆ ಮತ್ತೆ ದು-ಅಭ್ಯಾಸಗಳಿಗೆ ಮನಸ್ಸು ಹೋಗುತ್ತಿರುತ್ತದೆ.

ಯಾರಿಂದಲೇ ಆಗಲೀ ಒಳ್ಳೆಯ ಅಭ್ಯಾಸಗಳು ಅಥವಾ ದುರಭ್ಯಾಸಗಳು ಬರಬಹುದು. ಅದನ್ನು ನಾವು ನಮ್ಮಲ್ಲಿ ಅಳವಡಿಸಿಕೊಳ್ಳುವಲ್ಲಿ ನಾವೇ ಮುಖ್ಯವಾಗಿರುತ್ತೇವೆ ಎಂಬುದನ್ನು ಮರೆಯದಿದ್ದರೆ.... ತಪ್ಪು ಮಾಡದವರ್‍ಯಾರವ್ರೆ ?? ಎಂದು ಹಾಡಬೇಕಿಲ್ಲ ಅಥವಾ ನಮ್ಮನ್ನು ಸಮಾಧಾನಗೊಳಿಸಿಕೊಳ್ಳಬೇಕಿಲ್ಲ, ಅಲ್ಲವೇ?

HUMAN FAULTS ARE LIKE GARDEN WEEDS. THEY GROW WITHOUT CULTIVATION AND SOON TAKE OVER THE PLACE IF THEY AREN'T THINNED OUT.

ಹೈಜಿನ್ ಇಲ್ಲ!! ಒಂದು ಯೋಚನೆ ಬಂತು...

2010-11-18T12:30:00.003+05:30

ಎಲ್ಲರಿಗೂ ಉತ್ಥಾನ ದ್ವಾದಶೀ ( ತುಳಸೀ ಹಬ್ಬದ ) ಶುಭಾಶಯಗಳು !

ಹೈಜೀನ್ ಇಲ್ಲ. ಹಳ್ಳಿಗಳಲ್ಲಿ ಮದುವೆ, ನಾಮಕರಣ ಇತ್ಯಾದಿಗಳಿಗೆ ಹೋದರೆ ಸರಿ ಬರಲ್ಲ. ಅಲ್ಲಿನ ಊಟ, ತಿಂಡಿ ವಗೈರೆ ಹೈಜೀನ್ ಇರಲ್ಲ. ಹೀಗೆ ಹೇಳುವುದು ಸುಲಭ. ವಾಸ್ತವದಲ್ಲಿ ಅದೂ ನಿಜವಿರಬಹುದು ಅಥವಾ ಇಲ್ಲದಿರಲೂ ಬಹುದು. ಹೆಚ್ಚಿನ ಸಂದರ್ಭಗಳಲ್ಲಿ ಹೈಜಿನ್ (ಶುಚಿತ್ವ) ಕಡಿಮೆ ಇರುತ್ತದೆ. ಹಾಗೆಂದು ನಮಗೆ ಬೇಕಾದವರ ಸಮಾರಂಭಗಳಿಗೆ ಹೋಗದಿದ್ದರೆ ಅವರಿಗೆ ಬೇಸರವಾಗುವುದಿಲ್ಲವೇ? ಹೋದರೆ, ಅಲ್ಲಿನ ವಾತಾವರಣ ನೋಡಿ ನಮಗೆ ಬೇಸರವಾಗುವುದಿಲ್ಲವೇ? ಖಂಡಿತಾ ಈ ಎರಡಕ್ಕೂ ಉತ್ತರ - ಆಗುತ್ತದೆ ಎನ್ನಬಹುದು.

ಇವೆಲ್ಲ ಸರಿ, ನಮ್ಮಲ್ಲಿಯೇ ಎಷ್ಟು ಜನಕ್ಕೆ ಹೈಜೀನ್ ಬಗ್ಗೆ ತಿಳುವಳಿಕೆಯಿದೆ. ಓದಿದ ಮಂದಿಗೇ ಅಷ್ಟಾಗಿ ಶುಚಿತ್ವದ ಬಗ್ಗೆ ಅರಿವಿಲ್ಲದಿರುವುದನ್ನು ಗಮನಿಸಬಹುದು. ಮಾತನಾಡುವಾಗ ಹಲ್ಲುಗಳ ಸಂಧಿಯಲ್ಲಿ ಕಡ್ಡಿ, ಕಿರುಬೆರಳಿನಲ್ಲಿ ಬೆಳೆಸಿರುವ ಉದ್ದನೆಯ ಉಗುರು ಹಾಕುವುದು ಇತ್ಯಾದಿ. ಇನ್ನು ಕಿವಿಗಳಿಗೆ ಸಿಕ್ಕಿದ ಹಕ್ಕಿಪುಕ್ಕ, ಪಿನ್ನು, ಹುಲ್ಲಿನ ಎಸಳು ಇತ್ಯಾದಿ. ಮೂಗಿಗಂತೂ (ಧೂಳು, ಹೊಗೆ) ಆಗಾಗ್ಗೆ ಶುಚಿತ್ವ ಮಾಡಿಸುತ್ತಲೇ ಇರಬೇಕು, ಆಗೆಲ್ಲಾ ತಂತಾನೇ ಬೆರಳುಗಳು ಚಿನ್ನದ ಗಣಿಯಲ್ಲಿ ಆಡುತ್ತಿರುತ್ತವೆ.

ಇನ್ನು ತರಕಾರಿಯೋ, ಹೂವೋ ತರಲು ಹೋದರೆ ಎಲ್ಲೋ ಕೆಲವು ಮಂದಿ ಬೀಡಿ/ಸಿಗರೇಟು ಧಂ ಎಳೆಯುತ್ತಿರುವವರು ಕೈತೊಳೆದು ಕೊಡುವವರು ಇದ್ದಾರೆ. ಆದರೆ ಹೆಚ್ಚಿನ ಮಂದಿ ಎಡಗೈನಲ್ಲಿ ಕ್ಯಾರೆಟ್, ಟೊಮೊಟೋ, ಮೂಲಂಗಿ ಕಚ್ಚಿ ತಿನ್ನುತ್ತಾ ತರಕಾರಿ ತೂಗುತ್ತಾರೆ. ಜನ ಅದನ್ನೇ ಕೊಂಡುಕೊಳ್ಳುತ್ತಾರೆ. ಇನ್ನು ಗ್ರಾಹಕರೇನು ಕಡಿಮೆಯಿಲ್ಲ. ಹುರಳಿಕಾಯಿ, ತೊಗರಿ, ಮೂಲಂಗಿ ಯಾವುದೇ ಕೊಳ್ಳಬೇಕಾದರೂ ಮುರಿದು ತಿನ್ನುವ ಅಭ್ಯಾಸ ಬಿಟ್ಟು ಕಚ್ಚಿ ತಿಂದು, ಕೈಯನ್ನು ಬಟ್ಟೆಗೆ ಒರೆಸಿಕೊಂಡು (??) ಹಾಗೆಯೇ ಅದೇ ಕೈನಿಂದಲೇ ತರಕಾರಿ ಕೊಳ್ಳುವುದೂ ಇದೆ. ಆ ತರಕಾರಿ/ಹೂ/ ಕೊಡುವವ ಬಲಗೈ ಅಥವಾ ಎಡಗೈ ಹೆಬ್ಬೆರಳನ್ನು ನಾಲಿಗೆಗೆ ತಗಲಿಸಿ, ಪ್ಲಾಸ್ಟಿಕ್‌ ಕವರ್‌ ಬಿಡಿಸಿ ನೀವು ಕೊಂಡ ಪದಾರ್ಥವನ್ನು ತುಂಬಿ ಕೊಡುತ್ತಾನೆ. ಹಣ್ಣುಮಾರುವವರದ್ದೂ ಇದೇ ಕಥೆ. ಅದರಲ್ಲಿಯೂ ಮಾವಿನ ಹಣ್ಣು ಕೊಳ್ಳುವಾಗಲಂತೂ... ನೆನಪಿಸಿಕೊಂಡರೇ ಬೇಸರವಾಗುತ್ತದೆ.

ಪುಟ್ಟ ಮಕ್ಕಳು, ಶಾಲಾ ಮಕ್ಕಳು (ಪ್ರಾಥಮಿಕ/ಮಾಧ್ಯಮಿಕ) ಇವುಗಳ ಬಗ್ಗೆ ಗಮನವಿರುವುದಿಲ್ಲ. ಕೊಟ್ಟ ಪದಾರ್ಥವನ್ನು ಕಚ್ಚಿತಿನ್ನುವ ರೂಢಿ ಮಾಡಿಕೊಂಡಿರುತ್ತವೆ. ಕೆಲವರಿಗೆ ಹಪ್ಪಳ, ಸಂಡಿಗೆ ಎಡಗೈನಲ್ಲಿ ಕಚ್ಚುತ್ತಾ ಊಟ ಮಾಡುವ ದುರಭ್ಯಾಸವೂ ಇರುತ್ತೆ. ಇವೆಲ್ಲವನ್ನೂ ಮಾಡಬಾರದು ಎಂದು ಚಿಕ್ಕ ಮಕ್ಕಳಿದ್ದಾಗಿನಿಂದ ತಿಳಿಸಿ ಹೇಳಿದರೆ ತಿದ್ದುಕೊಳ್ಳುವರು. ಆದರೆ, ಹಿರಿಯರೇ ಇದನ್ನು ಅಭ್ಯಾಸ ಮಾಡಿಕೊಂಡಿದ್ದರೆ (??) ಏನು ಹೇಳುವುದು. ಮಕ್ಕಳಿಗಾದರೂ ತಿಳಿಸಿ ಹೇಳಬಹುದು, ಆದರೆ ಹಿರಿಯರಿಗೆ ಹೇಳುವುದು ಕಷ್ಟ.

ಮತ್ತೆ ಮದುವೆ ಮನೆಯ ವಿಚಾರಕ್ಕೆ ಬಂದರೆ, ಕೆಲವರು ಬಫೆ, ಕೆಲವರು ಟೇಬಲ್ ಊಟ, ಬಾಳೆಯೆಲೆಯೂಟ ಹೀಗೆ ಮಾಡಿಸಿರುತ್ತಾರೆ. ಊಟದ ಕೊನೆಯಲ್ಲಿ ಬಾಳೆಹಣ್ಣು ಅಥವಾ ಐಸ್‌ಕ್ರೀಂ ಕೊಡುವ ಪರಿಪಾಠ ಬೇರೆ ಬೆಳೆಸಿಕೊಂಡಿದ್ದಾರೆ. ಇದು ಎಷ್ಟರ ಮಟ್ಟಿಗೆ ಸರಿಯೋ ತಿಳಿಯದು. ಇದರ ನಡುವೆಯೇ ಫಲತಾಂಬೂಲವನ್ನೂ ಎಲೆಯ ಬಳಿ ಅಥವಾ ಕೈಗೆ ಕೊಡುತ್ತಾರೆ. ಕೆಲವೊಮ್ಮೆ ಎಂಜಲೆಲೆಯ ಮೇಲೆಯೆ ಇಟ್ಟು ಹೋಗುತ್ತಾರೆ. ಕೈ ತೊಳೆದ ಮೇಲೆ ಎಲೆ-ಅಡಿಕೆ ತಾಂಬೂಲಕ್ಕೂ ಮೊದಲು ಬಾಳೆಹಣ್ಣು ಅಥವಾ ಐಸ್‌ಕ್ರೀಂ ತಿನ್ನುವುದು ಸುಲಭವಾಗುತ್ತದೆ. ಏಕೆಂದರೆ, ಎಲೆಯ ಬಳಿಯೇ ಇದ್ದಾಗ ಬಾಳೆಹಣ್ಣು ಸುಲಿಯಲು (ಒಂದು ಕೈನಿಂದ) ಕಷ್ಟ, ಐಸ್‌ಕ್ರೀಂ ತಿನ್ನುವುದೂ ಕಷ್ಟ. ಆಗ ಎರಡೂ ಕೈ ಉಪಯೋಗಿಸಬೇಕಾಗುತ್ತದೆ. ನಂತರ ತಾಂಬೂಲದ ಕವರ್‌ ಅದೇ ಎಂಜಲ (ಎಡ ಕರದಿಂದ) ಕೈನಿಂದ ಹಿಡಿದು ಕೈತೊಳೆಯಲು ಹೋಗುವುದು. ಇದೆಲ್ಲ ಒಂದು ಸಭ್ಯತೆಯೆ ಅನಿಸುವುದು ಸಹಜ. ಆದರೆ, ಜನಕ್ಕೆ ಇವೆಲ್ಲ ಬೇಕಿಲ್ಲ.

ಇನ್ನೂ ಕೆಲವರಿರುತ್ತಾರೆ. ತಮಗೆ ಸಿಹಿ ಇಷ್ಟವಿಲ್ಲ ಎಂದ ಮೇಲೆ ಊಟದಲ್ಲಿ ಹಾಕಿಸಿಕೊಳ್ಳಬಾರದು ಅಥವಾ ಹಾಕಿಸಿಕೊಂಡಮೇಲೆ ತಿನ್ನಬೇಕು ಇಲ್ಲ ಬಿಡಬೇಕು. ಆದರೆ, ತಮ್ಮ ಪಕ್ಕದಲ್ಲಿರುವ ಸ್ನೇಹಿತರಿಗೋ ಬಂಧುಗಳಿಗೋ (ಅದಾಗಲೇ ಊಟ ಶುರು ಮಾಡಿ, ಕೈಬಾಯಿ ಸಮಾರಾಧನೆ ನಡೆಯುತ್ತಿರುತ್ತದೆ) ಪಟಕ್ಕಂತ ಹಾಕುವುದೂ ಇದೆ. ಇನ್ನು ಕೆಲವರೋ ಬಡಿಸಿದವನಿಗೆ ಮತ್ತೆ ಕರೆದು ಈ ಸಿಹಿ ತಿಂಡಿ ಬೇಡ ತೊಗೊ ಎಂದು ಬಲವಂತದಿಂದ (ಎಂಜಲ ಎಲೆಯಿಂದ) ತೆಗೆಸುವವರೂ ಇದ್ದಾರೆ.

ಹೀಗೆಲ್ಲಾ ತಾವೇ ಮಾಡುವಾಗ ಇನ್ನು ಶುಚಿತ್ವ, ಸಭ್ಯತೆ ಎಲ್ಲಿರಬೇಕು? ಎಲ್ಲಿಂದ ಬರುತ್ತೇ? ಎಲ್ಲಿಂದ ಕಾಣುವುದು? ಯೋಚಿಸಬೇಕಾದ ವಿಷಯವೇ, ಅಲ್ಲವೆ?

++++++++++++++++++++

ಇಲ್ಲೊಂದು ಪಟ್ಟಿ ಇದೆ. ಸುಮ್ಮನೇ ಓದಿದರೇ ಅರಿವಾಗುವುದು.

Wash your hands well with plenty of soap and hot water before the meal.
Do not try this at a restaurant until you have mastered it at home.
Do not use your eating hand to pass food once you have begun eating with it. This is a strict no-no.
If you lick your fingers clean at the end of the meal, try to do it discreetly and quickly. In general, if you are eating in temples, etc., avoid licking your fingers at the end of the meal. Just wash your hands instead.
Practice thoroughly before eating in a public place like temples,restaurants and don't leave food in your hand while eating.
People may be so impressed with you for trying that they might forgive your "bad manners".

courtsey: http://www.wikihow.com/Eat-Indian-Food-with-Your-Hands

++++++++++++++++++++

ಬರಹ: ಚಂದ್ರಶೇಖರ ಬಿ.ಎಚ್. ೧೮.೧೧.೨೦೧೦

ಮೂರನೇ ವರ್ಷಕ್ಕೆ ಅಡಿಯಿಡುವಲ್ಲಿ...

2010-11-16T14:09:00.003+05:30

ಕ್ಷಣ ಚಿಂತನೆ... ಚಿಂತನಾ ಲಹರಿ...

ಸದಾ ಹರಿಯುತ್ತಿರುವ ನದಿಯಂತೆ ಚಿಂತನೆಯೂ ಸಹ ಎಂಬ ಆಶಯದೊಂದಿಗೆ ಶುರು ಮಾಡಿದೆ. ಈ ನನ್ನ (ಗೂಗಲ್‌ ನವರ) ಬ್ಲಾಗಿನಲ್ಲಿ ಇಲ್ಲಿಯವರೆವಿಗೂ ಮಹಾನ್‌ ವ್ಯಕ್ತಿಗಳ ನುಡಿಗಟ್ಟುಗಳನ್ನು ಬಳಸಿಕೊಂಡು ಬರೆದ ಬರಹಗಳು, ವಿವಿಧ ವಿಷಯಗಳು, ಪ್ರವಾಸೀ ಕಥನ, ಸ್ವಗತ ಬರಹಗಳು, ಹಾಗೂ ಛಾಯಾಚಿತ್ರಗಳನ್ನು ಪ್ರಕಟಿಸುತ್ತಾ ಬಂದಿದ್ದೇನೆ. ಈ ಬರಹಗಳಿಗೆ, ಚಿತ್ರಗಳಿಗೆ ಹಲವಾರು ಬ್ಲಾಗಿಗರು ತಮ್ಮ ತಮ್ಮ ಸಲಹೆ, ಪ್ರೋತ್ಸಾಹಗಳನ್ನು ನೀಡುತ್ತಾ ಬಂದಿದ್ದಾರೆ. ಅವರೆಲ್ಲರಿಗೂ ಧನ್ಯವಾದಗಳು.

ಬರಹಗಳಿಗೆ ವಿಷಯಗಳ ಬರವಿರದಿದ್ದರೂ ಕೆಲವೊಮ್ಮೆ ಏನು ಬರೆಯಬೇಕು? ಯಾಕೆ ಬರೆಯಬೇಕು ಎಂಬುದು ಹೊಳೆಯದೇ ಮಿತ್ರರೊಂದಿಗೆ ಚರ್ಚಿಸಿದ್ದಿದೆ. ಆಗೆಲ್ಲ ಅವರ ಅಭಿಪ್ರಾಯ ಅಥವಾ ಸಲಹೆಗಳಿಂದ ಒಂದಷ್ಟು ಬರವಣಿಗೆ ಸಾಗುತ್ತಾ ಬಂದಿದೆ. ಅವರೆಲ್ಲರ ಪ್ರೋತ್ಸಾಹದಿಂದ ಇ‌ಲ್ಲಿಯವರೆವಿಗೂ ಅಂದರೆ ಎರಡು ವರ್ಷ ಮುಗಿಸುತ್ತಾ ಮೂರನೇ ವರ್ಷಕ್ಕೆ ಬರಹದ ಕಾಲ್ನಡಿಗೆಯನ್ನು ಶುರು ಮಾಡುತ್ತಿದ್ದೇನೆ.

ಬ್ಲಾಗಿನಿಂದಾಗಿ ಹಲವಾರು ಮಿತ್ರರು ಸಿಕ್ಕಿದ್ದಾರೆ. ಅವರೆಲ್ಲರ ಒಡನಾಟವೂ, ಆತ್ಮೀಯತೆಯೂ ಸಿಕ್ಕಿದೆ ಹಾಗೂ ವ್ಯಕ್ತಿತ್ವ ನಿರ್ಮಾಣಕ್ಕೂ ಸಹಕಾರಿಯಾಗಿದೆ.

ಮೂಲತ: ಗೂಗಲ್‌ ಕಂಪನಿಯವರಿಗೆ ವಂದನೆಗಳನ್ನು ತಿಳಿಸುತ್ತೇನೆ. ಏಕೆಂದರೆ, ಅವರ ಈ ಸೋಷಿಯಲ್ ನೆಟ್ವರ್ಕ್‌ನಿಂದಾಗಿ ಬ್ಲಾಗ್ ಉಚಿತವಾಗಿ ದೊರಕಿದ್ದು ಅದರ ಸದುಪಯೋಗ ಪಡೆಯುತ್ತಿದ್ದೇನೆ.

ನನ್ನ ಬ್ಲಾಗಿನಲ್ಲಿ ಬರಹ ಯೂನಿಕೋಡ್‌ ಉಪಯೋಗಿಸುವುದರಿಂದ ಅನೇಕರಿಗೆ ಓದಲು ಅನುಕೂಲವಾಗಿದೆ ಎಂಬುದು ನನ್ನ ಅನಿಸಿಕೆ. ಬರಹ ತಂತ್ರಾಂಶ ತಯಾರಿಕರಿಗೂ ಧನ್ಯವಾದಗಳು.

ಇದರೊಂದಿಗೆ ನಿಮ್ಮೆಲ್ಲರ ಕ್ಷಣ ಪ್ರತಿಕ್ರಿಯೆಯೇ ಮೂರನೇ ವರ್ಷಕ್ಕೆ ಬ್ಲಾಗನ್ನು ವಿಸ್ತರಿಸುವ ಹುಮ್ಮಸ್ಸು ಕೊಟ್ಟಿದೆ ಹಾಗೂ ಕೊಡುತ್ತದೆ ಎಂಬ ಆಶಯದಿಂದ, ನಿಮ್ಮೆಲ್ಲರಿಗೂ ನನ್ನ ಕೃತಜ್ಞತೆಗಳು ಹಾಗು ಧನ್ಯವಾದಗಳನ್ನು ತಿಳಿಸುತ್ತೇನೆ.

ಇಂತಿ,

ಚಂದ್ರಶೇಖರ ಬಿ.ಎಚ್.

ಮುಸುಕಿದೀ ಮಬ್ಬಿನಲಿ - ಆದರೆ..

2010-11-12T17:30:00.002+05:30

Behind every cloud is another cloud. - Judy Garland

ಈ ಮಾತನ್ನು ಪ್ರತಿಯೊಬ್ಬ ವ್ಯಕ್ತಿಗೂ ಹಾಗೆಯೇ ಪ್ರತಿಯೊಂದು ಕಷ್ಟನಷ್ಟ-ಸುಖ ಸಂತೋಷಗಳಿಗೂ ಅನ್ವಯಿಸಿಕೊಳ್ಳಬಹುದಲ್ಲವೇ?

ಹಾಗೆಯೇ ಪ್ರತಿಯೊಂದು ಸುಂದರ ಕ್ಷಣಗಳನ್ನೂ ಈ ರೀತಿ ತಿಳಿಯಬಹುದಲ್ಲವೆ? Happiness is like a cloud, if you stare at it long enough, it evaporates. - Sarah McLachlan

ಪತ್ರಿಕೋದ್ಯಮ ವಿಷಯಕ್ಕೆ ಬಂದರೆ ಹೀಗೂ ಅಂದುಕೊಳ್ಳಬಹುದು: In journalistic terms, syndication is equivalent to ascending to heaven on a pillar of cloud. - John Skow

ಮೋಡದ ಮುಸುಕು ಇದೀಗ ಹೊರಗೆ ಕವಿದಿದೆ ನಿನ್ನೆ ಮೊನ್ನೆಯಿಂದ, ಅದರ ಹಿಂದೆಯೇ ಆಶಾಭಾವನೆಗಳ ಹೊಂಗಿರಣಗಳನ್ನು ಕಾಣಬೇಕಾದರೆ ಹೀಗಿರಬೇಕಲ್ಲವೆ? Climb up on some hill at sunrise. Everybody needs perspective once in a while, and you'll find it there. ~Robb Sagendorph

ಕೃಪೆ: ಆಕರಗಳಿಂದ ಆರಿಸಿದ್ದು.

ಸ್ಫೂರ್ತಿಯ ಚಿಲುಮೆ: ಶಂಕರ ನಾಗರಕಟ್ಟೆ... ಇಂದು ನಿಮ್ಮ ಜನ್ಮದಿನ

2010-11-09T16:08:00.005+05:30

೪ನೇ ತಾರೀಖು ಬ್ಲಾಗ್‌ ಮಿತ್ರರೊಬ್ಬರು ನನಗೆ ನಾಳೆ ದಿನ ಜಯನಗರದ ಟೋಟಲ್‌ಕನ್ನಡ ದಲ್ಲಿ ಪುಸ್ತಕ ಬಿಡುಗಡೆ ಇದೆ ಬನ್ನಿ ಎಂದು ಕರೆದರು. ಆದರೆ, ವೈಯಕ್ತಿಕ ಕಾರಣಗಳಿಂದ ಅಲ್ಲಿಗೆ ಹೋಗಲು ಆಗಲಿಲ್ಲ. ಅದು ಕನ್ನಡದ ಸಹಜ ನಟ ಅನಂತನಾಗ್‌ರವರು ಬರೆದ ತಮ್ಮ `ತಮ್ಮನ' ಪುಸ್ತಕ ಬಿಡುಗಡೆ ಕಾರ್ಯಕ್ರಮವಾಗಿತ್ತು. ನನ್ನ ತಮ್ಮ ಶಂಕರ ಪುಸ್ತಕರ ಹೆಸರು.

ಇಂದು ಬೆಳಗ್ಗೆ ಅದೇ ಮಿತ್ರರಿಂದ ಈವತ್ತು ಶಂಕರ್‌ನಾಗ್‌ ಜನ್ಮದಿನ ಎಂದು ತಿಳಿಸಿದರು. ಏನಾದರೂ ಬರೆಯಿರಿ ಅವರ ಬಗ್ಗೆ ಎಂದೂ ಹೇಳಿದರು. ಏನೆಂದು ಬರೆಯುವುದು ಆತನ ಬಗ್ಗೆ.

ಅವರ ಬಗ್ಗೆ ಹೇಳಬಹುದಾದರೆ, ನಟ, ನಿರ್ದೇಶಕ, ರಂಗಕರ್ಮಿ ಶಂಕರ್‌ನಾಗ್‌ ಒಂದು ಚಿಲುಮೆಯ ಸ್ಫೂರ್ತಿ, ಚಟುವಟಿಕೆಯ ಆಗರ, ಅಗಾಧ ಕನಸುಗಾರ, ಅಸಾಧ್ಯವೆಂಬ ಮಾತಿಗೆ ದೂರ, ಛಲಗಾರ, ಅಷ್ಟೇ ಅಲ್ಲದೇ ಸಂಕೇತ್‌ ಎಂಬ ಸ್ಟುಡಿಯೋ ಹುಟ್ಟಿಗೆ ಕಾರಣಕರ್ತ. ಒಂದಷ್ಟು ರಾಜಕೀಯ ಕಾರ್ಯದಲ್ಲೂ ಸಕ್ರಿಯನಾಗಿದ್ದವರು. ಹಾಗೆಯೇ, ಆಟೋರಿಕ್ಷಾದವರ ಕಣ್ಮಣಿ, ಆಟೋರಿಕ್ಷಾಗಳ ಮೇಲೆ ಆತನ ಚಿತ್ರವಿಲ್ಲದ ಆಟೋ ಊಹಿಸಿಕೊಳ್ಳುವುದೂ ಕಷ್ಟ. ಶಂಕರ್‌ನಾಗರ ಬಗ್ಗೆ ಒಂದೆರಡು ಸಾಲು ಬರೆಯಲೂ ಸಾಧ್ಯವಾಗದಷ್ಟು ಅಗಾಧ ರೂಪಿ ಎನ್ನಬಹುದು.

ಅತಿ ಚಿಕ್ಕ ವಯಸ್ಸಿನಲ್ಲಿಯೇ ಮಹತ್‌ಸಾಧನೆಗಳನ್ನು ಮಾಡಿದ ಹಾಗೂ ಇನ್ನೂ ಮಾಡಬೇಕೆಂದಿದ್ದ ಒಬ್ಬ ಕನಸುಗಾರ ಶಂಕರ್‌ನಾಗ್ ಜನ್ಮ ದಿನ ಇಂದು (೯ ನವೆಂಬರ್‌, ೧೯೫೪) ಆದರೆ, ಆತ ಅಕಾಲದಲ್ಲಿಯೇ ಬಿಟ್ಟು ಹೋದ ನೆನಪುಗಳು ಅನೇಕ (ಸೆಪ್ಟೆಂಬರ್‍ ೩೦, ೧೯೯೦). ಅದರಲ್ಲಿ ಮಾಲ್ಗುಡಿ ಡೇಸ್‌... ರಾಷ್ಟ್ರವ್ಯಾಪಿ ಧಾರಾವಾಹಿಯಾಗಿ ಮಾಡಿದ್ದೂ ಸಹ ಒಂದು ವಿಶೇಷ ಸಾಧನೆ.

ಆತನನ್ನು ಒಮ್ಮೆ ಸ್ವತ: ನಾನು ಕಂಡಿದ್ದು ಬಸವನಗುಡಿಯ ನ್ಯಾಷನಲ್‌ ಕಾಲೇಜಿಗೆ ಹೋಗುವ ನಾರ್ತ್‌ರೋಡ್‌ನಲ್ಲಿ, ತನ್ನ ಕಾರನ್ನು ಚಲಾಯಿಸುತ್ತಾ ಸಾಗುತ್ತಿದ್ದದ್ದು.

ದಿವಂಗತ ಶಂಕರ್‌ನಾಗ್‌ ಹೆಸರಿನಲ್ಲಿ ಬೆಂಗಳೂರಿನಲ್ಲಿ ಚಿತ್ರಮಂದಿರವೂ ಇದೆ. ರಂಗಶಂಕರ ರಂಗಮಂದಿರವೂ ಇದೆ. ಹೀಗೆ ಆತನ ನೆನಪು ಸದಾ ಜನಮಾನಸದಲ್ಲಿದೆ.

ಆತನ ಚಿತ್ರಗಳನ್ನು ಮನೆಮಂದಿಯೆಲ್ಲ ಖುಷಿಯಿಂದ ನೋಡಬಹುದಿತ್ತು. ಸೀತಾ ರಾಮು, ಮಿಂಚಿನ ಓಟ, ನೋಡಿ ಸ್ವಾಮಿ ನಾವಿರೋದೇ ಹೀಗೆ, ಸಿಬಿಐ ಶಂಕರ್‍, ಸಾಂಗ್ಲಿಯಾನ (ಭಾಗ೧ ೧-೨), ಗೆದ್ದಮಗ, ಹೀಗೆ ಅನೇಕ ಚಿತ್ರಗಳು. ಒಂದಾನೊಂದು ಕಾಲದಲ್ಲಿ - ಮೊದಲ ಚಲನಚಿತ್ರಕ್ಕೆ ರಾಷ್ಟ್ರಪ್ರಶಸ್ತಿ ಬಂದಿತ್ತು. ಹೀಗೆ ಸಾಗುತ್ತದೆ, ಆತನ ಚಲನಚಿತ್ರ, ನಾಟಕ, ನಿರ್ದೇಶನ ಜೀವನಗಾಥೆ. ಆತನೊಬ್ಬ ಬಲು ಆತ್ಮೀಯ ವ್ಯಕ್ತಿಯಾಗಿದ್ದರು.

ಇನ್ನು ಹೆಚ್ಚಿನ ವಿವರಗಳಿಗಾಗಿ ಇಲ್ಲೊಂದಷ್ಟು ಜಾಲತಾಣಗಳಿವೆ ನೋಡಿ:
http://www.shankarnag.in/
http://www.chakpak.com/celebrity/shankar-nag/biography/11656

ಶಂಕರ್‌ನಾಗ್‌, ನಿಮಗೆ ನಮನಗಳು.

ಚಿತ್ರಕೃಪೆ: ಗೂಗಲ್‌ ಇಮೇಜ್ ಸರ್ಚ್ (Photo courtsey: Google image search)

ಮನಸು, ಕಣ್ಣು, ಕಿವಿ, ಹೃದಯ ಎಚ್ಚರವಿರಲಿ...

2010-11-08T15:06:00.000+05:30

"Be civil to all; sociable to many; familiar with few; friend to one; enemy to none."
- Benjamin Franklin

ಇದು ಹೇಳುವುದಕ್ಕೆ ಅಥವಾ ಕೇಳುವುದಕ್ಕೆ ಚೆನ್ನಾಗಿರುತ್ತದೆ. ಏಕೆಂದರೆ, ಇದರಂತೆ ನಡೆದುಕೊಳ್ಳುವುದು ಬಹಳವೇ ಕಷ್ಟಸಾಧ್ಯ. ಮನುಷ್ಯನಿಗೆ ಏನೆಲ್ಲ ಇದ್ದರೂ ಇವೆಲ್ಲ ಕ್ಷಣಿಕಮಾತ್ರ.

ಮೊನ್ನೆ ದಿನ, ದೀಪಾವಳಿ ಹಬ್ಬದ ಸಂಭ್ರಮ. ಎಲ್ಲೆಲ್ಲೂ ಪಟಾಕಿ ಸದ್ದು, ಬೆಳಕಿನ ಕಿರಣಗಳ ಜಟಾಪಟಿ, ರಾಕೆಟ್‌, ಹೂಕುಂಡಗಳ ಚಟಪಟಿ ಹೀಗೆ ಸಾಗಿತ್ತು. ಆದರೆ, ನಾವು ಸಂಜೆಯ ವಿಹಾರಕ್ಕೆಂದು ಮನೆಯ ಹತ್ತಿರದ ಬಸ್ ನಿಲ್ದಾಣದ/ಅಂಗಡಿಗಳ ಹತ್ತಿರ ನಿಂತಿದ್ದೆವು. ಅಲ್ಲಿಯೇ ಒಬ್ಬಾತ ಹಚ್ಚಿದ ರಾಕೆಟ್‌ ಮೇಲೇನೋ ಹೋಯಿತು. ಆದರೆ ಮರಗಿಡಗಳ ಅಡೆತಡೆಗಳಿಂದಾಗಿ ಅಂಗಡಿಗೆ ನುಗ್ಗಿತು. ಅಂಗಡಿಯಲ್ಲಿದ್ದ ಗ್ರಾಹಕರ ನಡುವೆ ಬಿದ್ದು ಸಿಡಿಯಿತು. ಒಂದಿಬ್ಬರ ಬಟ್ಟೆಗೆ ಕಿಡಿಯು ಹಾರಿ ಬಟ್ಟೆಗಳು ಸುಟ್ಟವು. ನಂತರ ಮತ್ತೊಂದು ರಾಕೆಟ್ ಅದೇ ಮಾದರಿಯಲ್ಲಿ (ದಾರಿಯಲ್ಲಿ) ಹಾಯ್ದುಬಂದು ನಮ್ಮ ಜೊತೆಗೆ ಸ್ಕೂಟರಿನಲ್ಲಿ ಮಾತಾಡುತ್ತಿದ್ದವರ ಗಾಡಿಯ ಕೆಳಗೆ ಸಿಡಿಯಿತು. ಇದರಿಂದ ಅವರ ಬಟ್ಟೆಯೂ ಸಹ ಹಾಳಾಯಿತು. ಆದರೆ ಈ ಎರಡೂ ಘಟನೆಗಳಲ್ಲಿ ಯಾರಿಗೂ ಸುಟ್ಟಗಾಯದ ತೊಂದರೆಯಾಗದಿದ್ದರೂ ಒಟ್ಟಿನಲ್ಲಿ ಅವಘಡವಂತೂ ಆಗಿತ್ತು. ಯಾರೋ ಚಿಕ್ಕಮಕ್ಕಳು ಈ ರೀತಿ ಪಟಾಕಿ ಹಚ್ಚಿದ್ದರೆ ಅದು ಬೇರೆ ವಿಷಯ. ಇದರಿಂದ ಯಾರು ಪಟಾಕಿ ಹಚ್ಚುತ್ತಿದ್ದನೋ ಆತನಿಗೆ ನೋಡಪ್ಪ ಹೀಗಾಯಿತು. ರಾಕೆಟ್ ಬಿಡುವಾಗ (ಮರಗಿಡಗಳಿಲ್ಲದೆ ಕಡೆ ನೋಡಿ ಬಿಡು) ಎಚ್ಚರಿಕೆಯಿಂದ ಹಾರಿಸು ಎಂದು ನಮ್ಮೊಡನಿಂದ ಸಹೋದ್ಯೋಗಿ ಹೇಳಿದರೆ ಇವರ ಮೇಲೆ ಜಗಳಕ್ಕೆ ಬೀಳುವುದೆ? ಅಷ್ಟಕ್ಕೂ ಈ ಮಂದಿಯೆಲ್ಲ ಚಿಕ್ಕವರಿಂದಲೇ ನೋಡಿದ ವ್ಯಕ್ತಿಯೇ ಹೀಗೆ ಹೇಳಿದ್ದಕ್ಕೆ ಹರಿಹಾಯ್ದರೆ ಇನ್ನು ಗೊತ್ತು ಪರಿಚಯವಿಲ್ಲದವರ ಪ್ರಶ್ನೆ ಮಾಡಿದ್ದರೆ ಅವರಿಗೆ ಹೊಡೆದೇ ಬಿಡುತ್ತಿದ್ದರೇನೋ? ಓದಿದ ಮಾತ್ರಕ್ಕೆ ಬುದ್ಧಿ ಬರುವುದಿಲ್ಲ. ಮೊದಲು ನಗರದಲ್ಲಿದ್ದ ಮಾತ್ರಕ್ಕೆ ನಾಗರಿಕನಾಗುವುದಿಲ್ಲ. ಅವರಲ್ಲಿನ ಸಹನೆ, ನಡವಳಿಕೆ ನಾಗರಿಕತೆಯನ್ನು ತೋರಿಸಬಹುದು, ಅಲ್ಲವೇ? ಆದ್ದರಿಂದ ಬೀ ಸಿವಿಲ್ ಟು ಆಲ್...

ಯಾರಿಗೂ ಹೇಳ್ಬೇಡಿ ಅಂತ ಒಂದು ಚಲನಚಿತ್ರ ಬಂದಿತ್ತು. ಅದರಲ್ಲಿನ ನಾಯಕ, ವಠಾರ ಹೆಂಗಳೆಯರಿಗೆಲ್ಲ ಮನೆ ನಿವೇಶನ ಕೊಡಿಸುತ್ತೇನೆ ಎಂದು ನಂಬಿಸಿ, ಅವರಿಂದಲೇ ಹಣ ತೆಗೆದುಕೊಂಡು ತಾನೇ ಒಂದು ನಿವೇಶನ ಖರೀದಿಸಿರುತ್ತಾನೆ. ಆದರೆ, ಆ ನಿವೇಶನ ಆ ವಠಾರದಲ್ಲಿನ ಒಬ್ಬ ಸರ್ಕಾರೀ ನೌಕರನದ್ದೇ ಆಗಿರುತ್ತದೆ. ನಿವೇಶನ ಕೊಳ್ಳುವಾಗ ಸರಿಯಾಗಿ ಗಮನಿಸಿದೇ ಅದೇ ಜಾಗದಲ್ಲಿ ಮನೆಯನ್ನೂ ಕಟ್ಟಿಸುತ್ತಾನೆ. ಆ ಮನೆಯ ಗೃಹಪ್ರವೇಶದ ಸಮಯ ಬಂದಾಗ ನಿವೇಶನ ಮತ್ತು ಮನೆಯ ನಿಜವಾದ ವಾರಸುದಾರ ಯಾರೆಂದು ತಿಳಿಯುತ್ತದೆ. ಕೊನೆಗೆ ನಿಜಾಂಶ ಎಲ್ಲ ತಿಳಿದು ಸಂತಸದಲ್ಲಿ ಚಿತ್ರ ಅಂತ್ಯವಾಗುತ್ತದೆ. ಆದರೆ ಚಿತ್ರದ ಮಾತೆಂದು ಇಟ್ಟುಕೊಳ್ಳಬಹುದು. ಎಲ್ಲರಿಗೂ ಸಮಾಜಸೇವೆ ಮಾಡುವ ಸೋಗಿನಲ್ಲಿ ಕಳ್ಳರು, ವಂಚಕರು ಇದ್ದೇ ಇರುತ್ತಾರೆ. ಎಚ್ಚರಿಕೆ ಅಗತ್ಯ. ಸೋಷಿಯಬಲ್‌ ಟು ಮೆನಿ... ಎಚ್ಚರವಿರದಿದ್ದರೆ... ನೋ ಮನಿ, ನೋ ಹನಿ...

ಕೆಲವಂ ಬಲ್ಲವರಿಂದ ತಿಳಿದು ಎಂಬಂತಿದ್ದರೆ ಒಳ್ಳೆಯದು. ಇಲ್ಲಿ ಯಾವುದೇ ನಕಾರಾತ್ಮಕ ಚಿಂತನೆ ಬೇಡ. ನಮಗೆ ಗೊತ್ತಿರುವದನ್ನೇ ಬಿಂಬಿಸಬಹುದು. ಕೆಲವರಿರುತ್ತಾರೆ.... ತಮಗೆಲ್ಲಾ ಗೊತ್ತು ಎಂಬ ಭಾವನೆಯಿಂದ. ಆದರೆ ಅವರಿಗೇ ಗೊತ್ತಿಲ್ಲದ ಒಂದು ಅಭಾವ ಅವರಲ್ಲಿ ಮನೆ ಮಾಡಿರಬಹುದು. ಇಲ್ಲಿಯೂ ಎಚ್ಚರ ತಪ್ಪಿ ನಡೆದರೆ, ಅಪಮಾನವೆಂಬ ಅಪಘಾತಕ್ಕೆ ಗುರಿಯಾಗಬಹುದು ಅಥವಾ ತಪ್ಪು ತಿದ್ದುಕೊಳ್ಳುವ ಅವಕಾಶವೂ ಸಿಗಬಹುದು...

ಒಬ್ಬರಿಗೆ ಮಾತ್ರ ಮಿತ್ರರಾಗಿರುವುದು ಬಹಳ ಕಷ್ಟ. ಅಜೀವ ಮಿತ್ರರೇ ಬೇರೆ. ಆಗೊಮ್ಮೆ ಈಗೊಮ್ಮೆ ಸಿಗುವ ಬಾಲ್ಯದ ಮಿತ್ರರೇ ಬೇರೆ. ಆತ್ಮೀಯ ಮಿತ್ರರೆಂದು ಒಬ್ಬರಿಗೇ ಸ್ನೇಹವನ್ನು ಕೊಡುವುದು ಬಹಳ ಕಷ್ಟವಾದ ಮಾತು. ದುರ್ಯೋಧನನಿಗೆ ಕರ್ಣನಿದ್ದಂತೆ, ಶ್ರೀಕೃಷ್ಣನಿಗೆ ಸುಧಾಮನಿದ್ದಂತೆ... ನಮ್ಮ ಬಾಳಿನಲ್ಲೂ ಒಬ್ಬ ಆತ್ಮೀಯ ಮಿತ್ರ ಇರುತ್ತಾನೆ. ಆ ಮಿತ್ರತ್ವವನ್ನು ತಿಳಿಯುವುದು ಅಷ್ಟು ಸುಲಭದ ಮಾತಲ್ಲ. ಒಂದಲ್ಲಾ ಒಂದು ವಿಷಯಕ್ಕೆ ಮಿತ್ರತ್ವ ಹೋಗಿ ದ್ವೇಷವೂ ಸುಳಿಯಬಹುದು. (ಇತ್ತೀಚೆಗಿನ ವಿದ್ಯಮಾನದಲ್ಲಿ ಸ್ನೇಹಕ್ಕೆ ಬೆಲೆಯೇ ಇಲ್ಲವಾಗಿದೆ. ಕ್ಷುಲ್ಲಕ ವಿಚಾರಗಳಿಗೆ, ರೇಗಿಸಿದ ಎಂಬ ಕಾರಣಕ್ಕೆ ಕೊಲೆಗಳನ್ನೂ ಮಾಡುವಂತರ ಮಿತ್ರ(???) ಇರುತ್ತಾರೆ, ಪತ್ರಿಕೆಯಲ್ಲಿ ದಿನವೂ ಕಾಣಬಹುದು). ಸ್ನೇಹಕ್ಕೆ ಕಟ್ಟುಬಿದ್ದೋ ಅಥವಾ ಇನ್ಯಾವುದೋ ಕಾರಣಕ್ಕೋ ವೈರಿಯೇ ಆಗುವುದೂ ತರವಲ್ಲ. ಆದರೆ, ನಮ್ಮ ಸ್ನೇಹಿತ/ತೆ ಯಾರಾದರೂ ಸರಿಯೇ ನಿಜವಾದ ಸಾಧನೆಗಳನ್ನು ಮಾಡಿದಾಗ ಅವರನ್ನು ಶ್ಲಾಘಿಸಬೇಕು ಅಥವಾ ಸಂತಸ ತೋರಿಸಬೇಕು. ಅದನ್ನು ಬಿಟ್ಟು ದ್ವೇಷ ತುಂಬಿಕೊಂಡರೆ, ನಾವು ಏನನ್ನು ಸಾಧಿಸಿದಂತಾಗುತ್ತದೆ. ಅದಕ್ಕೆಂದೇ ಯಾರಿಗೂ ವೈರಿಯಾಗಬೇಡ ಎಂಬ ಮಾತನ್ನು ಸದಾ ನೆನಪಿನಲ್ಲಿಟ್ಟರೆ, ನಾವೂ ಏನಾದರೂ ಸಾಧಿಸಬಹುದು. ಅಥವಾ ಮಾನವ ಎಂಬ ಪದಕ್ಕೆ ಸೂಕ್ತ ಉದಾಹರಣೆಯಾಗಬಹುದು.

ಯಾರನ್ನೇ ಆಗಲಿ ಹೀಗೆ ಗುರುತಿಸಬಹುದು: "Fish and visitors smell in three days."- Benjamin Franklin
ಎಂದ ಮೇಲೆ ಎಲ್ಲೇ ಇರಿ, ಹೇಗೇ ಇರಿ, ಸದಾ ಎಚ್ಚರವಿರಿ, ಮನಸು, ಕಣ್ಣು, ಕಿವಿ, ಹೃದಯ ಎಚ್ಚರವಿರಲಿ....

ದೀಪಾವಳಿ ಶುಭಾಶಯಗಳು - ೨೦೧೦

2010-11-04T11:43:00.001+05:30

ಬದುಕೊಂದು ಪಯಣ

2010-11-03T14:34:00.004+05:30

ಬದುಕೊಂದು ಪಯಣ

ಹುಟ್ಟೆಂಬುದು ಆರಂಭ
ಸಾವೆಂಬುದು ಅಂತ್ಯದ ತಾಣ
ನಡುವಿಹುದು ಜೀವನ ಪಯಣ

ಶೈಶವದಿಂದ ಬಾಲ್ಯದೆಡೆಗೆ
ಯೌವ್ವನದಿಂದ ಹಿರಿತನದೆಡೆಗೆ
ಸಾಗುತಿಹುದು ಜೀವನ ಪಯಣ

ಅಜ್ಞಾನದಿಂದ ಸುಜ್ಞಾನದೆಡೆಗೆ
ಕೆಲಬಾರಿ ಜ್ಞಾನದಿಂದ ಅಜ್ಞಾನದೆಡೆಗೆ
ಸಾಗುತಿಹುದು ಜೀವನ ಪಯಣ

ಬೆಳಕಿನಿಂದ ಕತ್ತಲೆಡೆಗೆ
ಕತ್ತಲಿಂದ ಬೆಳಕಿನೆಡೆಗೆ
ಸಾಗುತಿಹುದು ಜೀವನ ಪಯಣ

ದೌರ್ಬಲ್ಯದಿಂದ ದೃಢತೆಯೆಡೆಗೆ
ದೃಢತೆಯಿಂ ಜಡತತ್ವದೆಡೆಗೆ
ಸಾಗುತಿಹುದು ಜೀವನ ಪಯಣ

ನಂಬಿಕೆಯಿಂದ ಪ್ರಾರ್ಥನೆಯೆಡೆಗೆ
ಸಶಕ್ತಿಯಿಂದ ಸಹನಾಶಕ್ತಿಯೆಡೆಗೆ
ಸಾಗುತಿಹುದು ಜೀವನ ಪಯಣ

ನಂಬಿಕೆಯಿಂ ಅಪನಂಬಿಕೆಗಳೆಡೆಗೆ
ಸಹನೆಯಿಂದ ಕಡುಕೋಪದೆಡೆಗೆ
ಸಾಗುತಿಹುದು ಜೀವನ ಪಯಣ

ಛಲದಿಂದ ಮುನ್ನುಗುವೆಡೆಗೆ
ಅಂತಸ್ಸತ್ವವನು ಎಬ್ಬಿಸುವೆಡೆಗೆ
ಸಾಗುತಿಹುದು ಜೀವನ ಪಯಣ

ಹಲವೊಮ್ಮೆ ಅಧೈರ್ಯದೆಡೆಗೆ
ಅಂತಸ್ಸತ್ವದಿಂ ನಿಶ್ಶಕ್ತಿಯೆಡೆಗೆ
ಸಾಗುತಿಹುದು ಜೀವನ ಪಯಣ

ಇರಲಿ ಎಂದಿಗೂ ಎದೆಗುಂದದ ಛಲ
ಹಿಂದಿಕ್ಕದ ಹೆಜ್ಜೆ, ಕಾರಣ
ಸಾಗುತಿಹುದು ಜೀವನ ಪಯಣ

ಹುಟ್ಟೆಂಬುದು ಆರಂಭ
ಸಾವೆಂಬುದು ಅಂತ್ಯದ ತಾಣ
ನಡುವಿಹುದು ಜೀವನ ಪಯಣ, ಚಾರಣ

ಚಿತ್ರ-ಕವನ: ಚಂದ್ರಶೇಖರ ಬಿ.ಎಚ್. ೩.೧೧.೨೦೧೦

ನವೆಂಬರ್‍ ಬರುತ್ತಿದೆ...

2010-10-29T14:48:00.001+05:30

ಹೀಗೊಂದಿಷ್ಟು... ಚಿತ್ರಗಳು

2010-10-26T17:21:00.002+05:30

ಇವೆಲ್ಲ ತಿರುಮಲೆ ತಿರುಪತಿಗೆ (ಕಾಲ್ನಡಿಗೆಯಲ್ಲಿ ಬೆಟ್ಟ ಹತ್ತುವಾಗ) ಹೋಗಿದ್ದಾಗ ಫೋಟೋ ತೆಗೆದಿದ್ದು. ಅದಕ್ಕೆ ಕಪ್ಪು-ಬಿಳುಪಾಗಿವೆ... ಬಣ್ಣಂಗಟ್ಟಿ ಬೇಡವೆನಿಸಿ ಪ್ರಯತ್ನಿಸಿದ್ದು...

Colors, like features, follow the changes of the emotions. - Pablo Picaso

Excellence in art, as in everything else, can only be achieved by dint of painstaking labour.

ಮಳೆಗಾಲದಲ್ಲೆರಡು ದಿನಗಳ ಪ್ರವಾಸ - ಭಾಗ ೨

2010-10-15T15:44:00.005+05:30

ಮಳೆಗಾಲದಲ್ಲೆರಡು ದಿನಗಳ ಪ್ರವಾಸ - ಭಾಗ ೨

ಜೇನುಕಲ್ಲುಗುಡ್ಡದಿಂದ ಸಂಜೆ ೮.೦೦ ರ ವೇಳೆಗೆ ಶಿರಸಿ ತಲುಪಿದೆವು. ಹಾದಿಯಲ್ಲಿ ಪಂಚವಟಿ ಹೋಟೆಲಿನಲ್ಲಿ ಸ್ಥಳಾವಕಾಶ ಸಿಗಬಹುದೇ? ಊಟ ಸಿಗಬಹುದೇ ಎಂದು ವಿಚಾರಿಸಿದ್ದಾಯಿತು. ಅಲ್ಲಿ ಅವರಿಂದ ಬಂದ ಉತ್ತರ, ಇಲ್ಲೇ ಹತ್ತಿರದಲ್ಲಿಯೇ ಒಬ್ಬರ ಮನೆಯಿದೆ. ಅಲ್ಲಿ ಸ್ಥಳಾವಕಾಶ ಸಿಗುತ್ತದೆ ಎಂದು. ಅಲ್ಲಿಂದಲೇ ಮನೆಯ ಯಜಮಾನರಿಗೆ ಫೋನ್‌ ಮಾಡಿ ವಿಷಯ ನಾವು ಉಳಿಯುವ ಸ್ಥಳಕ್ಕೆ ಬಂದೆವು. ಅದು ದೇವಜ್ಯೋತಿ ಸಭಾ ಭವನ.

ಊಟಕ್ಕೆ ಏನು ಮಾಡುವುದು? ಸರಿ ನಮ್ಮ ಲಗ್ಗೇಜು ಸರಂಜಾಮುಗಳನ್ನು ಈ ಸಭಾ ಭವನದ ಕೊಠಡಿಗಳಲ್ಲಿ ಇಟ್ಟು ಊಟಕ್ಕೆಂದು `ನಮ್ಮೂರ ಊಟ' ಹೋಟೆಲಿಗೆ ಹೋದೆವು. ಅದು ಇನ್ನೇನು ಬಾಗಿಲು ಹಾಕುವ ಸಮಯವಾಗಿತ್ತು. ಒಳಗೆ ಬಿಸಿಬಿಸಿ, ರುಚಿಯಾದ ಊಟವಂತೂ ನಮಗೆ ಸಿಕ್ಕಿತು. ಅಪ್ಪೆಹುಳಿ, ಕೋಸಿನ ಪಲ್ಯ, ಅನ್ನ ಸಾಂಬಾರು, ತೊವ್ವೆ, ಮೊಸರು, ಬಾಳೆಹಣ್ಣು ಜೊತೆಗೆ ಅಡಿಕೆಪುಡಿ. ಎಲ್ಲವೂ ರುಚಿಯಾದ ಅಡಿಗೆ ಸವಿದಿದ್ದಾಯಿತು.

ಸಭಾ ಭವನದ ಕೊಠಡಿಗಳು ಚೆನ್ನಾಗಿವೆ. ಪ್ರತಿಯೊಬ್ಬರಿಗೆ ೧೦೦ ರೂ ನಂತೆ ಛಾರ್ಜು ಮಾಡುತ್ತಾರೆ. ಬಿಸಿನೀರೂ, ಕಾಫಿ ಎಲ್ಲ ಒದಗಿಸಿಕೊಡುತ್ತಾರೆ. ಪ್ರತ್ಯೇಕ ಶುಲ್ಕ ವಿಧಿಸುತ್ತಾರೆ. ಸುತ್ತಲೂ ಹಸಿರಿನಿಂದ ಕೂಡಿದ ಪರಿಸರ. ಮಹಡಿಯಲ್ಲಿ ಒಂದು ಸಭಾಭವನ ಇದೆ. ಇಲ್ಲಿ ಮದುವೆ, ಮುಂಜಿ ಮುಂತಾದವ ಸಮಾರಂಭಗಳಿಗೂ ಅವಕಾಶ ಮಾಡಿಕೊಡತ್ತಾರೆ.

ವಾಹನದಲ್ಲಿ ಕುಳಿತೂ ಕುಳಿತೂ ಸುಸ್ತಾಗಿದ್ದ ಮೈಮನಗಳಿಗೆ ಸ್ಥಳಾವಕಾಶ ಮತ್ತು ರುಚಿಯಾದ ಊಟ ಸಿಕ್ಕಿದ ಮೇಲೆ ಸ್ವರ್ಗಕ್ಕೇರಿದಂತೆ ನಿದ್ದೆಯ ಜೊಂಪು ಹತ್ತಿತ್ತು. ಬೆಳಗ್ಗೆ ನಮ್ಮೆಲ್ಲರ ಪ್ರಯಾಣ ಮುಂದುವರೆಯಬೇಕಿತ್ತು.

ಬೆಳಗಿನ ಝಾವ ೪.೩೦ಕ್ಕೆ ಎದ್ದೆವು. ಬಿಸಿನೀರು ಅದಾಗಲೇ ಕಾಯುತ್ತಿತ್ತು. ಸರಿ, ಬಿಸಿನೀರಿನ ಝಳಕ ಪುಳಕಗೊಳಿಸಿತ್ತು. ಏಕೆಂದರೆ, ಹಿತವಾದ ಛಳಿಯೂ ಇತ್ತೆನ್ನಿ. ಇದೇ ಸಮಯದಲ್ಲಿ ನಾವು ಬಂದಿದ್ದ ವಾಹನವೂ ಒಂದು ಚಕ್ರಕ್ಕೆ ಪಕ್ಕಾಗಿ ಪಂಕ್ಚರ್‌ ಮಾಡಿಕೊಂಡಿತ್ತು. ಅದನ್ನೂ ಸರಿಮಾಡಿಕೊಳ್ಳುವಲ್ಲಿ ಚಾಲಕ ನಿರತನಾಗಿದ್ದಾಗಲೇ ನಮಗೆಲ್ಲಾ ಬಿಸಿಬಿಸಿ ಕಾಫಿ/ಟೀ ಪೂರೈಸಿಕೊಟ್ಟರು.

ಇಲ್ಲಿ ಮತ್ತೊಂದು ತಮಾಷೆಯಾಗಿದ್ದೆಂದರೆ, ಬಿಸಿನೀರನ್ನು ಒಂದು ಬಕೀಟು ಮಾತ್ರ ತೆಗೆದುಕೊಳ್ಳುತ್ತಾ ಮತ್ತೆ ಹಂಡೆಗೆ ತಣ್ಣೀರು ಹಾಕಬೇಕಿತ್ತು. ಏಕೆಂದರೆ, ಉಳಿದವರಿಗೂ ಬೇಕಲ್ಲವೇ? ಭಾಸ್ಕರನುದಯವಾದರೂ ಈತನಿಗೆ ನಿಧಾನವಾಗಿ ಎದ್ದ ಪರಿಣಾಮ ಬಿಸಿನೀರಿನ ಹಂಡೆ ತಳಮುಟ್ಟಿತ್ತು. ಮನೆ ಯಜಮಾನರಿಗೆ ಬೇಸರವಾಗಿತ್ತು. ಏಕೆಂದರೆ, ಹಂಡೆ ಕಾದು ಕಾದೂ ಒಡೆದು ಹೋಗುವ ಪ್ರಮೇಯ ಬರುತ್ತದೆ ಎಂದು. ಮತ್ತೆ ತಣ್ಣೀರನ್ನು ತುಂಬಿಸಿ, ಸ್ನಾನ ಮುಗಿಸಿ ತಯಾರಿಯಾಗಿದ್ದಾಯಿತು. ಸಭಾಭವನದ ಯಜಮಾನರಿಗೆ ಧನ್ಯವಾದಗಳನ್ನು ತಿಳಿಸಿ ಮುಂದಿನ ಪಯಣಕ್ಕೆ ಶುರುವಿಟ್ಟೆವು..

ಶಿರಸಿ:
ಶಿರಸಿ ಎಂದ ಕೂಡಲೇ ನೆನಪಾಗುವುದು ಶ್ರೀಮಾತಾ ಮಾರಿಕಾಂಬೆ. ಇಲ್ಲಿನ ಜಾತ್ರೆ ಪ್ರಸಿದ್ಧ ಎಂಬುದು ಎಲ್ಲರಿಗೂ ತಿಳಿದ ವಿಷಯ. ಇನ್ನು ದೇವಾಲಯಕ್ಕೆ ಹೋದೆವು. ಹೋಗುವ ಮುಂಚೆ ಬರಿಗೈಯಲ್ಲಿ ಹೋಗಬಾರದೆಂಬುದಾಗಿ ಅಲ್ಲೇ ಹೂವನ್ನು ಕೊಂಡಿದ್ದಾಯಿತು. ಆತ `ಬಂದ ಮೇಲೆ' ಹಣ ಕೊಡಿ ಎಂದು ಎರಡು ಮಾರು ಹೂ ಕೊಟ್ಟು ಕಳಿಸಿದ.

ಸರಿ. ಅಲ್ಲಿಯೇ ಚಪ್ಪಲಿ, ಶೂ ಕಳಚಿ ದೇವಾಲಯದೊಳಗೆ ನಮ್ಮ ಪ್ರವೇಶಿಸಿದೆವು. ಒಳಗೆ ಹೋದ ಕೆಲವೇ ಸಮಯದಲ್ಲಿ ಕೆಲವರಿಗೆ ಸಮಾಯಾಭವ ಕಾಡಿದ್ದರಿಂದ (ಮುಂದಿನ ಪಯಣಕ್ಕೆ) ಬೇಗ ಬೇಗ ಹೊರಡುವ ಆತುರ. ನಮಗೋ ದೂರದಿಂದ ಬಂದಿದ್ದೇವೆ. ಇನ್ನೇನು ಬೆಳಗಿನ ಪೂಜೆ (೮.೦೦ ಘಂಟೆಗೆ) ಶುರುವಾಗಿದೆ. ಬಿಟ್ಟು ಬರುವ ಮನಸ್ಸಿಲ್ಲ. ಆದದ್ದಾಗಲಿ ಎಂದು ಪೂರ್ಣಪೂಜೆ ನೋಡಿಕೊಂಡು, ಮಂಗಳಾರತಿ, ತೀರ್ಥ ಪ್ರಸಾದ ಸ್ವೀಕರಿಸಿ ಹೊರಬಂದೆವು.

ಶ್ರೀಮಾರಿಕಾಂಬ ದೇವಾಲಯದ ಎದುರಿನಲ್ಲಿ ಶ್ರೀ ತ್ರಯಂಬಕೇಶ್ವರ ದೇವಾಲಯ. ಆಗಿನ್ನೂ ತೆರೆದಿದ್ದರು. ಒಂದೆರಡು ನಮಸ್ಕಾರ ಹಾಕಿ ಬರುವಷ್ಟರಲ್ಲಿ `ಬನ್ನಿ, ಬನ್ನಿ, ಹೊತ್ತಾಗುತ್ತಿದೆ' ಎಂಬ ಆತುರ-ಕಾತುರದ ಹುಡುಕಾಟದಿಂದ ಮಿತ್ರರ ಆಗಮನ. ಸರಿ, ಬೇಗನೇ ನಮ್ಮ ವಾಹನಕ್ಕೆ ಹತ್ತಿ ಕುಳಿತಿದ್ದಾಯಿತು. ಗಾಡಿಯೂ `ಬನವಾಸಿ'ಯೆಡೆಗೆ ಹೊರಟಿದ್ದಾಯಿತು.

ಈ ಗಡಿಬಿಡಿಯಲ್ಲಿ ಒಂದು ತಪ್ಪು ನಡೆದಿತ್ತು. ಅದು ಮರೆವಿನಿಂದ ಅಥವಾ ಆತುರದಿಂದಾಗಿದ್ದ ಪ್ರಮಾದ. ಏನು ಮಾಡುವುದು.. ಇದೇ ಮನಸ್ಸಿನಲ್ಲಿ ಕೊರೆಯುತ್ತಿದ್ದ ಚಿಂತೆ.

ಶಿರಸಿ ಇಂದ ೨೪ ಕಿ.ಮೀ. ದೂರದಲ್ಲಿದೆ ಬನವಾಸಿ. ಬನವಾಸಿ ಎಂದ ಕೂಡಲೇ ಕದಂಬರು ಅದರಲ್ಲಿಯೂ ಮಯೂರವರ್ಮನ ನೆನಪಾಗುವುದು ಸಹಜ. ಮಯೂರ ವರ್ಮ ಎಂದ ಕೂಡಲೇ ಡಾ. ರಾಜ್‌ ಅಭಿನಯದ ಮಯೂರ (ದೇವುಡು ನರಸಿಂಹಶಾಸ್ತ್ರಿಯವರ ಮಯೂರ) ಚಲನಚಿತ್ರವೂ ನೆನಾಗುತ್ತದೆ. ಬನವಾಸಿಯು ಕದಂಬರ ರಾಜಧಾನಿಯಾಗಿತ್ತು. ಈ ದೇವಾಲಯವು ೨ನೇ ಶತಮಾನದ್ದು ಎಂದು ಇತಿಹಾಸಕಾರರು ಹೇಳುತ್ತಾರೆ. ಮೂಲ ದೇವಾಲಯ ೨ನೇ ಶತಮಾನ, ಮಧ್ಯಭಾಗದ್ದು ೬ನೇ ಮತ್ತು ಅದರ ಮುಂದಿನದು ೧೨ನೇ ಶತಮಾನದ್ದು ಎಂದು ತಿಳಿಸಿದರು.

ಇಲ್ಲಿ ಮಧುಕೇಶ್ವರ ದೇವಾಲಯ ಬಹಳ ಪ್ರಸಿದ್ಧ. ಇಲ್ಲಿರುವ ಶಿವನಲಿಂಗದ ಬಣ್ಣ ಜೇನಿನ ಬಣ್ಣ. ಅದಕ್ಕೆಂದೇ ಮಧುಕೇಶ್ವರ ಎಂದು ಕರೆಯುತ್ತಾರೆ. ಇಲ್ಲಿರುವ ಬಸವಣ್ಣನ ಕೆತ್ತನೆ ವಿಶಿಷ್ಟ. ಅದರಲ್ಲಿಯೂ ಕಣ್ಣುಗಳು. ಒಂದು ಕಣ್ಣು ಶಿವನನ್ನು ನೋಡುತ್ತಿದ್ದರೆ ಮತ್ತೊಂದು ಪಾರ್ವತೀದೇವಿಯನ್ನು ನೋಡುತ್ತಿರುವಂತೆ ಕೆತ್ತಿರುವುದು ಅದ್ಭುತ. ಕಲ್ಲಿನ ಪಲ್ಲಂಗ ಇಲ್ಲೊಂದು ಇದೆ. ಸಂಪೂರ್ಣ ಕಲ್ಲಿನಲ್ಲಿಯೇ ಕಡೆದಿರುವ ಇದನ್ನು ನೋಡಲೆರಡು ಕಣ್ಣು ಸಾಲದು. ಹಾಗೆಯೇ `ಯಮರಾಜನು ಕೋಣದ ಮೇಲೆ ಪತ್ನಿಯೊಂದಿಗೆ' ಇರುವ ವಿಗ್ರಹವೂ ಇದೆ. ಅಪರೂಪದ್ದು ಇದು. ಮಧುಕೇಶ್ವರನಿರುವ ಮೂಲಗುಡಿಗೆ ಹೋಗುವಲ್ಲಿ ಎಡಗಡೆಗೆ ಶಿವಪಾರ್ವತಿಯರು ಮಂಟಪದಲ್ಲಿರುವ ವಿಗ್ರಹವಿದೆ. ಇದರ ಪಕ್ಕದ ಕಲ್ಲಿನ ಗೋಡೆಯಲ್ಲಿ ಹನುಮಂತನು ಕಡಲೆಕಾಯಿ ಮತ್ತು ಕಬ್ಬು ಸವಿಯುತ್ತಿರುವುದನ್ನೂ ಕಾಣಬಹುದು. ಇದರ ವಿಶೇಷತೆ: ಬಸವಣ್ಣನ ಕಣ್ಣಿನ ಗಾತ್ರದಲ್ಲಿ ಈ ಹನುಮನನ್ನು ಕೆತ್ತಿದ್ದಾರೆ. ಆ ಶಿಲ್ಪಕಲಾಚಾರ್ಯನಿಗೆ ನಮೋನಮ:. ಹಾಗೆಯೇ ಡುಂಡಿರಾಜ ಗಣಪತಿ, ಅಯೋಧ್ಯಾ ರಾಮ, ಸೀತೆ, ಲಕ್ಷಣ, ನಾಗದೇವತೆ, ನಂದಗೋಪಾಲ, ಎಲ್ಲ ಇವೆ. ಇಲ್ಲಿ ಶಾಂತನರಸಿಂಹಸ್ವಾಮಿಯೂ ಇದ್ದಾನೆ (ಬಹುತೇಕ ಪ್ರಸಿದ್ಧ ಸ್ಥಳಗಳಲ್ಲಿ ಯೋಗಾ ನರಸಿಂಹ ಅಥವಾ ರೌದ್ರರೂಪಿ ನರಸಿಂಹನನ್ನು ಕಾಣುತ್ತೇವೆ). ಹಾಗೆಯೇ ಷಣ್ಮುಖ, ವೆಂಕಟೇಶ್ವರ, ಎಲ್ಲ ದೇವತಾ ವಿಗ್ರಹಗಳೂ ದೇವಾಲಯದ ಆವರಣದೊಳಗೆ ಪ್ರತಿಸ್ಥಾಪಿಸಲ್ಪಟ್ಟಿವೆ.

ಇಲ್ಲಿನ ಮುಖಮಂಟಪದಲ್ಲಿ (ಬಸವಣ್ಣನ ಎದುರಿನ ಸ್ಥಳದಲ್ಲಿ) ಪ್ರತಿಫಲನ ಕಂಬಗಳಿವೆ. ಇಲ್ಲಿ ಅಲ್ಲಮಪ್ರಭುವಿದ್ದ ಸಮಯದಲ್ಲಿ ನಾಟ್ಯವಾಡಿದ ಸ್ಥಳ. ಇಲ್ಲಿ ಪ್ರತಿಫಲನ / ಪ್ರತಿಬಿಂಬ ಗಳು (ಕನ್ನಡಿಯಲ್ಲಿ ಕಂಡಂತೆ ಆದರೆ ತಲೆಕೆಳಗಾಗಿ) ಕಾಣುತ್ತವೆ. ಅದ್ಭುತ ಕಲಾತ್ಮಕತೆಯ ಎಂಜಿನಿಯರಿಂಗ್‌. ಇಂತಹ ವಿಶಿಷ್ಟ ದೇವಾಲಯದಲ್ಲಿ ಒಂದು ಸುತ್ತ ಪ್ರದಕ್ಷಿಣೆ ಮಾಡಿ ಬಂದೆವು. ದೇವಾಲಯ ಮುಂಭಾಗದ ಗರುಡಸ್ತಂಭದಲ್ಲಿ ಶಾಸನಗಳಿವೆ. ಹಾಗೆಯೇ ದೇವಾಲಯದ ಹೊರಗಿನಿಂದ ನಿಂತು ನೋಡಿದರೆ ಗಣೇಶನಿರುವುದನ್ನೂ ಕಾಣಬಹುದು (ಮೇಲಿನ ಸ್ತಂಭದಲ್ಲಿ).

ಇಲ್ಲಿ ಇನ್ನೊಂದು ವಿಶೇಷವಿದೆ. ಅರ್ಧಗಣಪತಿಯ ವಿಗ್ರಹ. ಭಿನ್ನವಾದ ದೇವತಾ ವಿಗ್ರಹಗಳಿಗೆ ಸಾಮಾನ್ಯವಾಗಿ ಪೂಜೆ ಸಲ್ಲಿಸುವುದಿಲ್ಲ. ಆದರೆ ಇಲ್ಲಿ ಗಣಪನಿಗೆ ನಿತ್ಯ ಪೂಜೆ ಸಲ್ಲುತ್ತದೆ. ಇನ್ನರ್ಧ ಭಾಗವು ವಾರಾಣಸಿಯಲ್ಲಿದೆ ಎಂದು ಹೇಳುತ್ತಾರೆ...

ದೇವಾಲಯದ ಸುತ್ತಲೂ ದೊಡ್ಡದಾದ ಗೋಡೆಯಿದೆ. ಅಲ್ಲಲ್ಲಿ ಬೀಳುವಂತಿದ್ದರೂ, ಸತತ ಮಳೆಗಾಳಿಗೆ ಮುಕ್ಕಾಗದೇ ಇದೆ. ಅಲ್ಲದೆ ಸತತ ನೀರಿನಿಂದಾಗಿ ಪಾಚಿಕಟ್ಟಿದೆ. ದೇವಾಲಯದ ಹೊರಭಾಗದ ಜಗಲಿಯಲ್ಲಿ ಎರಡು ಹಸಿರು ಬಣ್ಣದ ಆನೆಗಳಿವೆ. ತುಂಬಾ ಸುಂದರವಾಗಿವೆ.

ದೇವಾಲಯದಿಂದ ಹೊರಗೆ ಬಂದರೆ, ಬಲಕ್ಕೆ ತಿರುಮಲನ ದೇವಾಲಯ (ಪುಟ್ಟದ್ದು) ಇದೆಯಾದರೂ ಪ್ರವೇಶದ್ವಾರ ಬಂದ್ ಮತ್ತು ಅದರ ಗೋಡೆಗೆ ಕ್ಷೇತ್ರಪಾಲ ದೇವನೂ ಇದ್ದಾನೆ.

ದೇವಾಲಯದಿಂದ ಸ್ವಲ್ಪದೂರ ಮುಂದಕ್ಕೆ ಹೋದರೆ ವರದಾ ನದಿಯನ್ನು ಕಾಣಬಹುದು. ಅಲ್ಲಿಯೂ ಶಿವಲಿಂಗಗಳನ್ನು ಕಾಣಬಹುದು.

ಕೆಲವು ಬನವಾಸಿ ಪ್ರವಾಸದ ಬರವಣಿಗೆಯ ಮಾಹಿತಿಗಳು ಅಪೂರ್ಣವೆಂದು ತಿಳಿಯಿತು. ಹೆಚ್ಚಿನ ಮಾಹಿತಿಗಳನ್ನು ಶ್ರೀಮತಿ ಪ್ರಗತಿ ಹೆಗ್ಡೆಯವರು ನೀಡಿರುತ್ತಾರೆ. ಅವರು ನೀಡಿರುವ ಮಾಹಿತಿಗಳನ್ನು ಅವರ ಸಹಮತವಿದೆ ಎಂಬ ಅಭಿಪ್ರಾಯದಿಂದಾಗಿ ಇಲ್ಲಿ ನೀಡಿರುತ್ತೇನೆ. ಅವರಿಗೆ ನನ್ನ ಧನ್ಯವಾದಗಳು.

ಬನವಾಸಿ ಇರುವುದು ಸಿರಸಿಯಿಂದ ೨೪ ಕಿ.ಮೀ ದೂರದಲ್ಲಿ..

ಲಿಂಗವು ಜೇನುತುಪ್ಪದ ಬಣ್ಣದಲ್ಲಿದೆ.. ಮತ್ತು ಶಿವನು 'ಮಧು' ಮತ್ತು 'ಕೈಟಭ' ಎಂಬ ರಾಕ್ಷಸರ ಸಂಹಾರ ಮಾಡಿದ್ದರಿಂದ 'ಮಧುಕೇಶ್ವರ' ಎಂಬ ಹೆಸರು ಬಂತು ಎನ್ನುವ ಪ್ರತೀತಿ ಇದೆ...

ಬಸವನ ಮೇಲೆ ಪಾರ್ವತಿ ಬರೆ ಹಾಕಿರುವ ಗುರುತೂ ಇದೆ.. ಇದರಿಂದ ಬಸವ ಪಾರ್ವತಿಯನ್ನು ದುರುಗುಟ್ಟಿ ನೋಡುತ್ತಿರುವಂತಿದೆ...

ಇಲ್ಲಿರುವ ಕಲ್ಲಿನ ಪಲ್ಲಂಗವನ್ನು ಕೇವಲ ೧೦ ಪೀಸ್ ಕಲ್ಲಿಂದ ಮಾಡಲಾಗಿದೆಯಂತೆ..
ಹೊರ ಜಗುಲಿಯಲ್ಲಿರುವ ಕಲ್ಲಿನ ಆನೆಗಳು ಪ್ರಕೃತಿಯ ಪ್ರಭಾವಕ್ಕೆ ಸಿಲುಕಿ ಬಣ್ಣ ಕಳೆದುಕೊಂಡಿವೆ(ಹಸಿರಾಗಿವೆ)...

ಶಾಂತ ನರಸಿಂಹನ ಕೆತ್ತನೆ ಎಷ್ಟು ಸುಂದರವಾಗಿದೆ ಎಂದರೆ ಆರತಿ ಮಾಡುವಾಗ ಮನುಷ್ಯನ ಕಣ್ಣಿನ ಚಲನೆಯಂತೆ ಭಾಸವಾಗುತ್ತದೆ..

ದೇವಾಲಯದ ಇನ್ನಿತರ ವಿಶೇಷಗಳೆಂದರೆ ಆದಿಶೇಷ, ಚಂಡಿಕೇಶ(ದ್ಯಾನ ಮಾಡುತ್ತಿರುವ ಶಿವನ ಲಿಂಗಕ್ಕೆ ಚಪ್ಪಾಳೆ ಹೊಡೆದು ನಮಿಸುತ್ತಾರೆ), ಸಾಕ್ಷಿ ಗಣಪತಿ, ನಾಗಮಂಡಲ.. ಮತ್ತು ಕಲ್ಲಿನಲ್ಲಿ ರೀಪು ಪಕಾಸಿಯ ಕೆತ್ತನೆ, ಕುಬೇರನ ಕಲ್ಪವೃಕ್ಷ(ಈ ತೆಂಗಿನ ಮರದಲ್ಲಿ ಕಾಯಿಗಳು ಯಾವಾಗಲೂ ತುಂಬಿ ತುಳುಕುತ್ತಿರುತ್ತವೆ), ತ್ರಿಲೋಕ ಮಂಟಪ.. ಇತ್ಯಾದಿ...

ಹೀಗೆ ನಮ್ಮ ಬನವಾಸಿ ದೇಶದಲ್ಲಿನ ಸುತ್ತುವಿಕೆ ಮುಗಿಯುತ್ತಾ ಬಂದಿತ್ತು. ಇನ್ನು ಮುಂದಿನ ಹಾದಿ....???

ಶ್ರೀ ಬಂಗಾರೇಶ್ವರ (ಕೆರೆಯಲ್ಲಿ)
ಅದೋ ದಾರಿಯಲ್ಲಿ ಬರುವಾಗ ದೊಡ್ಡದಾದ ಕೆರೆಯನ್ನು ನೋಡಿದ್ದೆವು. ಇದೀಗ ವಾಹನದಲ್ಲಿ ಅಲ್ಲಿಗೆ ತೆರಳಿದೆವು. ಅಲ್ಲಿಯೂ ಕೆರೆಯಲ್ಲಿಯೇ ದೊಡ್ಡದಾಗಿ ಉದ್ದವಾಗಿ, ಅಗಲವಾಗಿ (ಮುಂಭಾಗದಲ್ಲಿಯೇ) ಮಂಟಪವಿದೆ. ಮಧ್ಯದಲ್ಲಿ ಶಿವ ಮತ್ತು ಬಸವನ ವಿಗ್ರಹವಿದೆ. ಇಲ್ಲಿಯೂ ಪೂಜೆ ಮಾಡುತ್ತಾರೆಂಬ ಕುರುಹು ಇದ್ದಿತು. ಕೆಲವರು ನೀರಿನಲ್ಲಿ ಇಳಿದು ಶಿವಲಿಂಗದವರೆಗೂ ಮತ್ತೂ ಆಚೆಯವರೆಗೂ ಹೋಗಿಬಂದರು. ಈ ಕೆರೆಯಲ್ಲಿ ಸುಳಿಗಳಿವೆ. ಅಂದಹಾಗೆ ಇದು `ಬಂಗಾರೇಶ್ವರ' ಎಂದು ಸುತ್ತಮುತ್ತಲೂ ಪರಿಚಿತವಾಗಿದೆ. ಈ ಕೆರೆಯ ಹೆಸರು ಗುಡ್ನಾಪುರ ಕೆರೆ.

ಇಲ್ಲಿಂದ ಮತ್ತೆ ಶಿರಸಿಗೆ ಬಂದೆವು. ಹೊಟ್ಟೆ ಹಸಿದಿತ್ತು. ಆದರೆ, ಮನಸ್ಸಿನಲ್ಲಿ ಕೊರೆಯುತ್ತಿದ್ದ ತಪ್ಪಿಗೆ ಸಾಂತ್ವನ ಸಿಕ್ಕಿತ್ತು. ಅದು ಆಗಿದ್ದು ಇಷ್ಟು. ಗಡಿಬಿಡಿಯಿಂದಾಗಿ ಹೂವಿನ ದುಡ್ಡನ್ನು ಕೊಡುವುದನ್ನು ಮರೆತಿದ್ದೆವು. ಇದೇ ಮನದಲ್ಲಿ ಕೊರೆಯುತ್ತಿದ್ದದ್ದು. ಮತ್ತೆ ದೇವಾಲಯದ ಮುಂದಿನಿಂದಾಗಿಯೇ ಬಂದಾಗ ತಕ್ಷಣ ವಾಹನ ನಿಲ್ಲಿಸಿ, ಅವನ ಹಣವನ್ನು ಕೊಟ್ಟು ಬಂದದ್ದಾಯಿತು. ಇದು ಒಂದು ಮರೆಯಬಾರದಂತಹ ಪಾಠ ಕಲಿಸಿತ್ತು...

ಬೆಳಗಿನ ೧೧.೦೦ ಘಂಟೆಯ ಸಮಯ. ಅಲ್ಲಿಯೇ ಒಂದು ಸಸ್ಯಹಾರಿ ಹೋಟೆಲಿಗೆ ಹೋದೆವು. ಪಲಾವ್, ಬನ್ಸ್, ಕೇಸರೀಭಾತ್, ಕಾಫೀ, ಟೀ, ಕಷಾಯ ಹೀಗೆ ಅವರವರ ಅಭಿರುಚಿಗೆ ರುಚಿಯಾದ ತಿಂಡಿ ಸೇವನೆ ಆಯಿತು.

ಕಾಸಿದ್ರೆ ಗೋಕರ್ಣ, ಕಸುವಿದ್ರೆ ಯಾಣ ಎಂದು ಆ ಕಡೆ ಗಾದೆಯಂತೆ. ಯಾಣಕ್ಕೆ ಹೊರಟೆವು. ದಾರಿಯ ಮಧ್ಯದಲ್ಲಿ ಹಸಿರು ಹಾವನ್ನು ನೋಡಿದೆವು. ರಸ್ತೆಯ ಮಧ್ಯದಲ್ಲಿ ತೆವಳುತ್ತಾ ಸಾಗುತ್ತಿತ್ತು. ಮಿತ್ರರು ಒಂದೆರಡು ಫೋಟೋ ಕ್ಲಿಕ್ಕಿಸಿದರು. ಯಾಣ ತಲುಪಿಯೇ ಬಿಟ್ಟೆವು. ೪-೫ ಕಿ.ಮೀ. ದೂರದ ನಡಿಗೆ ಎಂದು ಕೊಂಡಿದ್ದೆವಾದರೂ ಸಮಯಾಭಾವದಿಂದಾಗಿ, ಜೋರು ಬಿಸಿಲಿನಿಂದಾಗಿ ತೀರ ಹತ್ತಿರವೇ ವಾಹನ ನಿಲುಗಡೆಗೆ ಬಂದಿದ್ದೆವು. ಸುಮಾರು ಒಂದೂವರೆ ಕಿ.ಮೀ. ದೂರದಿಂದ ನಮ್ಮ ನಡಿಗೆ ಹೊರಟಿತು.

ಇದು ಕೋಡಂಬಳೆ ಎಂಬ ಹೆಸರಿನಿಂದಿದ್ದು ಕುಮಟಾ ತಾಲ್ಲೂಕಿಗೆ ಒಳಪಟ್ಟಿದೆ. ಯಾಣದ ಮೂಲ ಹೆಸರು `ಸಹ್ಯಾದ್ರಿಪುರದ ಭೈರವ ಕ್ಷೇತ್ರ'. ಇಲ್ಲಿ ಒಟ್ಟು ೬೧ ಪ್ರಕೃತಿ ನಿರ್ಮಿತ ಶಿಲಾ ಶಿಖರಗಳಿವೆಯಂತೆ. ಶ್ರೀ ಭೈರವೇಶ್ವರ ಮತ್ತು ಚಂಡಿಕಾ ಶಿಖರವು ಅತ್ಯಂತ ಎತ್ತರವಿದ್ದು ಉಳಿದ ೫೯ ಶಿಖರಗಳು ಚಿಕ್ಕವಾಗಿವೆ. ಯಾಣದ ಆ ಪರ್ವತ ಶಿಖರಗಳನ್ನು ಮನದಣಿಯೆ ನೋಡಿದೆವು. ಬೆಟ್ಟವನ್ನು/ಗವಿಯನ್ನು ಬರಿಗಾಲಿನಲ್ಲಿ ಚಪ್ಪಲಿಯಿಲ್ಲದೇ ಹತ್ತಬೇಕಿತ್ತು. ಈಗ ಹತ್ತಲು ಗಾರೆಯಿಂದ ಮೆಟ್ಟಿಲುಗಳಿದ್ದು ಅನುಕೂಲಕರವಾಗಿದೆ. ನಿಜಕ್ಕೂ ಬೆಟ್ಟಗಳ ಕೊರಕಲಿನಲ್ಲಿ ಹೋಗುವಾಗ ದಟ್ಟ ಕತ್ತಲು, ಬೆಟ್ಟದ ಮೇಲಿಂದ ತುಂತುರು ಹನಿಯ ಸಿಂಚನ, ಹಾಗೆಯೇ ಹೆಚ್ಚು ಹೊತ್ತು ನಿಂತಲ್ಲಿಯೇ ನಿಂತರೆ ಜಿಗಿಜಿಗಿ `ಜಿಗಣೆ'ಯ ಚುಂಬನ (ಅದು ತಿಳಿಯುವುದೇ ಇಲ್ಲ!). ತುಂಬಾ ಸುಂದರ ಪರಿಸರದಲ್ಲಿ ಓಡಾಡಿ ಖುಷಿಯಾದೆವು.

ಇಲ್ಲಿ ದೇವಾಲಯದೊಳಗೆ ಫೋಟೋ ಕ್ಲಿಕ್ಕಿಸುವ ಹಾಗಿಲ್ಲ. ಏಕೆಂದರೆ, ಬೆಟ್ಟದಲ್ಲಿ ಜೇನುಗೂಡುಗಳಿದ್ದು ಅವುಗಳಿಗೆ ತೊಂದರೆಯಾದರೆ ಅಪಾಯ ಕಟ್ಟಿಟ್ಟ ಬುತ್ತಿ. ಅದಕ್ಕೆಂದೇ ಅಲ್ಲಿನ ಭದ್ರತಾ ಸಿಬ್ಬಂದಿ ಫೋಟೋ ಅಥವಾ ವಿಡಿಯೋಗಳಿಗೆ ಅವಕಾಶ ಕೊಡುವುದಿಲ್ಲ. ದೇವಾಲಯದ ಹೊರಗೆ ಬಂದು ಬೇಕಾದಷ್ಟು ಫೋಟೋ ತೆಗೆದುಕೊಳ್ಳಬಹುದು.

ಹಾಗೆಯೇ ಮತ್ತೊಂದು ಬದಿಯಲ್ಲಿದ್ದ ಶಿಖರದಂಚಿಗೆ ಬಂದೆವು. ಅಲ್ಲಿ ಒಂದು ಗವಿಯಿದೆ. ಅಪಾಯ ಎಂದು ಬರೆದು ಅಲ್ಲಿಗೆ ಹೋಗದಂತೆ ಅಡ್ಡ ಮಾಡಿದ್ದಾರೆ. ಒಟ್ಟಿನಲ್ಲಿ ಯಾಣಕ್ಕೆ ಹೋಗಬೇಕೆಂದಿದ್ದ ನಮ್ಮ ಆಸೆ ಆಕಾಂಕ್ಷೆಗಳನ್ನು ಪೂರೈಸಿಕೊಂಡೆವು. ಆದರೆ ಒಂದೇ ಕೊರತೆಯಾಗಿದ್ದೆಂದರೆ ಸರಿಯಾದ ಚಾರಣ ಮಾಡಲು ಆಗಲಿಲ್ಲ. ಕನಿಷ್ಠ ೪-೫ ಕಿ.ಮೀ. ದೂರ ಚಾರಣ ಮಾಡಬೇಕಿತ್ತು ಎಂಬುದಾಗಿತ್ತು ಎಲ್ಲರ ಮನಸಿನ ಮಾತುಗಳು.

ಇಲ್ಲಿ ಒಂದೇ ಒಂದು ಅಂಗಡಿಯಿದೆ. ಇಲ್ಲಿ ತಿನಿಸುಗಳು ಸಿಗುತ್ತವೆ. ಕೋಕಂ ಮತ್ತು ನೆಲ್ಲಿ ಕ್ಯಾಂಡಿ ಸಿಗುತ್ತದೆ. ಕೋಕಂ ಪಾನೀಯ ವಾಹ್‌! ಎನ್ನುವಂತೆ ಸವಿದೆವು.

ಇಲ್ಲಿಯೇ ಸ್ನೇಹಿತ ಭಾಸ್ಕರನ ಹುಟ್ಟುಹಬ್ಬವನ್ನೂ ಆಚರಿಸಿದೆವು. ಒಟ್ಟಿನಲ್ಲಿ ನಮ್ಮ ಪ್ರಯಾಣದ ಪ್ರಯಾಸವೆಲ್ಲ ಯಾಣದಲ್ಲಿ ಸಲೀಸಾಗಿ ಮಾಯವಾಗಿತ್ತು.

ನಮ್ಮ ಮುಂದಿನ ಪಯಣ ಕುಮಟಾ ಮೂಲಕ ಮುರ್ಡೇಶ್ವರಕ್ಕೆ ಸಾಗಿತ್ತು. ಇದರ ನಡುವೆ ನೀರಾ ಕುಡಿಯಬೇಕೆಂಬ ಕೆಲವರ ಅನಿಸಿಕೆಗಳಿಗೆ ಬೇಸಗೆಯಲ್ಲಾದರೆ ನೀರಾ ಸಿಗುತ್ತದೆ ಎಂಬ ಉತ್ತರದಿಂದಾಗಿ ಕೊಂಚ ಬೇಸರಿಸಿಕೊಂಡರೂ, ಎಳನೀರ ಸವಿಯಬಹುದಿತ್ತು. ಆದರೆ, ಸ್ವಲ್ಪ ಮಳೆ, ಬಿಸಿಲು, ತಣ್ಣನೆ ತಂಗಾಳಿಗೆ ಬಿಸಿಬಿಸಿ ಕಾಫಿಯೇ ಉತ್ತಮವೆನಿಸಿ ಕುಮಟಾದಲ್ಲಿ ಕಾಮತ ಹೋಟೆಲಿನಲ್ಲಿ ಕಾಫಿ ಕುಡಿದೆವು. ಆದರೆ ಆ ಕಾಫಿಯ ರುಚಿ ರುಚಿಸದೇ ಬೇಸರವಾಗಿದ್ದಂತೂ ನಿಜ. ಸಂಜೆಯ ಸೂರ್ಯಾಸ್ತದ ರಂಗಿನಲ್ಲಿ ಮುರ್ಡೇಶ್ವರನ ದರ್ಶನ ಮಾಡಿ, ಗುಹೆಯೊಳಗೆ ಒಂದು ಸುತ್ತು ಹಾಕಿ ಆತ್ಮಲಿಂಗದ ಕಥೆಯನಾಲಿಸಿ, ಗುಂಪುಫೋಟೋ ತೆಗೆಸಿಕೊಂಡು ಅಲ್ಲಿಯೇ ಪ್ರಿಂಟ್‌ ಮಾಡಿಸಿ, ಅರಬ್ಬೀ ಸಮುದ್ರದ ದಡದಲ್ಲಿ ೧೦- ೧೫ ನಿಮಿಷವಿದ್ದು, ಊಟ ಮಾಡಿ ಬೆಂಗಳೂರಿನ ಕಡೆಗೆ ರಾತ್ರಿ ಹತ್ತರ ವೇಳೆಗೆ ಹೊರಟೆವು.

ಹೀಗೆ ನಮ್ಮ ಮಳೆಗಾಲದಲ್ಲೆರಡು ದಿನಗಳ ಪ್ರವಾಸ ಮುಗಿದಿತ್ತು. ಬೆಳಗಿನ ಆಫೀಸಿಗೆ ಹೋಗುವ ತವಕ ಕಾಡಿತ್ತು....

ತಪ್ಪುಗಳಿದ್ದಲ್ಲಿ ತಿಳಿಸಬೇಕೆಂದು ಕೋರಿಕೆ.

++++

ಮತ್ತೊಮ್ಮೆ, ಎಲ್ಲರಿಗೂ ಶರನ್ನವರಾತ್ರಿಯ ಹಬ್ಬದ ಶುಭಾಶಯಗಳು !

ಶಿರಸಿಯಲ್ಲಿ ನಾವು ಉಳಿದಿದುಕೊಂಡಿದ್ದ ಸ್ಥಳ

ದಾಂಡೇಲಿಯ ಹಕ್ಕಿ‌ - ಹಾರ್ನ್‌ಬಿಲ್‌ ಹಕ್ಕಿ ದೇವಜ್ಯೋತಿ ಸಭಾಭವನದಲ್ಲಿ

ಶ್ರೀ ಮಾರಿಕಾಂಬ ದೇವಾಲಯದ ಮುಖ್ಯದ್ವಾರ - ಶಿರಸಿ

ಶ್ರೀ ತ್ರಯಂಬಕೇಶ್ವರ (ಮಾರಿಕಾಂಬ ದೇವಾಲಯದ ಎದ

ಶಿಲಾಪಲ್ಲಂಗ - ಬನವಾಸಿ

ಮಧುಕೇಶ್ವರ ದೇವಾಲಯದ ನೋಟ (ಶಿವಲಿಂಗ ಬೆಳಕಿನ ಪ್ರತಿಫಲನ) - ಬನವಾಸಿ

ಪ್ರತಿಫಲನ ಕಂಬಗಳು - ಬನವಾಸಿ

ಡುಂಡಿರಾಜ ಗಣಪತಿ - ಬನವಾಸಿ

ನಂದಗೋಪಾಲ - ಬನವಾಸಿ

ಶ್ರೀ ಅರ್ಧ ಗಣಪತಿ - ಬನವಾಸಿ

(ಉಳಿದರ್ಧ ಭಾಗ ವಾರಾಣಸಿಯಲ್ಲಿದೆಯಂತೆ)

ಕಡಲೆಕಾಯಿ ತಿನ್ನುತ್ತಿರುವ ಹನುಮ - ಬನವಾಸಿ

ಕಬ್ಬು ತಿನ್ನುತ್ತಿರುವ ಹನುಮ - ಬನವಾಸಿ

ಶ್ರೀ ಮಧುಕೇಶ್ವರ ದೇವಾಲಯದ ಮುಂಭಾಗದಲ್ಲಿರುವ ಆನೆ - ಬನವಾಸಿ

ಶ್ರೀ ಮಧುಕೇಶ್ವರ ದೇವಾಲಯದ ಮುಖ್ಯದ್ವಾರ - ಬನವಾಸಿ

ಪ್ರಾಚ್ಯವಸ್ತು ಇಲಾಖೆಯ ಫಲಕ -ಬನವಾಸಿ

ಶ್ರೀ ಬಂಗಾರೇಶ್ವರ - ಗುಡ್ನಾಪುರ ಕೆರೆ

ಯಾಣ

ಯಾಣದ ಶಿಲಾ ಶಿಖರ

ಶಿಲಾಪದರದ ಮೇಲೆ ಪಾಚಿ - ಯಾಣ

ಶಿಲಾಗುಹೆಯಲ್ಲಿನ ಒಂದು ದೃಶ್ಯ

ಹಾವಿನ ಹೆಡೆಯಂತೆ ಕಾಣುತ್ತಿರುವ ಶಿಲಾಕಲೆ- ಯಾಣ

ಯಾಣದ ಮತ್ತೊಂದು ಶಿಖರದ ಬಳಿಗೆ ಪಯಣ

ಅರಬ್ಬೀಸಮುದ್ರ, ಸಂಜೆಯಲ್ಲಿ

ಶ್ರೀ ಮುರುಡೇಶ್ವರ

ಚಿತ್ರ ಲೇಖನ: ಚಂದ್ರಶೇಖರ ಬಿ.ಎಚ್. ೨೦೧೦

ಹತ್ತು - ಹತ್ತು - ಹತ್ತು - ನೆನಪಿನ ಹೊತ್ತು...

2010-10-11T14:28:00.011+05:30

ಮಳೆಗಾಲದಲ್ಲೆರಡು ದಿನ - ಭಾಗ ೧ ರಿಂದ ಭಾಗ ೨ನ್ನು ನಿಮ್ಮೊಂದಿಗೆ ಹಂಚಿಕೊಳ್ಳುವ ತಯಾರಿಯಲ್ಲಿದ್ದೇನೆ. ಅದರ ನಡುವೆ ವಿಶ್ವದ ಟಿ.ವಿ. ಚಾನಲ್‌ಗಳಲ್ಲಿ ಪ್ರತಿ ೨೦ ನಿಮಿಷಕ್ಕೆ ಒಮ್ಮೆ ಬರುವ ಬ್ರೇಕ್‌ನಂತೆ ನಮ್ಮ ಪ್ರಯಾಣಾನುಭವಕ್ಕೆ ಸದ್ಯ ಒಂದು ಪುಟ್ಟ ವಿರಾಮ ಕೊಟ್ಟಿದ್ದೇನೆ. ಈ ಪುಟ್ಟ ಬ್ರೇಕ್‌ನಲ್ಲಿ ಮತ್ತೊಂದು ನೆನಪಿನ ಕ್ಷಣಗಳ ಕಥನವಿದೆ...
+++++++++++++++
ನಿನ್ನೆ (೧೦.೧೦.೧೦) ಬೆಳಗಿನ ಹತ್ತು ಘಂಟೆಗೆ ಪರಾಂಜಪೆ ಸರ್‍ ದೂರವಾಣಿ ಕರೆಮಾಡಿದ್ದರು. ನಂತರ ಗಾಂಧಿಬಜಾರಿನಲ್ಲಿ ಭೇಟಿಯಾಗುವ ಎಂದು ನಾನು ಹೊರಟೆ. ಸರಿ ಸುಮಾರು ೧೨.೦೦ ಘಂಟೆಗೆ ಭೇಟಿಯಾದೆವು. ಆಗ ತಿಳಿಯಿತು ಮತ್ತೊಬ್ಬ ಬ್ಲಾಗ್‌ ಮಿತ್ರರ ಮನೆಗೆ ಹೋಗುವ ವಿಚಾರ.
ಇದು ಒಂದು ಆಕಸ್ಮಿಕ ಭೇಟಿ ಆಗಿತ್ತು ನನಗೆ!

ಸರಿ ಸುಮಾರು ೧೨.೨೦ ರ ವೇಳೆಗೆ ದೂರವಾಣಿಯಲ್ಲಿ `ನೀವೂ ಖಂಡಿತಾ ಬನ್ನಿ' ಎಂದು (ಪರಾಂಜಪೆ ಸರ್‍, ಅದಾಗಲೇ ಫೋನಿನಲ್ಲಿ ನಾನೂ ಜೊತೆಗಿರುವ ವಿಷಯ ತಿಳಿಸಿದ್ದರು, ಅವರಿಗೆ) ಆಮಂತ್ರಣವಿತ್ತರು. ಒಂದರ್ಧ ಘಂಟೆಯಲ್ಲಿ ರೆಡಿಯಾಗಿರುತ್ತೇನೆ ಎಂದೂ ಅವರು ತಿಳಿಸಿದರು. ಸರಿ... ನಾವು ಪದ್ಮನಾಭನಗರ ಬಸ್‌ ಹತ್ತಿ ಅಲ್ಲಿ ಇಳಿದು ಆಟೋದಲ್ಲಿ ಪ್ರಯಾಣಿಸಿದೆವು. ಅದು ಖೋಡೇಸ್‌ ಬ್ರೂವರೀಸ್ ಹತ್ತಿರದ ಸಿಗ್ನಲ್ಲಿನಲ್ಲಿ ಇಳಿದೆವು. ನಂತರ ಸುಮಾರು ಒಂದೂವರೆ ಕಿ.ಮೀ. ನಡೆದೆವು. ಅಲ್ಲಿಂದ ಅವರ ಮನೆಗೆ ದಾರಿಯನ್ನು ಅವರ ಮಗ ತಿಳಿಸಿದ. ಹೀಗೆ ನಾವಿಬ್ಬರ ಮನೆ ತಲುಪಿದ್ದಾಯಿತು.

ನಂತರದ ಸರದಿ, ಇನ್ನೊಬ್ಬ ಹಿರಿಯ ಮಿತ್ರರು ಮತ್ತು ಅವರ ತಮ್ಮ ಬರುತ್ತಿರುವ ವಿಚಾರವೂ ತಿಳಿಯಿತು.
ಇದೇನಪ್ಪಾ?? ಬರೀ ಕುತೂಹಲವೇ ಇದೆ! ಎಂದು ನಿಮಗನ್ನಿಸಿರಬಹುದು. ಹೌದು. ಇದು ಒಂದು ರೀತಿಯ ಸೆಂಟಿಮೆಂಟಿನಲ್ಲಿ ಕಟ್ಟಿದ ಸ್ನೇಹದ ನಂಟಿನ ಬರಹ ಎನ್ನಬಹುದು.

ಈವರೆಗಿನ ಪೀಠಿಕೆಯಲ್ಲಿಯೇ ಕೆಲವು ಬ್ಲಾಗ್‌ ಮಿತ್ರರಿಗೆ, ನಾವುಗಳು ಯಾರ ಮನೆಗೆ ನಮ್ಮ ಭೇಟಿಕೊಡುತ್ತಿದ್ದೇವೆ ಎಂದು ಗಟ್ಟಿಯಾಗಿ ಊಹಿಸಿರುತ್ತಾರೆ.
ಅದು ಇಟ್ಟಿಗೆ ಸಿಮೆಂಟು - ಕೋಣನಕುಂಟೆಯಲ್ಲಿ ವಾಸವಿರುವ ಬ್ಲಾಗಿಗ ಶ್ರೀ ಪ್ರಕಾಶ್ ಹೆಗ್ಡೆ ಮನೆಗೆ ನಮ್ಮ ಭೇಟಿಯಾಗಿತ್ತು.

ಪರಾಂಜಪೆ ಸರ್‍, ನಿಮ್ಮೊಳಗೊಬ್ಬ ಬಾಲು, ಮತ್ತೊಬ್ಬ ಬಾಲು ಮತ್ತು ನಾನು - ಹೀಗೆ ನಾಲ್ವರ ಭೇಟಿ ಪ್ರಕಾಶಣ್ಣನ ಮನೆಯಲ್ಲಿ ಭೇಟಿಯಾದೆವು. ನಾವಿಬ್ಬರೂ ತುಂಬಾ ಮುಂಚೆಯೇ ಅವರ ಮನೆಗೆ ಹೋದೆವೆನೋ ಅನಿಸಿತು. ಅಲ್ಲಿ ರಾಜಕೀಯ, ಕಾಮನ್‌ವೆಲ್ತ್‌ ಇವುಗಳ ಬಗ್ಗೆ ಚರ್ಚಿಸುತ್ತಿರುವಾಗ ಬಾಲು ಸರ್‌ ದ್ವಯರ ಆಗಮನವಾಯಿತು. ಅದೂ ಇದೂ ಮಾತಾಡುತ್ತಾ... ಅವರ ಮನೆಯವರೆಲ್ಲರ ಪರಿಚಯ ಮಾಡಿಕೊಳ್ಳುತ್ತಾ... ಊಟಕ್ಕೆ ಕುಳಿತಿದ್ದಾಯಿತು.

ಪ್ರಕಾಶಣ್ಣರ ಮನೆ (ನಮ್ಮನೆ) ಯಲ್ಲಿ ಊಟದ ರುಚಿಯ ಸವಿದೆವು. ಪಾಯಸ, ಅಮಟೆಕಾಯಿ ಗೊಜ್ಜು, ಕೆಸುವಿನೆಲೆಯ ಚಟ್ಟಿ, ಬದನೆಕಾಯಿ ಪಲ್ಯ, ಹುಣಸೆ ತೊಕ್ಕು, ತಂಬುಳಿ, ತೊವ್ವೆ ಮತ್ತು ಹಪ್ಪಳ ಎಲ್ಲ ವ್ಯಂಜನಗಳನ್ನೂ ಸವಿದದ್ದಾಯಿತು. ಅಪ್ಪೆ ಹುಳಿಯನ್ನೂ ನೆನಪಿಸಿಕೊಂಡೆವು.
ಊಟದ ನಡುವೆ ಮಾತು ಶಿರಸಿ, ಯಲ್ಲಾಪುರ, ಬನವಾಸಿ, ಎಲ್ಲ ಕಡೆ ಹರಿದಾಡಿತು. ಊಟದ ನಂತರ ರಾಜಕೀಯದ ವಿಷಯ, ನಂತರ ಕವನ, ಕವಿತೆ, ಬ್ಲಾಗಿಗ ಮಿತ್ರರ ಒಂದೆರಡು ಫೋನ್‌ಕರೆಗಳಿಗೆ ಪ್ರಕಾಶಣ್ಣರ ರಿಪ್ಲೈಗಳು, ನಡುನಡುವೆ....ಸ್ವಾರಸ್ಯಕರ ಕಥೆಗಳು... ಗಾದೆಗಳು... ಹೀಗೆ ಸಾಗುತ್ತಾ ಹಿರಿಯ ಸಾಹಿತಿಗಳು, ಯಕ್ಷಗಾನ, ಸಿನೆಮಾ ಎಲ್ಲವೂ ಅಲ್ಲಿತ್ತು. ಅದಾಗಲೇ ಹಸಿದಿದ್ದವರಿಗೆ ಪ್ರೀತಿಯಿಂದ ಉಣಬಡಿಸಿದ ಅವರೆಲ್ಲರಿಗೂ ನಮ್ಮ ಧನ್ಯವಾದಗಳು. ಅನ್ನದಾತೋ ಸುಖೀಭವ:

+++++++++

ಒಂದಷ್ಟು ನೆನಪಿನಿಂದ:

ರಾಜಕಾರಣಿಗಳ ಸರಳತೆಯ ಬಗ್ಗೆ ಒಂದು ವಿಚಾರ ಬಂದಿತು. ಲಾಲಬಹದ್ದೂರ್‌ ಶಾಸ್ತ್ರಿಯವರು ಮತ್ತು ಜಾರ್ಜ್ ಫರ್ನಾಂಡಿಸ್ ಅವರ ಸರಳ ಜೀವನವನ್ನು ಇಂದಿನ ರಾಜಕೀಯ ನೇತಾರರು (??) ಬಗೆಗೆ ಹೋಲಿಸಲೇ ಬಾರದು ಎಂಬುದಾಗಿ...

ತ್ರಿವೇಣಿ, ಎಂ.ಕೆ. ಇಂದಿರಾ, ಡಾ.ಎಸ್.ಎಲ್.ಭೈರಪ್ಪ, ಪೂಚಂತೇ... ಹೀಗೆ ಅವರ ಬರಹಗಳನ್ನು ಅದರಲ್ಲಿಯೂ ತ್ರಿವೇಣಿ, ಎಂ.ಕೆ. ಇಂದಿರಾ ಅವರುಗಳಿದ್ದ ಆಗಿನ ಪರಿಸರದಿಂದ ಮೂಡಿಬಂದ ಕೃತಿಗಳನ್ನೂ ಕುರಿತು ಮಾತಾಡಿದ್ದಾಯಿತು.

ಇನ್ನು ಪ್ರಕಾಶಣ್ಣರು ತಮ್ಮ ಕಾಲೇಜಿಗಿನ ದಿನಗಳಲ್ಲಿ (ಚುನಾವಣೆಗೆ ನಿಂತಾಗ ಭರವಸೆಯಿತ್ತಿದ್ದ ಮಾತಿಗೆ ಹೇಳಿದ್ದ ಅಕ್ಷರಶ: ನಡೆಸಿಕೊಡಬೇಕಾಗಿ ಬಂದ ಸಂದರ್ಭ) ಡಾ. ಕೆ.ಶಿವರಾಮ ಕಾರಂತರನ್ನು ಭೇಟಿಯಾಗಿದ್ದು, ಅವರೊಡನೆ ಮಾತಾಡಿದ್ದು, ಊಟಮಾಡಿದ್ದು ಎಲ್ಲ ನೆನಪಿಸಿಕೊಂಡರು.

ಆದರೆ, ನಮಗರಿವಿಲ್ಲದಂತೆಯೇ ಡಾ. ಕಾರಂತರ ನಡೆ, ನುಡಿ, ಅವರ ಬರವಣಿಗೆಯಲ್ಲಿನ ಓಘ, ವಿದೇಶಗಳಿಗೆ ಯಕ್ಷಗಾನದ ಪ್ರಚುರಪಡಿಸಿದ್ದು, ವಿಜ್ಞಾನದ ವಿಷಯಗಳು, ಅವರ ವಾಕ್ಪಟುತ್ವ, ಇವೆಲ್ಲ ಇಲ್ಲದೇ ಅವರನ್ನು ಕಡಲತೀರದ ಭಾರ್ಗವ ಎಂಬ ಬಿರುದು ಕೊಡಲು ಸಾಧ್ಯವಿತ್ತೇ, ತಮಗೆ ಪ್ರದಾನ ಮಾಡಿದ್ದ ಪ್ರಶಸ್ತಿಯನ್ನು ಹಿಂದಿರುಗಿಸಿದ ವಿಷಯ, ಅವರು ಚುನಾವಣೆಗೆ ನಿಂತು ಸೋತಿದ್ದು... ಇವೆಲ್ಲ ಮಾತಾಡಿದೆವು. ಏಕೆಂದರೆ, ನಿನ್ನೆ ದಿನ `ಕಡಲತೀರದ ಭಾರ್ಗವ ರ ಜನ್ಮದಿನವಾಗಿತ್ತು ಎಂದು ನನಗೆ ತಿಳಿದದ್ದು ಇಂದಿನ (೧೧.೧೦.೨೦೧೦) ರ ದಿನಪತ್ರಿಕೆಯನ್ನು ಓದಿದಾಗ ಎಂದರೆ ತಪ್ಪೇನಿಲ್ಲ.

+++++++++
ಇಲ್ಲೊಂದೆರಡು ಅಪರೂಪದ ಅಂತರ್ಜಾಲ ತಾಣಗಳು ಹುಡುಕಾಟದಲ್ಲಿ ಸಿಕ್ಕಿವೆ. ಬಿಡುವಿದ್ದಾಗ ನೋಡಿ: http://shivaramkarantha.in/ ಪರಾಂಜಪೆ ಸರ್‍ ಕಳಿಸಿಕೊಟ್ಟ ಲಿಂಕಿದು (ನಿನ್ನೆ ದಿನ ಬಿಡುಗಡೆಯಾಗಿದ್ದಂತೆ) ಗೂಗಲ್ಲಿನಲ್ಲಿ ಹುಡುಕಿದಾಗ ಸಿಕ್ಕಿದ್ದು: http://karanth.kannadavedike.net/

++++++++++

ಮನೆಗೆ ಹೊರಡುವ ವೇಳೆಗೆ ಕಷಾಯ ಸೇವನೆಯೂ ಆಯಿತು. (ಮಲೆನಾಡಿನ ಮನೆಗಳಲ್ಲಿ ಹಾಗೂ ಅಲ್ಲಿನ ಹೋಟೆಲುಗಳಲ್ಲಿ ಕಾಫೀ, ಟೀ ಜೊತೆಗೆ ಕಷಾಯವೂ ಸಿಗುತ್ತದೆ) ಪ್ರಕಾಶಣ್ಣರಿಂದ ಪ್ರತಿಯೊಬ್ಬರಿಗೂ ಒಂದೊಂದು ಪುಸ್ತಕ ಉಡುಗೊರೆಯನ್ನು ಕೊಟ್ಟರು. ಹಾಗೆಯೇ ನಮ್ಮಿಂದ ನೆನಪಿನ ಪುಸ್ತಕದಲ್ಲಿ ಒಂದೆರಡು ಅನಿಸಿಕೆಗಳನ್ನೂ ಪಡೆದುಕೊಂಡರು. ಈ ಪುಸ್ತಕವನ್ನಿಡಲು ಹಿನ್ನೆಲೆಯನ್ನೂ ತಿಳಿಸಿದರು (ದಿವಂಗತ ಕೃಷ್ಣಾನಂದ ಕಾಮತರು ಹೀಗೆ ಒಂದು ಪುಸ್ತಕವನ್ನು ಇಟ್ಟಿದ್ದರಂತೆ, ಆ ವಿಷಯವನ್ನು ಮಿತ್ರ ಡಿ.ಜಿ.ಮಲ್ಲಿಕಾರ್ಜುನ ತಿಳಿಸಿ... ಅದನ್ನು ಇವರೂ ತಮ್ಮಲ್ಲಿ ಅಳವಡಿಸಿಕೊಂಡಿದ್ದಾರೆ...)

++++++++++

ಇಷ್ಟೆಲ್ಲ ವಿಚಾರವನ್ನು ಬರೆಯಲು ಮನಸ್ಸೇಕಾಯಿತೆಂದರೆ, ಡಾ. ಕೆ. ಶಿವರಾಮ ಕಾರಂತರ ಜನ್ಮದಿನವನ್ನು ನಿನ್ನೆ ಅಚಾನಕ್ಕಾಗಿ ಅವರ ನೆನಪಿನಲ್ಲಿ ಕಳೆದೆವಲ್ಲಾ ಎಂಬುದರಿಂದಾಗಿ.... ಇವಿಷ್ಟು ನಿನ್ನೆ ನಮ್ಮ ಆಕಸ್ಮಿಕವಾದ ಭೇಟಿಯ ವಿಚಾರವನ್ನು ಹಂಚಿಕೊಳ್ಳಬೇಕೆನಿಸಿತು... ++++++++++++

ಮಳೆಗಾಲದಲ್ಲೆರಡು ದಿನಗಳ ಪ್ರವಾಸ - ೧

2010-10-05T16:35:00.013+05:30

ಮಳೆಗಾಲದಲ್ಲೆರಡು ದಿನಗಳ ಪ್ರವಾಸ - ೧

ಸುಮಾರು ತಿಂಗಳುಗಳಿಂದ ಪ್ರವಾಸ ಹೋಗದೇ ಎಲ್ಲರ ಮನಸ್ಸೂ ಜಿಡ್ಡುಗಟ್ಟಿತ್ತು. ಈ ನೆಪದಿಂದಾಗಿ ದಿನಾಂಕ ೧೭.೯.೨೦೧೦ ರ ಸಂಜೆ ೧೩ ಜನರ ನಮ್ಮ ತಂಡ ದಾಂಡೇಲಿ ಕಡೆಗೆ ಪಯಣಿಸಿತು. ಈ ತಂಡದಲ್ಲಿ ಸವಿತಾ, ಮಮತಾ, ಶ್ವೇತ, ಸಾಹಿತಿ, ಗುರು, ಭಾಸ್ಕರ್‍, ಉಮೇಶಬಾಬು, ರಾಘವೇಂದ್ರ, ಅಶ್ಫಾಕ್, ರಫೀಕ್, ಕೇದಾರ್‍, ಖಲೀಲ್ ಮತ್ತು ನಾನು.
ಇಡೀ ರಾತ್ರಿಯಲ್ಲಿ ಪಯಣ ಸಾಗುತ್ತಿದೆ. ಈ ಟೋಲ್‌ಗೇಟಿನವರ ಹಾವಳಿ ಜಾಸ್ತಿ ಅನ್ನಿಸಿಬಿಟ್ಟಿತು. ಇನ್ನೇನು ನಿದ್ದೆಯ ಜೊಂಪು ಹತ್ತಿದೆ ಎನ್ನುವಾಗ ಟೋಲ್‌ಗೇಟ್ ದರ್ಶನ. ಚಾಲಕನಿಂದ ಸರ್‍, ೨೦ ರೂಪಾಯಿ... ಈ ನಮ್ಮ ಭಾಸ್ಕರನಿಗೆ ನಿದ್ದೆಯೋ ನಿದ್ದೆ. ಹೂಂ, ತೊಗೊಳ್ಳಿ, ಆಯ್ತಾ...? ಲೈಟ್‌ ಆರಿಸಿ, ಮತ್ತೆ ನಿದ್ದೆಗೆ ಜಾರುವುದು.

೧೮.೯.೨೦೧೦ ರ ಬೆಳಗ್ಗೆ ದಾಂಡೇಲಿಯಲ್ಲಿ ಸ್ಟೇಟ್‌ ಲಾಡ್ಜದಲ್ಲಿ ರೆಫ್ರೆಶ್‌ ಆಗಿ, ಸಂತೋಷ ಹೋಟೆಲಿನಲ್ಲಿ ಬೆಳಗಿನ ಉಪಹಾರ ಮುಗಿಸಿ ಸಿಂಥೇರಿ ರಾಕ್‌ ಎಂಬ ಸ್ಥಳಕ್ಕೆ ಹೊರಟೆವು. ಉಳವಿ ಕ್ಷೇತ್ರಕ್ಕೆ ಹೋಗುವ ಜಂಕ್ಷನ್‌ನಲ್ಲಿ ಗುರುವಿನ ಸ್ನೇಹಿತ ಶ್ರೀಪಾದರನ್ನು ಕೂಡಿಕೊಂಡು ಗುಂದ ಊರಿನ ಹಾದಿಯಲ್ಲಿ ಸಿಂಥೇರಿ ರಾಕ್‌ ಕಡೆಗೆ ಪಯಣಿಸಿದೆವು. ಸುತ್ತಲೂ ಹಸಿರಹೊದ್ದ ವನಸಿರಿ. ಹೆಚ್ಚಾಗಿ ಬಿದಿರ ಬೆಳೆಯೇ ಕಣ್ಣಿಗೆ ಕಾಣುತ್ತಿದ್ದದ್ದು. ೧೦.೨೫ ರ ಹೊತ್ತಿಗೆ ಸಿಂಥೇರಿ ರಾಕಿನ ಮುಖ್ಯದ್ವಾರಕ್ಕೆ ಬಂದೆವು.
ವಾಹ್‌! ಸಿಂಥೇರಿ ರಾಕ್ವಾಹ್‌! ಸಿಂಥೇರಿ ರಾಕ್‌ ನೋಡುತ್ತಿದ್ದಂತೆ ರೋಮಾಂಚನವಾಗುತ್ತದೆ. ೩೦೦ ಅಡಿ ಎತ್ತರದ ಬೃಹತ್‌ ಬಂಡೆ. ಕಾನೇರಿ ದಡದಲ್ಲಿರುವ ಇದು ಶಿಥಲೀಕರಣದಿಂದಾಗಿ ಮನೋಹರ ಭೂರಚನೆಯಾಗಿದೆ. ಅಲ್ಲಲ್ಲಿ ಪೊಳ್ಳು ಜಾಗಗಳಿವೆ ಬಂಡೆಗಳಲ್ಲಿ ಹಾಗೂ ಪಾರಿವಾಳಗಳ ಅವಾಸಸ್ಥಾನವೆಂದು ಬೋರ್ಡು ಇದೆ. ಜೇನುಗೂಡುಗಳ (ಜೇನೆಲ್ಲ ಖಾಲಿಯಾಗಿದ್ದ) ತುಂಬಾ ಕಾಣಬಹುದು. ಹಿಂದಿನ ದಿನದ ಆಯಾಸವೆಲ್ಲ ಈ ಕಾನೇರಿಕೊಳ್ಳದ ಸಿಂಚನದಿಂದ ಪರಿಹಾರವಾಯಿತು. ತಂಪಾದ ಪ್ರದೇಶವಿದ್ದರೂ ನೀರಿನ ಸಿಂಚನದ ಖುಷಿಯನ್ನು ಹೊಂದಿ ವಾಪಸ್ಸು ಬರುವಾಗ ಸೆಖೆಯನ್ನು ತಡೆಯಲಾಗದು. ರಭಸದಿಂದ ಹರಿಯುತ್ತಾ ಧುಮ್ಮಿಕ್ಕುವ ಕಾನೇರಿ ನದಿಯ ಆರ್ಭಟ ಖುಷಿಕೊಡುತ್ತದೆ. ಬಂಡೆಗಳ ಬಳಿ ಹರಿಯುವ ನೀರಿನ ಬಳಿ ಜಿಗಣೆಕಾಣದಿದ್ದರೂ, ತೇವಾಂಶವುಳ್ಳ ಮೆಟ್ಟಿಲುಗಳ ಮೇಲೆ ಇವೆ. ಒಂದೆರಡು ಜಿಗಣೆಗಳು ನಮ್ಮ ಸ್ನೇಹಿತರಿಗೆ ಅಂಟಿಕೊಂಡಿದ್ದ ಕಣ್ಣಾರೆ ನೋಡಿದೆವು. ಸುಮಾರು ಒಂದು ಘಂಟೆ ಕಳೆದದ್ದು ತಿಳಿಯಲೇ ಇಲ್ಲ.

ಅಲ್ಲಲ್ಲಿಯೇ ವಿವಿಧ ಕಲ್ಲುಗಳಿಗೆ ಸಂಬಂಧಪಟ್ಟ ವಿವರಗಳು ಮತ್ತು ಕಲ್ಲುಗಳನ್ನು ಇಟ್ಟಿದ್ದಾರೆ. ಇಲ್ಲಿಗೆ ಬರುವವರಿಗೆ ನಿರ್ವಹಣಾ ವೆಚ್ಚ ಎಂದು ರೂ.೫.೦೦. ಹಾಗೂ ಶಾಲಾ ಮಕ್ಕಳಿಗೆ ರೂ.೨.೦೦ ಶುಲ್ಕ ವಿಧಿಸುತ್ತಾರೆ.

ಪ್ಲಾಸ್ಟಿಕ್‌ ನಿಷೇಧ: ಎಲ್ಲೆಡೆಯೂ ಪ್ಲಾಸ್ಟಿಕ್‌ ನಿಷೇಧ ಎಂಬ ಫಲಕ ಸಾಮಾನ್ಯವಾಗಿ ನೋಡುತ್ತಿರುತ್ತೇವೆ. ಹಾಗೆಯೇ ಅದನ್ನು ಉಪಯೋಗಿಸುವುದನ್ನು ಬಿಡಬೇಕೆಂದರೂ ಬಿಡದ ಪೆಡಂಭೂತವಾಗಿ ಬೆಳೆದಿದೆ. ಇಂತಹ ಒಂದು ದೃಶ್ಯವನ್ನು ಇಲ್ಲಿ ನೋಡಿದೆವು. ಅದರ ಚಿತ್ರವನ್ನು ಎಲ್ಲರೂ ತೊಗೊಂಡಿದ್ದಾಯಿತು. ಚಿತ್ರ ನೋಡಿದರೇ ಸಾಕು ಏನೇನೆಲ್ಲಾ ಅನಿಸುತ್ತದೆ...

`ಉಳವಿ'ಯ ಸುಳಿವು.

ಸಿಂಥೇರಿಯಿಂದ ಉಳವಿ ಕಡೆಗೆ ಹೊರಟೆವು. ಸುಮಾರು ೧/೨ ಘಂಟೆ ಪ್ರಯಾಣ. ಅಲ್ಲಿಗೆ ತಲುಪಿದಾಗ ಮಧ್ಯಾಹ್ನ ೧೨.೦೦ ಆಗುತ್ತಾ ಬಂದಿತ್ತು. ಇಲ್ಲಿ ಚೆನ್ನಬಸವಣ್ಣನ ಸಮಾಧಿಯಿದೆ. ಸುಂದರ ದೇವಾಲಯ ಮ ದೇವಾಲಯದ ಮುಂಭಾಗದಲ್ಲಿ ಒಂದು ದೊಡ್ಡ ಕಲ್ಯಾಣಿ ಇದೆ. ಇಲ್ಲಿ ಇದರಂಚಿಗೆ ಆ ಕಡೆಯಿಂದ ನೀರಿನ ಹರಿವಿನ ಸದ್ದು ಕೇಳುತ್ತಿತ್ತು. ಬಲಗಡೆಗೆ ಕಣ್ಣಳತೆಯಷ್ಟು ಹಸಿರೋ ಹಸಿರು. ಇದರ ಸುತ್ತ ಮುತ್ತ ಅನೇಕ ವೀಕ್ಷಣೀಯ ಸ್ಥಳಗಳಿವೆ: ಶ್ರೀ ವೀರಭದ್ರೇಶ್ವರ ದೇವಾಲಯ, ಆಕಳಗವಿ, ಮಹಾಮನೆ ಗವಿ, ವಿಭೂತಿ ಕಣಜ ಹೀಗೆ...

ಇಲ್ಲಿ ನಿತ್ಯ ದಾಸೋಹವಿದೆ. ನಾವೂ ಊಟ ಮುಗಿಸಿದೆವು. ಅನ್ನ, ಸಾಂಬಾರು, ಪಾಯಸ, ಪಲ್ಯ, ಮೊಸರು ಎಲ್ಲವನ್ನೂ ಬಡಿಸಿದರು. ರುಚಿಯಾದ ಊಟ ಹಸಿದಿದ್ದ ನಮಗೆ ಖುಷಿಕೊಟ್ಟಿತು. ಎರಡು ಘಂಟೆಯವರಿವಿಗೂ ಅಲ್ಲಿದ್ದು ಯಲ್ಲಾಪುರದ ಕಡೆಗೆ ಹೊರಟೆವು.

ದಾರಿಯಲ್ಲಿ ಮಿತ್ರ ಶ್ರೀಪಾದರನ್ನು ದಾಂಡೇಲಿ ಕ್ರಾಸಿನಲ್ಲಿ ಇಳಿಸಿ ಮುಂದುವರೆದೆವು. ಹಾದಿಯಲ್ಲಿ ಸುಮಾರು ೩.೧೫ ರ ವೇಳೆಗೆ ನಾವು ನಾಗಝರಿ ಕಣಿವೆಯ ದರ್ಶನಕ್ಕೆಂದು ಸ್ವಲ್ಪ ಹೊತ್ತು ನಿಂತೆವು. ಮನಮೋಹಕ, ರೋಮಾಂಚಕ ದೃಶ್ಯ ಮನಸ್ಸು ಮತ್ತು ಕಣ್ಣುತುಂಬಿಕೊಂಡೆವು.

ಮಾಗೋಡಿಗೆ ದೌಡು

ನಂತರ ಮಾಗೋಡು ಅಥವಾ ಸಾತೋಡಿ ಜಲಪಾತಕ್ಕೆ ಎಂದು ಹೊರಟೆವಾದರೂ ಸಮಯಾಭಾವದಿಂದ ಮಾಗೋಡು ಜಲಪಾತಕ್ಕೆ ಪಯಣಿಸಿದೆವು. ಸಂಜೆ ೫.೦೦ ರ ವೇಳೆಗೆ ಮಾಗೋಡು ಜಲಪಾತ ತಲುಪಿದೆವು. ಇಲ್ಲಿಯೂ ಪ್ರವೇಶ ಶುಲ್ಕ ರೂ.೫.೦೦ ಇದೆ. ಭೇಡ್ತಿ ನದಿಯು ಮಾಗೋಡು ಜಲಪಾತವೆಂದು ಪ್ರಸಿದ್ಧಿ ಪಡೆದಿದೆ. ಈ ನದಿಯು ಹುಬ್ಬಳ್ಳಿಯ ಉಣಕಲ್‌ ಕಡೆಯಿಂದ ಹುಟ್ಟಿ, ಪಶ್ಚಿಮಾಭಿಮುಖವಾಗಿ ಹರಿದು ಯಲ್ಲಾಪುರ, ಮುಂಡಗೋಡ ದ ಗಡಿಗಳಲ್ಲಿ ಹರಿಯುತ್ತಾ ಮಾಗೋಡು ಎಂಬುದಾಗಿ ಕರೆಸಿಕೊಳ್ಳುತ್ತಾ ಅರಬ್ಬೀ ಸಮುದ್ರವನ್ನು ಸೇರುತ್ತದೆ. ಅಷ್ಟು ದೂರದಿಂದಲೇ ಜಲಪಾತದ ಅಬ್ಬರದ ಮೊರೆತ ಕೇಳುತ್ತಾ ಬರುತ್ತದೆ. ಇದು ಸುಮಾರು ೬೫೦ ಅಡಿ ಎತ್ತರದಿಂದ ಧುಮ್ಮಿಕ್ಕುವ ಜಲಪಾತ. ನಯನಮನೋಹರವಾಗುತ್ತಾ ತುಂತುರು ಹನಿಗಳು ಅಲ್ಲೆಲ್ಲಾ ಮೋಡದಂತೆ ಹಬ್ಬತ್ತಾ ಮತ್ತೊಮ್ಮೆ ಜಲಪಾತವನ್ನೇ ಆವರಿಸಿ ಕೇವಲ ಶಬ್ದ ಮಾತ್ರ ಕೇಳುವಂತೆ ಮಾಡುತ್ತದೆ. ಈ ದೃಶ್ಯವನ್ನು ನಾವು ಮತ್ತಷ್ಟು ಮೇಲಕ್ಕೆ ಹತ್ತಿ (ವ್ಯೂಪಾಯಿಂಟ್‌) ಹೋಗುತ್ತ ಇದ್ದಂತೆ ಸುತ್ತಲೂ ಮಿಸ್ಟ್‌ ಆವರಿಸಿರುತ್ತದೆ. ಬಿಸಿಲಝಳ ಬಿದ್ದಂತೆ ಸುಂದರ ದೃಶ್ಯ ಸಂಯೋಜನೆ ಆಗುತ್ತದೆ. ವಾಹ್‌! ಎಂಬ ಉದ್ಗಾರ ತಂತಾನೆ ಹೊಮ್ಮುತ್ತದೆ. ನಿಜಕ್ಕೂ ಮೈಮನಗಳಿಗೆ ಆಗಿದ್ದ ಆಯಾಸವೆಲ್ಲ ಕ್ಷಣಮಾತ್ರದಲ್ಲಿ ಮರೆಯಿಸುವಂತಿದೆ ಮಾಗೋಡು ಜಲಪಾತ. ಒಮ್ಮೆಯಾದರೂ ನೋಡಿ ಬರಬೇಕಾದ ಸ್ಥಳ.

ಇಲ್ಲಿ ಭಾನುವಾರ ಅಥವಾ ರಜಾದಿನಗಳಂದು ಜನಸಮೂಹ ಜಾಸ್ತಿ. ಹತ್ತಿರದ ಹೋಟೆಲು ಎಂದರೆ ಯಲ್ಲಾಪುರಕ್ಕೆ ಹೋಗಬೇಕು. ಊಟತಿಂಡಿ ಜೊತೆಯಲ್ಲಿ ಒಯ್ದರೆ ಉತ್ತಮ. ಪ್ರವೇಶ ದ್ವಾರಕ್ಕೂ ಮುಂಚೆ (ವಾಹನ ನಿಲುಗಡೆ ಸ್ಥಳದಲ್ಲಿ) ಶೌಚಾಲಯವಿದೆ. ಆದರೆ ಸದಾ ಬೀಗ ಜಡಿದಿರುತ್ತದಂತೆ. ಪ್ರವೇಶದ್ವಾರದಲ್ಲಿ ಕುಡಿಯುವ ನೀರು ಇದೆ. ಒಂದೊಂದು ಶೌಚಾಯಗಳಿದ್ದರೂ ಶುಚಿಯಾಗಿಲ್ಲ. ಇಲ್ಲಿಗೆ ಎನ್‌ಹೆಚ್-೧೭ ರಸ್ತೆ ಚೆನ್ನಾಗಿದೆ. ಇದಿಷ್ಟು ಮಾಗೋಡಿನ ಪರಿಸರ ನಾವಿದ್ದ ಕೆಲವೇ ಸಮಯದಲ್ಲಿ ಕಂಡುಬಂದದ್ದು.

ಮಾಗೋಡಿನಿಂದ ಜೇನುಕಲ್ಲು ಗುಡ್ಡದೆಡೆಗೆ ಮುತ್ತಿಗೆ:

ಸಂಜೆ ೬.೧೫ ರ ವೇಳೆಗೆ ಜೇನುಕಲ್ಲು ಗುಡ್ಡ ತಲುಪಿದೆವು. ಮಾಗೋಡಿನಿಂದ ೭ ಕಿ.ಮೀ. ಇದ್ದು ಯಲ್ಲಾಪುರದಿಂದ ಸುಮಾರು ೧೭ ಕಿ.ಮೀ. ದೂರದಲ್ಲಿದೆ. ಸುತ್ತಲೂ ಕಾಡಿನ ಹಾದಿ. ಮಣ್ಣಿನ ರಸ್ತೆ. ಮಳೆ ಬಂದಿದ್ದರಂತೂ ವಾಹನ ನಡೆಸಲು ಬಹಳ ಕಷ್ಟವಾಗುತ್ತದೆ. ಕಿರಿದಾದ ಹಾದಿ. ಬೇಡ್ತಿ ನದಿಯು ಕವಲಾಗಿ ಹರಿದು ಈ ಗುಡ್ಡದ ಹಿಂದೆ ನುಸುಳುತ್ತಾ ಅರೇಬಿಯನ್‌ ಸಮುದ್ರವನ್ನು ಸೇರುತ್ತದೆ. ನದಿಯ

ಇದು ಸುಮಾರು ೪೫೦ ಮೀಟರ್‌ ಎತ್ತರವಿದೆ. ಸುತ್ತಲೂ ಹಸಿರ ಕಾನನ. ಇಲ್ಲಿಗೆ ಚಾರಣಿಗರ ಭೇಟಿ ಇದ್ದೇ ಇರುತ್ತದೆ. ಸಂಜೆಯ ಸೂರ್ಯಾಸ್ತ ನೋಡಲು ಪ್ರಶಸ್ತವಾದ ಸ್ಥಳ. ದೂರದ ಕಣಿವೆಯಲ್ಲಿ ನದಿಯ ಹರಿಯುವಿಕೆ ಕಾಣುತ್ತದೆ. ಮನಮೋಹಕ ದೃಶ್ಯಗಳನ್ನು ಕಾಣಬಹುದು. ಇಲ್ಲಿ ಒಂದೆರಡು ಮಂಟಪಗಳಿವೆ. ಕಬ್ಬಿಣದ ತಡೆಗೋಡೆಯಿದೆ. ಆದರೆ, ಮಳೆ ಮತ್ತು ತುಕ್ಕಿನಿಂದಾಗಿ ಅಷ್ಟು ಗಟ್ಟಿಯಾಗಿಲ್ಲ ಈ ಕಬ್ಬಿಣದ ಸರಳುಗಳು. ಅಲ್ಲದೇ ಗುಡ್ಡದ ಮಣ್ಣಿನ ಕುಸಿತದ ಕುರುಹುಗಳೂ ಇರುವುದರಿಂದ ಕಬ್ಬಿಣದ ಸರಳ ಒರಗುವುದು, ಹತ್ತುವುದು ಅಪಾಯಕಾರಿ. ಇಲ್ಲಿ ಸುಮಾರು ಅರ್ಧ ಘಂಟೆ ಇದ್ದೆವು. ಮಳೆಯ ಹನಿಗಳಿಂದಾಗಿ ಮತ್ತೆ ದಾರಿಯಲ್ಲಿ ತೊಂದರೆಯಾಗದಿರಲಿ ಎಂದು ಇದ್ದ ಸಮಯದಲ್ಲೇ ಒಂದಷ್ಟು ಛಾಯಾಚಿತ್ರ ತೆಗೆದುಕೊಂಡು ಸೂರ್ಯಾಸ್ತದ ಚೂರುಪಾರು ನೋಡಿಕೊಂಡು ಶಿರಸಿಯ ಕಡೆಗೆ ಹೊರಟೆವು.

& & & &

ಅಂದಹಾಗೆ... ಹಾಡು ಕೇಳುತ್ತಾ... ಹಾಗೆಯೇ ಮುಂಗಾರು ಮಳೆ ಸಿನಿಮಾ ನೋಡುತ್ತಿದ್ದೆವು. ಆ ಸಿನೆಮಾ ಪೂರ್ಣವಾಗಿ ನೋಡಲಾಗಲಿಲ್ಲ ಎಂದು ಸಾಹಿತಿಯವರ ಅಂಬೋಣ. ಜೊತೆಗೆ ಜಾಕಿ ಚಿತ್ರದ ಹಾಡು ಮತ್ತೆ ಮತ್ತೆ ಕೇಳಿಸುತ್ತಿದ್ದ ರಾಘು ಅವರು... ಪದೇ ಪದೇ ಹಾಡು ಬದಲಾಯಿಸಲು ಚಾಲಕನಿಗೆ ತಾಕೀತು. ೨೦ ಸಾಂಗು ಮುಂದಕ್ಕೆ ಎಂದಾಗ ಮತ್ತೆ ಮೊದಲೇ ಕೇಳಿದ್ದ ಹಾಡೇ ಬರುವುದು ಹೀಗೆ ಒಂದು ರೀತಿಯಲ್ಲಿ ಟೀಕೆ-ತಮಾಷೆ ಅಂತ್ಯಾಕ್ಷರಿ ಎಲ್ಲ ಚೆನ್ನಾಗಿದ್ದು, ಸಂತಸಪಟ್ಟರು.

ಇವಿಷ್ಟು ನಮ್ಮೆಲ್ಲರ ಮೊದಲ ದಿನದ ಪ್ರವಾಸ ಕಥನ. ಆ ಕ್ಷಣದಲ್ಲಿ ನನ್ನ ಗಮನಕ್ಕೆ ಬಂದಂತಹ ಮಾಹಿತಿಯನ್ನು ಆಧರಿಸಿ ಇಲ್ಲಿ ಪ್ರವಾಸ ಕಥನ ಬರೆದಿರುತ್ತೇನೆ. ಮಾಹಿತಿಗಳು ತಪ್ಪಿದ್ದರೆ/ಸರಿಯಿದ್ದರೆ ನಿಮ್ಮ ಅಭಿಪ್ರಾಯಗಳ ಮೂಲಕ ತಿಳಿಸಿ.

ಮುಂದಿನ ಪ್ರಯಾಣ ಮುಂದುವರೆಯುವುದು.... ಅಲ್ಲಿಯವರೆಗೆ ಖುಷಿಯ `ಕ್ಷಣಗಳು' ನಿಮ್ಮೊಂದಿಗಿರಲಿ!

ನಮನಗಳು ಈ ಮಹನೀಯರುಗಳಿಗೆ

2010-10-01T11:38:00.002+05:30

ಅಕ್ಟೋಬರ್‍ ೨, ಇಂದು ಭಾರತದ ಹೆಮ್ಮೆಯ ಪುತ್ರರಾದ ಮಹಾತ್ಮ ಗಾಂಧೀಜಿ ಮತ್ತು ಲಾಲ್‌ ಬಹದ್ದೂರ್‌ ಶಾಸ್ತ್ರಿಯವರ ಜನ್ಮದಿನ.

ಅವರಿಗೆ ನಮ್ಮ ವಂದನೆಗಳು. ಈ ಮಹಾನ್‌ ಚೇತನಗಳು ನುಡಿದಿರುವ ಕೆಲವು ನುಡಿಮುತ್ತುಗಳನ್ನು ನಮ್ಮ ಜೀವನದಲ್ಲಿಯೂ ಅಳವಡಿಸಿಕೊಳ್ಳಲು ಪ್ರಯತ್ನಿಸೋಣ. ಅಂತರ್ಜಾಲದ ಆಧಾರದಿಂದ ಇಲ್ಲಿರುವ ನುಡಿಮುತ್ತುಗಳನ್ನು ಹಾಗೆಯೇ ಇಲ್ಲಿ ಲಗತ್ತಿಸಿದ್ದೇನೆ.

+++++++++++

ಮಹಾತ್ಮಾ ಗಾಂಧೀಜಿಯವರ ೧೦ ಮಾತುಗಳು

1. Strength: The weak can never forgive. Forgiveness is the attribute of the strong.

2. Government: What difference does it make to the dead, the orphans, and the homeless, whether the mad destruction is wrought under the name of totalitarianism or the holy name of liberty and democracy?

3. Self-Help: The only tyrant I accept in this world is the still voice within.

4. Government: It may be long before the law of love will be recognized in international affairs. The machineries of government stand between and hide the hearts of one people from those of another.

5. God: As soon as we lose the moral basis, we cease to be religious. There is no such thing as religion over-riding morality. Man, for instance, cannot be untruthful, cruel or incontinent and claim to have God on his side.

6. Life: There is more to life than simply increasing its speed.

7. Change: We must be the change we wish to see.

8. Self-Help: The best way to find yourself is to lose yourself in the service of others.

9. Truth: The moment there is suspicion about a person's motives, everything he does becomes tainted.

10. Wisdom: Suffering cheerfully endured, ceases to be suffering and is transmuted into an ineffable joy.

Courtesy: source: http://quotations.about.com/od/gandhiquotes/tp/10_gandhi_quote.htm

+++++++++++

ಲಾಲ್‌ ಬಹದ್ದೂರ್‌ ಶಾಸ್ತ್ರಿಯವರ ಸರಳ ಜೀವನಚರಿತ್ರೆಯನ್ನು http://www.iloveindia.com/indian-heroes/lal-bahadur-shastri.html ಕಾಣಬಹುದು. ಇವರ ಮಾತುಗಳನ್ನು ಹುಡುಕಿದೆನಾದರೂ ಅದು ಭಾರತ-ಪಾಕಿಸ್ತಾನ ಯುದ್ಧಕ್ಕೆ ಸಂಬಂಧಪಟ್ಟಿದ್ದು. ಅದಕ್ಕೆ ಹಾಗಾಗಿ ಅವರ ಮಾತುಗಳನ್ನು ಇಲ್ಲಿ ಉಲ್ಲೇಖಿಸಲು ಆಗಲಿಲ್ಲ. ಕ್ಷಮಿಸಿ.

++++++++++++++

ಇಂದು ಸೆಪ್ಟೆಂಬರ್‍ ೨೭, ಆತನ ಜನ್ಮದಿನ

2010-09-27T11:48:00.000+05:30

ಹುತಾತ್ಮ ಭಗತ್‌ ಸಿಂಗ್‌ - ಇಂದು ಸೆಪ್ಟೆಂಬರ್‍ ೨೭, ಆತನ ಜನ್ಮದಿನ. ಇಂದಿಗೆ ೧೦೪ನೇ ವರ್ಷವಾಗುತ್ತಾ ಬಂದಿದೆ. ಭಾರತ ದೇಶ ಕಂಡ ಯುವ ಕ್ರಾಂತಿಕಾರಿ, ಹುತಾತ್ಮ ಭಗತ್‌ ಸಿಂಗ್ ಜನ್ಮತಾಳಿದ್ದು ಲೈಲಾಪುರ ಜಿಲ್ಲೆಯ ಬಾಂಗ (ಈಗಿನ ಪಾಕಿಸ್ತಾನ) ಎಂಬಲ್ಲಿ. ಭಗತ್ ಸಿಂಗನ ಕುಟುಂಬ ಸ್ವಾತಂತ್ರ್‍ಯಹೋರಾಟಗಾರರ ಕುಟುಂಬ. ಈತನು ಸರ್ದಾರ್‌ ಕಿಷನ್ ಸಿಂಗ್ ಮತ್ತು ವಿದ್ಯಾವತಿ ಇವರ ಮೂರನೇ ಮಗ. ಇವನ ಚಿಕ್ಕಪ್ಪಂದಿರೂ ಸಹ ಸ್ವಾತಂತ್ರ್‍ಯ ಹೋರಾಟಗಾರರಾಗಿದ್ದರು.

ಭಗತ್ ಸಿಂಗನ ನುಡಿಮುತ್ತು: "If the deaf are to hear, the sound has to be very loud. When we dropped the bomb, it was not our intention to kill anybody. We have bombed the British Government. The British must quit India and make her free."

ಇಂತಹ ಯುವ ಹುತಾತ್ಮನಿಗೆ ಭಾರತೀಯರೆಲ್ಲರ ನಮನಗಳನ್ನು ಅರ್ಪಿಸೋಣ. ಆತನ ವಿಚಾರಧಾರೆ, ಆತನ ಧೀ:ಶಕ್ತಿ, ದೇಶಪ್ರೇಮ, ಪ್ರಾಮಾಣಿಕತೆ, ಸಾಹಸ, ಇಂದಿನ ಯುವಜನಾಂಗದಲ್ಲಿಯೂ ಮೂಡಿಬರಲಿ.

ಹುತಾತ್ಮ ಭಗತ್ ಸಿಂಗನ ಪೂರ್ಣಪಾಠಕ್ಕೆ ಇಲ್ಲಿಗೆ ಭೇಟಿಕೊಡಿ
http://www.shahidbhagatsingh.org/index.asp?linkid=1

ಮೊನ್ನೆ ದಿನ ಏನಾಯ್ತೂಂದ್ರೇ....

2010-09-16T12:31:00.003+05:30

ಮೊನ್ನೆ ದಿನ ಏನಾಯ್ತೂಂದ್ರೇ....

ಮೊನ್ನೆ ಭಾನುವಾರ ಗಣೇಶನ ಹಬ್ಬದ ಮಾರನೇ ದಿನ ನನಗೆ ಸ್ವಲ್ಪ ಸಿಟಿಯಲ್ಲಿ ಕೆಲಸವಿತ್ತು. ಹಾಗೆಯೇ ಕೆಲವು ಮಿತ್ರರನ್ನು ಭೇಟಿ ಮಾಡಲು ಹೋಗಿದ್ದೆ. ನಾನು ನನ್ನ ಸ್ನೇಹಿತ ಇಬ್ಬರೂ ಹಾಗೇ ದಾರಿಯಲ್ಲಿ (ಸೀತಾ ಸರ್ಕಲ್‌ ಹತ್ತಿರ)ನ ಒಂದು ಉಪಹಾರ ಮಂದಿರಕ್ಕೆ ಹೋದೆವು. ಕುಳಿತುಕೊಳ್ಳುವ ಜಾಗಕ್ಕೆ ಹೋದೆವು. ಏಕೆಂದರೆ, ಕನಿಷ್ಠ ಒಂದು ಹತ್ತು ನಿಮಿಷವಾದರೂ ಕುಳಿತು ಮಾತನಾಡುತ್ತಾ ತಿಂಡಿ ತಿನ್ನಬಹುದೆಂಬ ಆಸೆ. .. ತಿಂಡಿ ಕಾಫಿಗೆ ಆರ್ಡರ್‍ ಮಾಡಿ ಮಾತನಾಡುತ್ತಾ ಕುಳಿತೆವು... ಸರಿ ತಿಂಡಿಯೂ ಬಂದಿತು. ತಿಂಡಿ ಸೇವಿಸುತ್ತಾ ನಮ್ಮ ಮಾತು ಮುಂದುವರೆದಿತ್ತು...

ಹೀಗಿರುವಾಗ...

ಎಲ್ಲಿಂದಲೋ ಒಂದು ನೊಣ ಕಾಫಿ ಕಪ್ಪಿಗೆ ಬಿದ್ದಿತ್ತು. ಅವನು ಕಾಫಿ ತಂದಿಟ್ಟಾಗ ಬಿದ್ದಿರಲಿಲ್ಲ. ನಮ್ಮ ಗಮನಕ್ಕೂ ಬಂದಿರಲಿಲ್ಲ.

ಆಗ ನನಗೆ ನೆನಪಾಗಿದ್ದು ಮೇಯರ್‌ ಮುತ್ತಣ್ಣ ಚಲನಚಿತ್ರದಲ್ಲಿನ ಒಂದು ಪಾತ್ರ... ದ್ವಾರಕೀಶ್‌ ಹೋಟೆಲಿನಲ್ಲಿ ನಡೆಸುವ ಕರಾಮತ್ತು. ನಂತರ ಮುತ್ತಣ್ಣನ ಭೇಟಿ... ಇತ್ಯಾದಿ. ಇತ್ಯಾದಿ...

ಆದರೆ, ಇಲ್ಲಿ ಆಗಿದ್ದು ಬೇರೆಯೇ ಕರಾಮತ್ತು!!! ಇನ್ನೇನು ಕಾಫಿ ಕಪ್ಪಿಗೆ ಕೈ ಹಾಕಬೇಕು.....

ನೋಡಿ ನೊಣ ಬಿದ್ದಿದೆ. ಬೇರೆ ಬೇರೊಂದು ಕಪ್ ಕಾಫಿ ಕೊಡಿ ಎಂದಾಗ...

ಆತನ ವಿಚಾರಣೆ ಶುರುವಾಗಬೇಕೆ?

ನೊಣ ಈಗ ಬಿತ್ತಾ?? ಮೊದಲೇ ಬಿದ್ದಿತ್ತಾ??? ಹೀಗೆ....

ನನ್ನ ಸ್ನೇಹಿತ ತಕ್ಷಣಕ್ಕೆ `ನಮಗೇನು ಕನಸು ಬಿದ್ದಿತ್ತೇ? ನೊಣ ಯಾವಾಗ ಬಿತ್ತು? ಹ್ಯಾಗೆ ಬಿತ್ತು? ಅನ್ನೋ ವಿಚಾರಣೆ ಬೇಕಾ? ಎನಕ್ಟಯರಿ ಮಾಡಕ್ಕಾ??? ಎಂಥ ಜನ ಮಾರಾಯ್ರೆ... ಎಂದು ಹಿರಿಯ ಕೆಲಸಗಾರನಿಗೆ ಕೇಳಿದರು.

ಅದೇ ವ್ಯಕ್ತಿ ನಿಧಾನವಾಗಿ ಅಥವಾ ಬೇರೆ ಕೊಡುತ್ತೇನೆ ಎಂದು ಹೇಳಿದ್ದರೆ ಸಾಕಿತ್ತು... ಆತನ ಪ್ರಶ್ನೆ `ನಾವೇ ಕಾಫಿ ಕಪ್ಪಿಗೆ ನೊಣ ಹಾಕಿದ್ದೇವೆ' ಎಂಬ ಧಾಟಿಯಲ್ಲಿತ್ತು...

ಹೊಸ ಕಪ್ಪಿನಲ್ಲಿ ಬಿಸಿಬಿಸಿ ಕಾಫಿ ತಂದಿಟ್ಟು ಆತ ಹೊರಟು ಹೋದ....

ಇಷ್ಟೆಲ್ಲಾ ಏಕೆ ಹೇಳಬೇಕಾಯಿತೆಂದರೆ...

ಕೆಲವು ವ್ಯಕ್ತಿಗಳಿಗೆ ಜೀನವದ ಬೇಸರವೋ ಅಥವಾ ಸರಿಯಾದ ಕೆಲಸವಿಲ್ಲದೇ (ವಿದ್ಯಾವಂತನಾಗಿದ್ದರೂ) ಯಾರ್‍ಯಾರಿಗೋ ಕಾಫೀ, ಟೀ, ತಿಂಡಿ ಎಲ್ಲ ಸಪ್ಲೈ ಮಾಡಬೇಕು ಅಂತಲೋ, ಸಂಬಳ ಕಡಿಮೆಯೋ ಇತ್ಯಾದಿಯನ್ನು ಬಂದ ಗ್ರಾಹಕರ ಬಗ್ಗೆ ಈ ರೀತಿ ಕೇಳುವುದು ಸಭ್ಯವಲ್ಲ ಎಂದು ತಿಳಿದಿದ್ದರೂ ಹೀಗೆ ಮಾಡುತ್ತಾರೆ...

ಇದರಿಂದ ಗ್ರಾಹಕನಿಗೆ ತೊಂದರೆಯೇನಾಗದಿದ್ದರೂ... ಕೆಲಸ ಕೊಟ್ಟವನಿಗೆ ತೊಂದರೆ ಆಗುವುದು ಸಹಜ. ಏಕೆಂದರೆ, ಅಲ್ಲಿ ಶುಚಿತ್ವಕ್ಕೆ ಬೆಲೆಯಿಲ್ಲ, ತರಲೆ ಸಪ್ಲೈಯರ್‌ಗಳು ಹೀಗೆ ಗ್ರಾಹಕರು ತನ್ನಂತಾನೇ ದೂರಾಗುತ್ತಾರೆ... ಎಂಬುದು... ಹಾಗೆಯೇ ಅಲ್ಲಿ ಕೆಲಸ ಮಾಡುವ ಉದ್ಯೋಗಿಗಳಿಗೂ ತೊಂದರೆಯಾಗುವುದಲ್ಲವೇ?

ಬಂಗಾರದ ಮನುಷ್ಯನ ೧೫೦ನೇ ಜನ್ಮದಿನ

2010-09-15T10:18:00.003+05:30

ಬಂಗಾರದ ಮನುಷ್ಯ ಚಿತ್ರದಲ್ಲಿನ ಹಾಡಿನಲ್ಲಿ ಸರ್‍ ಎಂ. ವಿಶ್ವೇಶ್ವರಯ್ಯನವರನ್ನು ನೆನಪಿಸಿಕೊಂಡು ಬರೆದಿರುವ ಸಾಲು ಎಂದಿಗೂ ಸ್ಫೂರ್ತಿದಾಯಕವಾದುದು ಎನ್ನಬಹುದು.

"ವಿಶ್ವೇಶ್ವರಯ್ಯ ಶ್ರಮಪಡದಿದ್ದರೆ ,
ಕನ್ನಂಬಾಡಿಯ ಕಟ್ಟದಿದ್ದರೆ..
ಆಗುತ್ತಿತ್ತೆ ಈ ನಾಡು ?
ಬಂಗಾರ ಬೆಳೆವ ಹೊನ್ನಾಡು...

ಶತಾಯುಷಿ ಭಾರತ ರತ್ನ ಸರ್‍ ಎಂ.ವಿ. ಎಂದೇ ಖ್ಯಾತರಾದ ಅವರಿಂದ ಅನೇಕ ಸಾಮಾಜಿಕ ಕಾರ್ಯಗಳು ಆಗಿವೆ. ಅದರಲ್ಲಿಯೂ ಅಣೆಕಟ್ಟುಗಳು, ವಿದ್ಯುತ್‌ಚ್ಛಕ್ತಿ, ಬ್ಯಾಂಕ್‌, ಕೈಗಾರಿಕೆಗಳು, ಶಿಕ್ಷಣ ಸಂಸ್ಥೆಗಳು ಹೀಗೆ ಹತ್ತು ಹಲವು ಕೆಲಸಗಳು ಈ ಭಾರತದೇಶಕ್ಕೆ ಅವರ ಕೊಡುಗೆಯಾಗಿವೆ.

ಇಂದಿಗೆ ಅವರು ಜನಿಸಿ (ಸೆಪ್ಟೆಂಬರ್‍ ೧೫, ೧೮೬೦) ೧೫೦ ವರ್ಷವಾಗುತ್ತಿದೆ. ಅಂತಹ ಮಹಾನ್‌ಚೇತನವನ್ನು ನೆನವ ದಿನವನ್ನಾಗಿ `ಇಂಜಿನಿಯರ್‍ಸ್ ದಿನ' ಎಂಬುದಾಗಿ ಕರೆದು ವಿವಿಧ ಸಾಮಾಜಿಕ, ಸಾಂಸ್ಕೃತಿಕ, ಶೈಕ್ಷಣಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುತ್ತಿದೆ.

ಅವರ ಜೀವನಾದರ್ಶಗಳು ನಮ್ಮ ಯುವಪೀಳಿಗೆಗೆ ಸದಾ ಸ್ಫೂರ್ತಿಯುತವಾಗಿರಲಿ. ಹೊಸಹೊಸ ಆವಿಷ್ಕಾರಗಳಿಗೆ ಬುನಾದಿಯಾಗಿ ಭಾರತಮಾತೆಯು ಮತ್ತಷ್ಟು ಪ್ರಜ್ವಲಿಸಲಿ ಎಂದು ಆಶಿಸೋಣ.

ಜನನ: ಸೆಪ್ಟೆಂಬರ್‍ ೧೮೬೦
ಮರಣ: ಏಪ್ರಿಲ್‌ ೧೨, ೧೯೬೨ (೧೦೨ ವರ್ಷಗಳು)

ಚಿತ್ರ ಕೃಪೆ: ಗೂಗಲ್ ಹುಡುಕಾಟದಲ್ಲಿ ಮಂಡ್ಯ.ನಿಕ್.ಇನ್

ಹಬ್ಬದ ಶುಭಾಶಯಗಳು

2010-09-09T16:55:00.004+05:30

ಎಲ್ಲರಿಗೂ ಗೌರಿ ಗಣೇಶ ಹಬ್ಬದ ಹಾರ್ದಿಕ ಶುಭಾಶಯಗಳು

ಶಿಕ್ಷಕರ ದಿನಕ್ಕಾಗಿ ಹೀಗೊಂದು ನೆನಪು...

2010-09-04T14:36:00.001+05:30

ಗುರುವಿಲ್ಲದೆ ಗುರಿಯ ಸೇರುವುದು ಅಸಾಧ್ಯ!

ಗುರುವೆಂದರೆ ಒಂದು ಆದರ್ಶ, ಸಂಸ್ಕೃತಿ, ವಿದ್ಯೆ, ವಿನಯ ಇತ್ಯಾದಿ ಎಲ್ಲವನ್ನೂ ಬಿಂಬಿಸುವಂತಹವನು...

ದ್ರೋಣಾಚಾರ್ಯರ ಪ್ರತಿಮೆಯನ್ನೇ ತನ್ನ ಗುರುವಾಗಿ ಪಡೆದು ಧನುರ್ವಿದ್ಯಾಧರನಾದವನು ಏಕಲವ್ಯ.

ಪ್ರಾಥಮಿಕ ಶಾಲೆಯಿಂದ, ಕಾಲೇಜು, ಉದ್ಯೋಗ ಹೀಗೆ ಎಲ್ಲೆಡೆಯೂ ಶಾಲೆಯಲ್ಲಿದ್ದ, ಅಕ್ಷರ ಕಲಿಸಿದ, ಶಿಕ್ಷಿಸಿದ, ಬುದ್ಧಿ ಹೇಳಿದ, ಸಂತೈಸಿದ ಗುರುಗಳು (ಶಿಕ್ಷಕಿಯರೇ ಹೆಚ್ಚು) ಆಗಾಗ ನೆನಪಿಗೆ ಬರುತ್ತಿರುತ್ತಾರೆ.

ಹೀಗೆಯೇ ೪-೫ ತಿಂಗಳ ಹಿಂದೆ ಈ ಅಂತರ್ಜಾಲದ ಒಂದು ತಾಣದಲ್ಲಿ, ನನ್ನ ಪ್ರಾಥಮಿಕ ಶಾಲಾ ಶಿಕ್ಷಿಯೊಬ್ಬರ ಛಾಯಾಚಿತ್ರವೊಂದು ಸಿಕ್ಕಿತು. ಆಗ ನಿಜಕ್ಕೂ ಖುಷಿಯಾಯಿತು. ಏಕೆಂದರೆ, ಈ ಹಿಂದೆ ಅವರ ಮತ್ತು ಅವರ ಸಹಶಿಕ್ಷಕಿಯರೆಲ್ಲ ನಮಗೆ ಬೋಧಿಸಿದವರೇ ಆಗಿದ್ದಾರೆ...

ನನಗೂ ಶಾಲೆ ಬಿಟ್ಟ ಮೇಲೆ, ಕಾಲೇಜು, ಕೆಲಸ ಹೀಗೆ ಬೇರೆಬೇರೆ ಬ್ಯುಸಿ (??) ಕಾರಣಗಳಿಂದಾಗಿ ಮತ್ತೆ ಶಾಲಾ ವಲಯಕ್ಕೆಹೋಗಲು ಆಗಿರಲಿಲ್ಲ. ಹೋದರೂ ಅದು ಭಾನುವಾರವಾಗಿದ್ದರೆ ಏನುಪಯೋಗ? ಕೆಲವು ಬಾರಿ ಮಾತ್ರ ದಾರಿಯಲ್ಲಿ ಸಿಕ್ಕಟೀಚರ್ ಜೊತೆ ಒಂದೆರಡು ಮಾತು ಅಥವಾ ನಮಸ್ಕಾರ ಹೇಳಿದ್ದಿರಬಹುದು ಅಷ್ಟೆ...

ಒಂದೆರಡು ಬಾರಿ ಕೆಲವೇ ಶಿಕ್ಷಕಿಯರ ಮನೆಗಳಿಗೆ ಸ್ನೇಹಿತರೊಡಗೂಡಿ ಭೇಟಿಯಿತ್ತದ್ದಿದೆ. ಅದೂ ಬಹಳ ವರ್ಷಗಳ ಹಿಂದೆ.

ನಮಗಿದ್ದ ಹೆಡ್ ಮೇಡಂ (ಈಗಿಲ್ಲ)ರವರನ್ನು ಕಂಡರೆ ದಿಗಿಲು ಇತ್ತು ಎಲ್ಲರಿಗೂ. ಆದರೆ ಅವರ ಪ್ರೀತಿತುಂಬಿದ ನುಡಿಗಳು ನಮಗೆಮಾತೇ ಹೊರಡದಂತೆ ಮಾಡುತ್ತಿದ್ದವು. ಅಲ್ಲದೇ ಅವರ ಮನೆಯಲ್ಲಿಯೇ ಒಂದು ಮತ್ತು ಎರಡನೇ ತರಗತಿ ನಡೆಯುತ್ತಿದ್ದವು. ೩-೭ರವರೆಗೆ ಬೇರೊಂದು ಸ್ಥಳದಲ್ಲಿ ವಿಶಾಲ ಕಟ್ಟಡವನ್ನು ಕಟ್ಟಿಸಿ ಅಲ್ಲಿಗೆ ವಿದ್ಯಾರ್ಥಿಗಳು ಬರುವಂತೆ ಮಾಡಿದ್ದರು. ಶಾಲಾವಾರ್ಷಿಕೋತ್ಸವ ಒಂದು ಭರ್ಜರಿಯಾಗಿ ನಡೆದಿತ್ತು. ಶಾಲಾ ಫೀಜು ಕಟ್ಟಲು ಆಗದೇ ಇದ್ದಾಗ ನಮ್ಮ ಪರೀಕ್ಷಾ ಫಲಿತಾಂಶತಿಳಿಸುವುದಿಲ್ಲ ಎಂದು ವಾಪಸ್ಸು ಮನೆಗೆ ಕಳಿಸುತ್ತಿದ್ದರು. ಮುಂದಿನ ತರಗತಿಗೆ ಸೇರುತ್ತಿದ್ದೆವು (ಫೀ ಮುಂದಿನ ತರಗತಿಯ ಜೊತೆಗೆಸೇರಕೊಳ್ಳುತ್ತಿತ್ತು, ಕೆಲವೊಮ್ಮೆ).

ಇನ್ನು ಅವರ ಪತಿಯರವರು ಶಾಲಾ ಸೆಕ್ರೆಟರಿಯಾಗಿದ್ದರು. ಅವರಿಗೂ ಅಷ್ಟೆ ಮಕ್ಕಳೆಂದರೆ ಅತೀವ ಪ್ರೀತಿ, ವಾತ್ಸಲ್ಯ. ಸ್ವಾತಂತ್ರ್ಯದ ದಿನದ ಹೋರಾಟದ ಕಥೆಗಳನ್ನು ನಮಗೆಲ್ಲ ಹೇಳುತ್ತಿದ್ದರು. ದಿನವೂ ಬೈಸಿಕಲ್ಲಿನಲ್ಲಿ ಅವರು ಬರುವಾಗ ಶಾಲಾಮಕ್ಕಳು ಸಿಕ್ಕರೆ ಅವರ ಚೀಲ ಅಥವಾ ಮಕ್ಕಳನ್ನೆ ಸೈಕಲ್ಲಿನಲ್ಲಿ ಕೂರಿಸಿ ಕರೆತರುತ್ತಿದ್ದದ್ದೂ ಉಂಟು. ಇವೆಲ್ಲ ನೆನಪುಗಳು ಸದಾಕಾಡುತ್ತವೆ.

ಒಮ್ಮೆ ಮೊದಲ ಬಾರಿಗೆ ತಿರುಪತಿಗೆ ಹೋಗಿ ಬಂದಾಗ ನನ್ನ ತಲೆ ಗುಂಡಗಾಗಿತ್ತು. ಟೋಪಿ ಧರಿಸಿದ್ದೆ. ಕ್ಲಾಸಿನಲ್ಲಿ ಟೋಪಿಹಾಕ್ಕೋತೀಯಾ ಅಂತ ಆನ್ವಟಿ ಎಂಬ ಹಿಂದಿ ಟೀಚರ್‌ ಗದರಿದ್ದರು. ವಿಧಿಯಿಲ್ಲದೇ ಟೋಪಿ ತೆಗೆದಿದ್ದೆ...

ಇನ್ನೊಮ್ಮೆ ಶಾಲೆಯಲ್ಲಿ ಆಟಕ್ಕೆಂದು ಬಿಟ್ಟಾಗ - ನಮ್ಮ ಸಹಪಾಠಿಯರೊಂದಿಗೆ ಆಡುತ್ತಾ... ಆಟದಲ್ಲಿ ಸೋತವರು ಒಂದು ಕಾಲಿನಲ್ಲಿಕುಂಟುತ್ತಾ ಅವರು ಹೇಳಿದಷ್ಟು ದೂರ ಹೋಗಬೇಕು ಅಥವಾ ಒಂದಿಪತ್ತು ಅಡಿ ಬೆನ್ನಮೇಲೆ ಕೂರಿಸಿಕೊಂಡ ಹೋಗಬೇಕಿತ್ತು.. ಇದುಒಬ್ಬ ಟೀಚರ್‍ ಗಮನಕ್ಕೆ ಬಂದು ಎಲ್ಲರಿಗೂ ಗದರಿದ್ದಲ್ಲದೇ... ಕಟ್ಟಿಗೆಯೇಟಿನ ಶಿಕ್ಷೆ ಕೊಟ್ಟಿದ್ದರು...

ಇನ್ನೊಬ್ಬರು ದೇವಿಕಾ ಟೀಚರ್‌.. ಇವರು ನಮಗೆ ೬-೭ ನೇ ತರಗತಿಯಲ್ಲಿ ಪಾಠ ಹೇಳಿಕೊಡುತ್ತಿದ್ದರು. ಇವರ ವಿಷಯ ಇಂಗ್ಲಿಷ್ಮತ್ತು ವಿಜ್ಞಾನ... ಒಮ್ಮೆ ಇಂಗ್ಲಿಷ್ನ ಒಂದು ಪದದ ಅರ್ಥ ಕೇಳಿದರು ಎಲ್ಲ ಮಕ್ಕಳಿಗೂ... ಆದರೆ ಕೆಲವು ಪರ್ಯಾಯ ಪದಗಳುತಿಳಿಯುತ್ತಿಲ್ಲ. ಕ್ರೌನ್‌ ಪದದ ಅರ್ಥ - ಕಿರೀಟ ಎಂಬುದು ಸಾಮಾನ್ಯವಾಗಿ ತಿಳಿದಿದ್ದೆವು. ಹುಂಜದ ತಲೆಯ ಮೇಲಿನದಕ್ಕೆ ಉತ್ತರಕೇಳಿದ್ದರು... ನಾನು ತುರಾಯಿ ಎಂದು ಹೇಳಿದ್ದೆ. ಅಂದಿನಿಂದ ವಿಶೇಷ ಅಕ್ಕರೆ ನನಗೆ ತೋರುತ್ತಿದ್ದರು. ಕೆಲವೊಮ್ಮೆ ವಿಜ್ಞಾನದನೋಟ್ಸ್ ಬರೆದುಕೊಟ್ಟಿದ್ದರು.

ಇನ್ನೊಬ್ಬರು ಎಮಿಲಿ ಲೋಬೋ. ಇವರೆಂದರೆ ಕಾಲೇಜು ಬಿಟ್ಟು ಕೆಲಸಕ್ಕೆ ಸೇರಿದ್ದರೂ ಒಂಥರಾ ಭಯ (?) ಇತ್ತು ಎನ್ನಬಹುದು. ಅವರೊಮ್ಮೆ ಕಾಣಿಸಿಕೊಂಡರೆ ಇಡೀ ತರಗತಿ ಗಪ್ಚುಪ್‌. ನಮಗೆ ಗಣಿತದ ಟೀಚರ್‌ ಆಗಿದ್ದರು. ಮಕ್ಕಳಲ್ಲಿ ಭಾಷಾ ಉಚ್ಛಾರಣೆಯಲ್ಲಿತಪ್ಪು ಕಂಡರೆ ಹೊಡೆತ ಬೀಳುತ್ತಿತ್ತು. ಸರಿಯಾಗಿ ಕಲಿವವರೆಗೂ ಬಿಡುತ್ತಿರಲಿಲ್ಲ. ಇದೀಗ ಮುಖ್ಯೋಪಾಧ್ಯಾಯಿನಿಯಾಗಿದ್ದಾರೆ.. ಕಳೆದೆರಡು ತಿಂಗಳ ಹಿಂದೆ ಅವರನ್ನು ಭೇಟಿ ಮಾಡಿದ್ದೆ. ಜೊತೆಗೆ ಪ್ರೌಢಶಾಲಾ ಟೀಚರುಗಳೂ ಸಿಕ್ಕಿದ್ದರು. ಖುಷಿಯಾಗಿತ್ತು.

ಮನೋರಮಾ - ಇವರಿಗೆ ಮಕ್ಕಳ ಕಂಡರೆ ತುಂಬಾ ಸಂತಸ. ನಾವೆಲ್ಲ ಸ್ನೇಹಿತರು ಸುಮಾರು ವರ್ಷಗಳ ನಂತರ ಮನೆಗೆಹೋದಾಗ `ನನ್ನ ಮಕ್ಕಳು ಬಂದಿದ್ದಾರೆ' ಎಂದು ಕೊಬ್ಬರಿ ಮಿಠಾಯಿ ಮಾಡಿಕೊಟ್ಟಿದ್ದರು. ಏಯ್! ಎಂದರೆ ಸಾಕು ತರಗತಿಯೆಲ್ಲನಿಶ್ಶಬ್ದವಾಗುತ್ತಿತ್ತು. ಕಿಟಕಿ ಸರಳಿನಿಂದ ಅದೆಷ್ಟೋ ಹೊಡೆತ ತಿಂದದ್ದಿದೆ (ಎಲ್ಲರೂ ಎನ್ನಬಹುದು). ಇವನ್ನೆಲ್ಲ ಅವರೊಡನೆ ಇತ್ತೀಚೆಗೆನೆನಪಿಸಿಕೊಂಡೆ...

ಪ್ರಮೀಳಾ ಎಂಬುವವರು ಬರವಣಿಗೆ (ಕಾಪಿರೈಟಿಂಗ್) ಎಷ್ಟು ಕೊಡುತ್ತಿದ್ದರೆಂದರೆ... ಅಬ್ಬಬ್ಬಾ... ಬರೆಯಲು ಆಗದಷ್ಟು... ೧ ರಿಂದಸಾವಿರ, ೫ ಸಾವಿರ ಹೀಗೆ... ಬರೆಯದಿದ್ದಾಗ ಬೆಂಚಿನ ಮೇಲೆ ನಿಲ್ಲುವ ಶಿಕ್ಷೆ.. ಅದೆಷ್ಟು ಮಂದಿ ನಿಲ್ಲುತ್ತಿದ್ದೆವೋ! ಪದ್ಮಾವತಿಎಂಬುವರು ಹಿಂದಿ, ಸಮಾಜ (ನಾವು ಹೈಸ್ಕೂಲಿನಲ್ಲಿದ್ದಾಗ ನಮ್ಮನ್ನಗಲಿದರು) ಪಾಠಮಾಡುತ್ತಿದ್ದರು. ತುಂಬಾ ಚೆನ್ನಾಗಿ ಇತಿಹಾಸತಿಳಿಸುತ್ತಿದ್ದರು. ಆಗೆಲ್ಲ ಇಸವಿಗಳ ನೆನಪು ಇಟ್ಟುಕೊಳ್ಳಬೇಕಿತ್ತು... (ಈಗ ಎಲ್ಲ ಮರೆತಿದೆ).

ಇನ್ನು ಲಲಿತಾ, ಗಿರಿಜಾ, ಪ್ರೇಮ ಹೀಗೆ ಇಬ್ಬಿಬ್ಬರು ಟೀಚರ್ ಇದ್ದರು. ಸಿದ್ಧಮ್ಮ, ಸರಳ, ಸುಧಾ, ಲಕ್ಮ್ಮೀ ಹೀಗೆ ಬಹಳ ಟೀಚರ್ಇದ್ದರು. ಅವರೆಲ್ಲರ ಪ್ರೀತಿ ಆಗ ಅರಿಯಲಾಗುತ್ತಿರಲಿಲ್ಲ ಅಷ್ಟೇ...‍

ಪಿ.ಟಿ. ಮಾಸ್ತರು ಇದ್ದರು. ಅವರಿಗೆ ಕೇಸವ ಎಂದರೇ ಒಂಥರಾ ಖುಷಿ.... ಶಕಾರ ಬರುತ್ತಿರಲಿಲ್ಲ.... ನಾವೆಲ್ಲ ಒಮ್ಮೆ ಕೇಸವ ಎಂದುಹೆಸರ ಹೇಳಿ ನಕ್ಕಿದ್ದಾಗ ಒದೆ ಬಿದ್ದಿತ್ತು. ಮೊನ್ನೆ ಶಾಲೆಗೆ ಹೋದಾಗ ಸಿಕ್ಕಿದ್ದರು. ಈಗ ೫೦+ ಅವರಿಗೆ ನನ್ನನ್ನ ಗುರುತು ಹಿಡಿದರು. ನಮ್ಮೊಡನಿದ್ದ ಗೆಳೆಯರನ್ನೆಲ್ಲ ಕೇಳಿದರು... ಖುಷಿಯಾಯಿತು..

ಇನ್ನು ನಮ್ಮ ಹೆಡ್ ಮೀದ ಉಷಾರಾವ್ ಒಬ್ಬರು ಇಂಗ್ಲಿಷ್‌ ಪಾಠ ಮಾಡುತ್ತಿದ್ದರು. ಫುಲ್ ಇಂಗ್ಲಿಷ್‌. ನಮಗೆ ಉಹೂಂ! ಅರ್ಥಆಗುತ್ತಿರಲಿಲ್ಲ. ಆದರೆ, ನಂತರ ಅರ್ಥವಾಗಿಸುತ್ತಿದ್ದರು. ಪದಗಳ ಅರ್ಥ, ಸ್ಪೆಲ್ಲಿಂಗ್ ಎಲ್ಲ ತಿದ್ದಿ ತೀಡಿ ಕಲಿಸಿದವರು.

ಒಮ್ಮೆ ನಾವೆಲ್ಲ ಮಕ್ಕಳೂ (೫-೬ ಮಕ್ಕಳು ಅಂದರೆ ತಂಗಿಯರು, ಚಿಕ್ಕಮ್ಮನ ಮಕ್ಕಳು ಹೀಗೆ) ಶಾಲೆಯಲ್ಲಿ ಮಧ್ಯಾಹ್ನ ಸುಮ್ಮನೇಅಲ್ಲಿಗೆ ಹೋಗಬೇಕು ಹೀಗೆ ಏನೋ ನೆಪಹೇಳಿ ಮನೆಮಂದಿಯ ಜೊತೆ ಚಲನಚಿತ್ರಕ್ಕೆ ಹೋಗಿದ್ದೆವು. ಅದು ಹೇಗೋ ಅವರಿಗೆತಿಳಿದುಬಿಡುತ್ತಿತ್ತು. ಒಮ್ಮೆ ಹೀಗೆ ಹೋಗಿರುವಾಗ ಅದೇ ಚಲನ ಚಿತ್ರ ನೋಡಲು ಕೆಲವು ಟೀಚರ್ ಬಂದಿದ್ದರು. ಅದೂಸಾಲದೆಂಬಂತೆ ನಮ್ಮ ಪಕ್ಕದಲ್ಲಿಯೇ (ಆಗೆಲ್ಲ ಟೆಂಟು ಸಿನಿಮಾ ನೆಲವೇ ಜಾಸ್ತಿ ಹೋಗುತ್ತಿದ್ದದ್ದು) ಕುಳಿತಿರಬೇಕೆ? ಸಿನಿಮಾ ಹೆಸರೂನೆನಪಿಲ್ಲ (ಬಹುಶ: ಕರುಳಿನ ಕರೆ ಅಥವಾ ದ್ವಾರಕೀಶ್ ಚಿತ್ರ ಗುರು ಶಿಷ್ಯರು ಇರಬೇಕು). ಮಾರನೇ ದಿನ ಇದೇ ಶಾಲೆಯಲ್ಲಿವಿಷಯವಾಗಿತ್ತು... ಹಹಹ್ಹ...

‍
ಹೈಸ್ಕೂಲಿನ ಟೀಚರ್‍ಸ್ ಜೊತೆಯ ಒಡನಾಟ ತುಂಬಾ ಕಡಿಮೆ (ಕೇವಲ ಮೂರು ವರ್ಷಗಳು). ಆದರೂ ಕೆಲವೇ ಕೆಲವರು ಮತ್ತೆ ಮತ್ತೆ ನೆನಪಾಗುತ್ತಾರೆ. ಕೆಲವರು ಆಗೀಗ ಸಿಕ್ಕದ್ದಾರೆ.. ಸಿಕ್ಕುತ್ತಿರುತ್ತಾರೆ...

ಎಲ್ಲಕಿಂತ ಮುಖ್ಯವಾಗಿ ನಮಗೆಲ್ಲಾ ಒಂದು ವಿದ್ಯೆಯನ್ನು ಧಾರೆಯೆರೆಯಲು ಶ್ರಮ ಪಟ್ಟ ಆ ಹಿರಿಯ ವೃಂದಗಳಿಂದ ಭಾಷಾಶುದ್ಧಿ, ಉತ್ತಮ ಗುಣಗಳನ್ನು ಕಲಿತಿದ್ದೇವೆ. ಅವರೆಲ್ಲರ ನೆನಪುಗಳು ಆಗಾಗ ಬರುತ್ತಿರುತ್ತದೆ. ಕೆಲವರು ನಮ್ಮೊಂದಿಗಿಲ್ಲ. ಕೆಲವರು ಇನ್ನೂವೃತ್ತಿಯಲ್ಲಿದ್ದಾರೆ, ಮತ್ತೆ ಕೆಲವರು ನಿವೃತ್ತರಾಗಿದ್ದಾರೆ.

ಇದೆಲ್ಲ ನೆನಪಿಸಿಕೊಂಡಾಗ ನಾವಿಷ್ಟರ ಮಟ್ಟಿಗೆ ಬೆಳೆಯಲು ಇಂತಹ ಗುರುಗಳಲ್ಲದೇ ಇನ್ಯಾರಿಂದ ದಾರಿತೋರಲು ಸಾಧ್ಯ? ಮನೆಯೇ ಮೊದಲ ಶಾಲೆಯಾದರೂ.. ನಂತರದ ಶಾಲೆ ಗುರುವಿನೊಡನೆ ಕಳೆದ, ಬರೆದ, ಕೂಡಿದ ಕ್ಷಣಗಳು ಅದ್ಭುತ. ಅವನ್ನೆಲ್ಲ ಮರೆಯಲುಂಟೇ? ಗುರುವಿಲ್ಲದ ಮನೆಯಿಲ್ಲ, ಗುರಿಯಿಲ್ಲದ ಬದುಕಿಲ್ಲ... ಇದ್ದರೂ ಒಂದು ಗುರು-ಗುರಿ ಇರಲೇಬೇಕು... ಇರುತ್ತದೆ. ಅದರ ವ್ಯಾಪ್ತಿ ಊಹೆಗೆ ಮೀರುವಂತಹುದು.

ಇಂತಹ ಗುರುಗಳನ್ನು ಎಲ್ಲರೂ ಒಂದಲ್ಲಾ ಒಂದು ವಿಧದಲ್ಲಿ ಪಡೆದಿರುತ್ತಾರೆ. ಹಾಗೆಯೇ ಉತ್ತಮ ಶಿಷ್ಯರನ್ನೂ ಗುರುಗಳು ಪಡೆದರೆ... ಅದರ ಪರಿಧಿಯೇ ಬೇರೆ ಇರುತ್ತದೆ. ಹಾಗಾಗುವುದು ಅಪರೂಪ...

ಗುರುವಿನ ಗುಲಾಮನಾಗುವ ತನಕ ದೊರೆಯದಣ್ಣ ಮುಕುತಿ ಎಂದರು ದಾಸರು... ಆದರೆ ಇಂದಿನ ದಿನಗಳಲ್ಲಿ ಗುರುವೇ ನೀ ಗುಲಾಮನಾಗಿರುವ ತನಕ ಸಂಬಳವಿಲ್ಲ, ಉಂಬಳವಿಲ್ಲ.. ಎನ್ನುವವರೂ ಇದ್ದಾರೆ.. ಏನೆನ್ನಬೇಕು ಇದಕ್ಕೆ???

ಭಾರತದ ರಾಷ್ಟ್ರಪತಿಯಾಗಿದ್ದ, ಶಿಕ್ಷಣತಜ್ಞ ಡಾ|| ಸರ್ವಪಲ್ಲಿ ರಾಧಾಕೃಷ್ಣನ್‌ರವರ ಜನ್ಮ ದಿನ (ಸೆಪ್ಟೆಂಬರ್‍ ೫, ೧೮೮೮ - ೧೯೭೫). ಈ ದಿನವಾದರೂ ಗುರುಗಳನ್ನು ನೆನಯದಿದ್ದರೆ... ಹೇಗೆ? ಹಾಗೆಂದುಕೊಳ್ಳುತ್ತಲೇ ನನ್ನ ನೆನಪಿನಲ್ಲುಳಿದವನ್ನು ಇಲ್ಲಿ ನಿಮ್ಮೊಡನೆ ಹಂಚಿಕೊಂಡೆ. (ಇನ್ನೂ ಇವೆ... ಸಾಧ್ಯವಾದರೆ ಆಗಾಗ ಬರೆಯುತ್ತೇನೆ ಅಂದುಕೊಂಡಿರುವೆ...)

ಸನ್ಮಾರ್ಗ, ವಿದ್ಯೆ, ಭಾಷೆ, ಸಂಸ್ಕೃತಿ ಇವುಗಳನ್ನೆಲ್ಲ ಕಲಿಸಿದ ಹಾಗೂ ನಮ್ಮೆಲ್ಲರ ಮನದಲ್ಲಿ ಮನೆಮಾಡಿರುವ ಎಲ್ಲ ಗುರುಗಳಿಗೂ ಮನ:ಪೂರ್ವಕ ನಮಸ್ಕಾರಗಳು.

ಇಲ್ಲಿ ನಮ್ಮ ಯಾವುದೇ ಶಿಕ್ಷಕಿ/ಕ ಇವರುಗಳಿಗೆ ನೋವಾಗದಿರುವಂತೆ ನೆನಪಿಸಿಕೊಂಡಿದ್ದೇನೆ ಎಂದುಕೊಂಡಿದ್ದೇನೆ. ತಪ್ಪಾಗಿದ್ದರೆ... ಕ್ಷಮೆಯಿರಲಿ, ಮಿಸ್!

-ಚಂದ್ರಶೇಖರ ಬಿ.ಎಚ್.

ಶ್ರೀಕೃಷ್ಣ ಜನ್ಮಾಷ್ಠಮಿಯ ಶುಭಾಶಯಗಳು

2010-08-31T17:26:00.003+05:30

|| ಶ್ರೀ ಕೃಷ್ಣಾಷ್ಟಕಂ||

ವಸುದೇವ ಸುತಂ ದೇವಂ ಕಂಸ ಚಾಣೂರಮರ್ದನಂ|
ದೇವಕೀ ಪರಮಾನಂದಂ ಕೃಷ್ಣಂ ವಂದೇ ಜಗದ್ಗುರುಂ ||೧||

ಅತಸೀಪುಷ್ಪ ಸಂಕಾಶಂ ಹಾರನೂಪುರ ಶೋಭಿತಂ |
ರತ್ನಕಂಕಣ ಕೇಯೂರಂ ಕೃಷ್ಣಂ ವಂದೇ ಜಗದ್ಗುರುಂ ||೨||

ಕುಟಿಲಾಲಕ ಸಂಯುಕ್ತಂ ಪೂರ್ಣ ಚಂದ್ರನಿಭಾನನಂ |
ವಿಲಸತ್ಕುಂಡಲ ಧರಂ ಕೃಷ್ಣಂ ವಂದೇ ಜಗದ್ಗುರುಂ ||೩||

ಮಂದಾರ ಗಂಧಸಂಯುಕ್ತಂ ಚಾರುಹಾಸಂ ಚತುರ್ಭುಜಂ |
ಬರ್ಹಿ ಪಿಂಛಾವ ಚೂಡಾಂಗಂ ಕೃಷ್ಣಂ ವಂದೇ ಜಗದ್ಗುರುಂ ||೪||

ಉತ್ಫುಲ್ಲ ಪದ್ಮ ಪತ್ರಾಕ್ಷಂ ನೀಲಜೀಮೂತ ಸನ್ನಿಭಂ |
ಯಾದವಾನಾಂ ಶಿರೋರತ್ನಂ ಕೃಷ್ಣಂ ವಂದೇ ಜಗದ್ಗುರುಂ ||೫||

ರುಕ್ಮಿಣೀ ಕೇಳಿಸಂಯುಕ್ತಂ ಪೀತಾಂಬರ ಸುಶೋಭಿತಂ |
ಅವಾಪ್ತ ತುಲಸೀಗಂಧಂ ಕೃಷ್ಣಂ ವಂದೇ ಜಗದ್ಗುರುಂ ||೬||

ಗೋಪಿಕಾನಾಂ ಕುಚದ್ವಂದ್ವ ಕುಂಕುಮಾಂಕಿತ ವಕ್ಷಸಂ |
ಶ್ರೀನಿಕೇತಂ ಮಹೇಷ್ವಾಸಂ ಕೃಷ್ಣಂ ವಂದೇ ಜಗದ್ಗುರುಂ ||೭||

ಶ್ರೀವತ್ಸಾಂಕಂ ಮಹೋರಸ್ಕಂ ವನಮಾಲಾ ವಿರಾಜಿತಂ |
ಶಂಖ ಚಕ್ರಧರಂ ದೇವಂ ಕೃಷ್ಣಂ ವಂದೇ ಜಗದ್ಗುರುಂ ||೮||

ಕೃಷ್ಣಾಷ್ಟಕಮಿದಂ ಪುಣ್ಯಂ ಪ್ರಾತರುತ್ಥಾಯ ಯ: ಪಠೇತ್ |
ಕೋಟಿ ಜನ್ಮ ಕೃತಂ ಪಾಪಂ ಸ್ಮರಣೇನ ವಿನಶ್ಯತಿ ||೯||

|| ಇತಿ ಶ್ರೀ ಕೃಷ್ಣಾಷ್ಟಕಂ ಸಂಪೂರ್ಣಂ ||

ಎಲ್ಲರಿಗೂ ಶ್ರೀಕೃಷ್ಣ ಜನ್ಮಾಷ್ಠಮಿಯ ಶುಭಾಶಯಗಳು

ನಯನದಲಿ ಇದೇನಿದು...?

2010-08-25T15:04:00.002+05:30

**********************************************

ಬೆಳಗಿನ ಮಂಜಿನ ಹನಿಗಳು
ಎಸ್‌ಎಮ್‌ಎಸ್ ಸಂದೇಶಗಳು
ನೀನು ಬರುತಿರುವೆಯಾ!
ಜಲನಯನ - ನೋಡಲು
ಗುಬ್ಬಿ-ಎಂಜಲು ಸವಿಯಲು
ಎಂಬುದಕೆ ಆಗಬಹುದು, ಬರುತಿಹೆನು
ಎಂದು ಮರುತ್ತರವಾಗಿ ಸಂದೇಶ ರವಾನಿಸಿದ್ದೆ.

ಖಂಡಿತಾ ಬನ್ನಿ, ಅಲ್ಲಿಯೇ ಸಿಗೋಣ
ಬಹಳ ದಿನಗಳ ನಂತರ ನಮ್ಮ ಭೇಟಿ
ನಾನು ಊರಿನಿಂದ ಬರುತಿರುವೆ
ನೀವು ಬರದಿದ್ದರೆ, ಹೇಗೆ? ಹೀಗೆ
ಪ್ರಶ್ನೆಗಳ-ಉತ್ತರಗಳ ಒತ್ತಾಯದ ಸುರಿಮಳೆ
ಹಿಂದಿನ ದಿನದ ಜಡಿಮಳೆ ನೆನೆದು
ಇಂದೂ ನೆನೆಯಬೇಕೆ? ಎಂದನಿಸಿದರೂ...
ಮನಸು ಬದಲಾಗಿ, ಉಸ್ಸೆಂದು ಬಸ್ಸನೇರಿ
ಹೊರಟಿದ್ದೆ... ನಾಲ್ಕು ಬಸ್ಸು ಹತ್ತಿ
ಹತ್ತರ ಸಮಯಕ್ಕೆ `ನಯನ' ದಲಿದ್ದೆ.

[ವಿಶೇಷ ಸೂಚನೆ: ಯಾರಿಗೂ ನೋವುಂಟು ಮಾಡುವುದಿಲ್ಲ ಈ ನನ್ನ ಬರಹ ಎಂಬ ನಂಬಿಕೆಯಿಂದ, ನನ್ನ ಗಮನಕ್ಕೆ ಬಂದು ನೆನಪಿನಲ್ಲಿದ್ದ ಪ್ರಸಂಗಗಳನ್ನು ಬರೆದಿದ್ದೇನೆ.]

ನಯನ ಸಭಾಂಗಣಕ್ಕೆ ಬಂದಾಗ ಪ್ರಕಾಶಣ್ಣ, ಪರಾಂಜಪೆ ಸರ್‍, ಶಿವು, ಮಲ್ಲಿಕಾರ್ಜುನ ಹೀಗೆ ಗೊತ್ತಿದ್ದವರೊಡನೆ ಇರುವಾಗ ಇನ್ನೂ ಹಲವು ಬ್ಲಾಗಿಗರ ಪರಿಚಯವಾಯಿತು. ಶ್ಯಾಮಲಾರವರ ಕರೆಬಂದಿತು. ಜೊತೆಗೆ ಸುರೇಶ ಅತ್ರಾಡಿಯವರ ಪರಿಚಯ. ಒಂದಷ್ಟು ಮಾತುಕತೆ. ನಿಮಗೀಗಾಲೇ ಗೊತ್ತಿರುವಂತೆ ಪುಸ್ತಕ ಬಿಡುಗಡೆ ಸಮಾರಂಭವಾದ ಮೇಲೆ... ಒಂದಷ್ಟು ಹೊತ್ತು ವಿಚಾರ ವಿನಿಮಯ, ಪುಸ್ತಕಕೊಳ್ಳುವಿಕೆ, ಸಹಿ ತೆಗೆದುಕೊಳ್ಳುವಿಕೆ... ನಗು, ನಲಿವು ಎಲ್ಲ ನಡೆಯುತ್ತಿರುವಾಗ ಮತ್ತಷ್ಟು ಮಿತ್ರರನ್ನು ಪರಿಚಯಿಸಿಕೊಂಡಿದ್ದಾಯಿತು.

ಶ್ರೀಯುತ ವಿ.ಆರ್‍.ಭಟ್ಟರಲ್ಲವೇ ನೀವು ಎಂದಾಕ್ಷಣ, ನೀವುಗಳು ಫೋಟೋ ಹಾಕೋದಿಲ್ಲ ಅದರಿಂದ ಗುರುತು ಹಿಡಿಯಲು ಕಷ್ಟವಾಗುತ್ತೆ, ಫೋಟೋ ಹಾಕಿ ಎಂಬ ತಾಕೀತು(??!!), ಪ್ರೀತಿಯಿಂದ ಬಂದಿತು.

ಇದರ ನಡುವೆ ಶಿವು ಅವರಿಗೆ ತಿಂಡಿ=ಕಾಫಿ ಬಂದಿಲ್ಲವೆಂಬ ಯೋಚನೆ...

ಛಾಯಾಚಿತ್ರ ಪ್ರದರ್ಶನದಿಂದ ನನಗೂ ಹೊಸಬಗೆಯ ವಿಚಾರಗಳು (ಛಾಯಾಗ್ರಹಣ ಕುರಿತು) ತಿಳಿಯಲು ಅನುಕೂಲವಾಯಿತು.

ಪಾಲಚಂದ್ರರನ್ನು ಮಾತಾಡಿಸುತ್ತಾ ಅನುಭವ ಮಂಟಪದಲ್ಲಿ ಹಾಕಿರುವ ಸೈಕಲ್‌ ಸವಾರಿಯ ಚಿತ್ರದ ಬಗ್ಗೆ ತಿಳಿಸಿದಾಗ ಅವರು ಉತ್ತರಿಸಿದ್ದು... ಇಲ್ಲಿಗೆ ಈಗ ನಾವು ಬೈಸಿಕಲ್ಲಿನಲ್ಲಿಯೇ ಬಂದಿರುವುದು ಎಂದರು. ಖುಷಿಯಾಯಿತು. ಏಕೆಂದರೆ, ಅವರ ಸೈಕಲ್‌ ಪ್ರೀತಿಯ ಕಂಡು...

ಇನ್ನು ನಿಮ್ಮಳಗೊಬ್ಬ ಬಾಲು (ಶ್ರೀಯುತ ಬಾಲಸುಬ್ರಮಣ್ಯ) ಇವರು ಪರಿಚಯಿಸಿಕೊಳ್ಳುವಾಗ... ಹೊಸ ವಿಷಯ ತಿಳಿಯಿತು. ಛಾಯಾಗ್ರಹಣ ಹವ್ಯಾಸ ಅವರದ್ದು. ಇದರ ಜೊತೆಗೆ ಅವರು ಶ್ರೀರಂಗಪಟ್ಟಣದ ಬಗೆಗೆ ತಿಳಿಯದ ಅನೇಕ ವಿಚಾರಗಳನ್ನು ಕ್ರೋಢೀಕರಿಸಿ ಒಂದು ಬ್ಲಾಗ್‌ ತಯಾರಿಸುವ ವಿಚಾರ.

ಶ್ರೀಯುತ ವಿ.ಆರ್‍. ಭಟ್‌ ಅವರನ್ನು ಕಂಡಾಗ, ಅದೂ ವೇದಿಕೆಯಲ್ಲಿ ಅವರು ಕಾಣಿಸಿಕೊಂಡಾಗ ಕೆಲವರಿಗೆ ಹೇಗನ್ನಿಸಿರಬಹುದು? ಅವರನ್ನು ಕಂಡಾಗ ಯಾರೋ ಒಬ್ಬರು ಪದೇ ಪದೇ ನೆನಪಾದರು. ಯಾಕೆಂದರೆ, ಹೆಚ್ಚಿನ ಅಭಿಮಾನಿಗಳು ಆತನಿಗಿದ್ದಾರೆ.. ಯಾರಿರಬಹುದು? ನನಗೆ ಯಾರೋ ನೆನಪಾಗುತ್ತಿದ್ದಾರೆ ಅನಿಸಿದರೂ, ಹೊಳೆಯುತ್ತಿರಲಿಲ್ಲ. ಅಂಥವನೊಬ್ಬ ಕೋಟಿಗೊಬ್ಬ!!! ನನ್ನ ಪಕ್ಕದಲ್ಲಿಯೇ ಇದ್ದವರು .... ಮಾತುಗಳು ಡಾ.ವಿಷ್ಣುವರ್ಧನ್‌ ನೆನಪಿಸಿದರು. ವೇದಿಕೆಯಲ್ಲಿದ್ದ ಭಟ್ಟರ ಚಹರೆ, ಮಾತು, ವರ್ತನೆ, ಎಲ್ಲ `ಆ ರಾಮಾಚಾರಿ' ಯ ನೆನಪನ್ನು ತಂದಿತ್ತು... (ಇದರಿಂದ ಭಟ್ಟರಿಗೆ ಖುಷಿ ಎನ್ನುವ ಅನಿಸಿಕೆ ನನ್ನದು)

ಇದೆಲ್ಲಕಿಂತ ಆ ನಂತರದ ಉಡುಗೊರೆ ಸಮಾರಂಭದಲ್ಲಿ ನನ್ನನ್ನೂ ಕರೆದದ್ದು. ಇದಕ್ಕೆ ನಾನು ಅರ್ಹನೇ? ಎಂಬುದು ನನ್ನ ವಿಚಾರ. ಆದರೆ ಕುತೂಹಲ. ಈ ಪ್ರಕಾಶಣ್ಣ ಒಂದಿಲ್ಲಾ ಒಂದು ಫನ್‌ತೋಷಕ ಇಟ್ಟಿರುತ್ತಾರೆ ಅನಿಸಿತು.

ಹೊರ ಆವರಣದಲ್ಲಿ ಎಲ್ಲರ ಉಡುಗೊರೆಯ ಪಟ್ಟಣಗಳೂ ಬಿಚ್ಚಕೊಳ್ಳುವಾಗ, ಅವರುಗಳಿಗೆ ಸಿಕ್ಕ ಉಡುಗೊರೆಯ ತೋರಿಸುವಾಗ,, ನನಗೂ ಒಂಥರಾ ಕಸಿವಿಸಿ. ನನಗೇನು ಬಂದಿರಬಹುದು??? ಕೊನೆಗೂ ಉಡುಗೊರೆಯೊಂದ ಕೊಟ್ಟಿದ್ದರು. ಅದೂ ಹಸಿವಾಗಿರುವಾಗ `ಪಾರ್ಲೆ-ಜಿ' ಶಕ್ತಿ ಬಿಸ್ಕತ್ತು. ಉಪಯೋಗಿಸುವ ಯೋಚನೆ ಹೊಳೆಯಲೇ ಇಲ್ಲ. ಏಕೆಂದರೆ,... ಉಡುಗೊರೆಯ ನೋಡಿದೊಡನೆ ಹಸಿವು ಮಾಯವಾಗಿತ್ತು. ಖುಷಿಯಾಗಿತ್ತು...

ಹಾಡುಗಾರರಿಂದ ಮೂಡಿಬಂದ ಹಾಡುಗಳು ಸಖತ್ತಾಗಿದ್ದವು. ಮೊದಲಿಗೆ ಪ್ರಾರ್ಥನೆಗಾಗಿ ಹಾಡಿದ ಪುರಂದರದಾಸರ ಗೀತೆ ಅದ್ಭುತವಾಗಿತ್ತು. ಹಾಗೆಯೇ ಎಲ್ಲೋ ಹುಡುಕಿದೆ ಇಲ್ಲದ ದೇವರ; ನಿಂಗಿ.. ನಿಂಗಿ... ಹಾಗೂ ಹಿಂದಿಯ ಹಾಡುಗಳು ಸ್ವರ ತಪ್ಪಿದಂತೆನಿಸಿದರೂ, ಸಂತ ಸತಂದವು..

ಚೇತನಾ-ನಂಜುಂಡ, ಸುಘೋಷ್, ಶಿವಪ್ರಕಾಶ್, ಗುರುಪ್ರಸಾದ್, ಉಮೇಶ ದೇಸಾಯಿ, ಮಹೇಶ್, ಪ್ರವೀಣ್, ನವೀನ್, ದಿವ್ಯಾ, ಪ್ರಗತಿ-ದಿಲೀಪ್, ಸೀತಾರಾಮ್ ಕೆ. ಭಟ್ ದ್ವಯರು, ಡಾ.ಕೃಷ್ಣಮೂರ್ತಿ, ಉದಯ್ ಹೆಗ್ಡೆ, ಮಲ್ಲಿಕಾರ್ಜುನ, ಅವರ ಛಾಯಾಚಿತ್ರ ಗುರು ಎಮ್.ಎಸ್. ಹೆಬ್ಬಾರ್‍ ಇತ್ಯಾದಿ. ಕೆಲವರ ಹೆಸರು ನೆನಪಿಗೆ ಬರುತ್ತಿಲ್ಲ (ಹೆಸರು ತಪ್ಪಾಗಬಾರದಲ್ಲವೇ?) ಹೀಗೆ ಇವರೆಲ್ಲರ ಪರಿಚಯವಾಗಿದ್ದು ಮತ್ತೂ ಖುಷಿಕೊಟ್ಟ ವಿಚಾರ.

ನಾನೂ ಕ್ಯಾಮೆರಾ ತಂದಿದ್ದೆ. ಅದರ ಜೊತೆಗೆ ಬೇಕಿದ್ದ ಶಕ್ತಿ ಮಾಯವಾಗಿತ್ತು (ಸೆಲ್‌ಗಳು). ಹಾಗಾಗಿ ಫೋಟೋ ತೆಗೆಯಲು ಆಗಲಿಲ್ಲ. ಮತ್ತಷ್ಟು ಮಧುರ ನೆನಪುಗಳನ್ನು ಕಳೆದುಕೊಂಡೆನಾದರೂ, ಕೆಲವರು ತಮ್ಮ ಬ್ಲಾಗುಗಳಲ್ಲಿ ಚಿತ್ರ ಪ್ರಕಟಿಸುತ್ತಾರೆಂಬ ಸಂತಸ ನೂರ್ಮಡಿಯಾಗಿದೆ.

ಇದೊಂದು ಸುಂದರವಾದ ಭಾನುವಾರವಾಗಿತ್ತು ಎಂಬುದೇ ವಿಶೇಷಾನುಭವ ಕೊಟ್ಟಿದೆ. ಇಂತಹ ಮತ್ತೊಂದು ದಿನಕ್ಕಾಗಿ ಕಾಯೋಣ!, ಅದು ಯಾರಿಂದ ಶುರುವಾಗುವುದೋ ತಿಳಿಯದು. ಒಟ್ಟಿನಲ್ಲಿ ಮತ್ತೆ ಭೇಟಿಯಾಗುತ್ತೇವೆಯಲ್ಲವೆ?

ಚಂದ್ರಶೇಖರ ಬಿ.ಎಚ್.೨೫೮೨೦೧೦

ಅದಕ್ಕೆ ನಿಮ್ಗೆ ಡಿಸ್ಕೌಂಟ್ ಇಲ್ಲ!!!

2010-08-24T16:48:00.003+05:30

~~~~~****~~~~~
~~~~~ರಕ್ಷಾಬಂಧನದ ಶುಭಾಶಯಗಳು ~~~~~
~~~~~****~~~~~

ಅಚಾನಕ್ಕಾಗಿ ಬರುವಂತಹ ಮಾತುಗಳು ದಿಗ್ಭ್ರಮೆ ಅಥವಾ ಎಲ್ಲ ದಿಕ್ಕುಗಳನ್ನೂ ಒಮ್ಮೆನೋಡುವಂತೆ ಮಾಡುತ್ತದೆ ಎನ್ನಬಹುದು!

ಕಳೆದ ವಾರ ನನ್ನ ಸ್ನೇಹಿತನ ಜೊತೆ ಮಾತಾಡುತ್ತಿರುವಾಗ ಹೀಗೆಯೆ ಪುಸ್ತಕಗಳ ಕುರಿತು ಮಾತು ಬಂತು. ೧೮೫೭ ಭಾರತ ಮಹಾಸಂಗ್ರಾಮ ಓದಿದೆ. ನನ್ನ ಬಳಿ ಇಂತಹ ಲೇಖಕರ ಪುಸ್ತಕವಿದೆ. ಕವಲು ಓದಿದಿರಾ? ಎಸ್.ಎಲ್.ಭೈರಪ್ಪನವರ ಕೃತಿ ತುಂಬಾ ಜನ ಇಷ್ಟಪಡುತ್ತಾರೆ. ಹೀಗೆ ಮಾತು ಮುಂದುವರೆದಿತ್ತು.

ಕೆಲವೊಮ್ಮೆ ಪುಸ್ತಕ ಕೊಳ್ಳುವ ಅಂತ ಅಂಗಡಿಗೆ ಹೋಗಿದ್ದರೂ, ಪುಸ್ತಕದ ಬೆಲೆ, ಶೀರ್ಷಿಕೆ, ಜೊತೆಗೆ ಬರಹಗಾರರು ಯಾರು ಎಂದು ಹಿಂಬದಿಯ ಪುಟ ನೋಡದೇಕೊಳ್ಳುವುದಿಲ್ಲ. ಕೊಳ್ಳುವುದಕ್ಕೆ ಮುಂಚೆ ಆ ಪುಸ್ತಕದಲ್ಲಿನ ಒಂದೆರಡು ಅಧ್ಯಾಯದನಡುವಿನ ಹಾಳೆಗಳನ್ನು ಓತಪ್ರೋತವಾಗಿ ತಿರುವಿ, ಹಾಗೆ ಹೀಗೆ ಯೋಚಿಸಿಕೊಳ್ಳುವುದು ಅಥವಾ ಏಕ್ದಂ ಕೊಂಡೇ ಬಿಡುವುದು, ಹೀಗೆ ಸಾಗುತ್ತಿತ್ತು. ಜೊತೆಗೆಡಿಸ್ಕೌಂಟು ಉಂಟಾ? ಎಂಬ ಪ್ರಶ್ನೆಯನ್ನು ಪುಸ್ತಕದಂಗಡಿಯವರಿಗೆ ಆಗಾಗತೂರುವುದೂ ಉಂಟು. ಕೆಲವೊಮ್ಮೆ ಕೆಲವು ಪುಸ್ತಕಗಳಿಗೆ ಡಿಸ್ಕೌಂಟು ಸಿಗುತ್ತದೆ. ಕೆಲವಕ್ಕೆ ಇಲ್ಲ ಎನ್ನುತ್ತಾರೆ.

ಇಂತಹದೇ ಒಂದು ಸಂದರ್ಭವಂತೆ ಅದು. ಒಂದು ಪುಸ್ತಕಕ್ಕೆ ಸೋಡಿ ಕೊಟ್ಟರು. ಮತ್ತೊಂದಕ್ಕೆ ಕೇಳಿದ್ದಕ್ಕೆ ಉತ್ತರ ಅಚಾನಕ್ಕಾಗಿ ಬಂದಾಗ?? ಹೀಗಾಯಿತಂತೆ..

ಹೇಗೆ? ಮತ್ತು ಯಾವ ಪುಸ್ತಕಗಳು??

ಎಲ್ಲರಿಗೂ ಗೊತ್ತಿರುವಂತೆ ಗಾಂಧೀಜಿಯ ಹತ್ಯೆಯನ್ನು ನಾಥೋರಾಂ ಗೋಡ್ಸೆ ಮಾಡಿದ್ದು, ಇದರಲ್ಲಿ ಸೋದರ ವಿನಾಯಕ ಗೋಡ್ಸೆ ಈ ಸಂಚಿನಲ್ಲಿದ್ದಾರೆ ಎಂಬ ಆರೋಪ, ಇತ್ಯಾದಿ ವಿಚಾರಣೆಗಳು. ನಂತರ ಒಬ್ಬರಿಗೆ ಗಲ್ಲು, ಮತ್ತೊಬ್ಬರಿಗೆ ಜೀವಾವಧಿ ಶಿಕ್ಷೆ.. ಇಬ್ಬರಿಂದಲೂ ಗಾಂಧೀಜಿ ಹತ್ಯೆಯ ಕುರಿತಾಗಿ ಬರವಣಿಗೆ. ಅದರಲ್ಲಿ ನಾಥೋರಾಮ್ನದು `ನಾನೇಕೆ ಗಾಂಧಿಯನ್ನು ಕೊಂದೆ? ಆದರೆ, ವಿನಾಯಕಗೋಡ್ಸೆದು `ಗಾಂಧಿ ಹತ್ಯೆ ಮತ್ತು ನಾನು'.

ಶೇಕಡಾ ೧೦ ರಂತೆ ಎರಡನೆಯ ಪುಸ್ತಕಕ್ಕೆ ಸೋಡಿ ಸಿಕ್ಕಿತಂತೆ. ಸರಿ, ಮೊದಲನೆಯಪುಸ್ತಕ ಡಿಸ್ಕೌಂಟು ಕೇಳಿದ್ದಕ್ಕೆ...

ಗಾಂಧೀಜಿಯನ್ನು ಕೊಂದಿದ್ದಕ್ಕೆ `ನಿಮ್ಗೆ' ಡಿಸ್ಕೌಂಟು ಕೊಡೋದಿಲ್ಲ, ಎಂದು ಆ ನಿಮಿಷಕ್ಕೇ ಅಂಗಡಿಯಾಕೆಯಿಂದ ಉತ್ತರ ಬಂದಿತಂತೆ.

ತಕ್ಷಣಕ್ಕೆ ಈ ಉತ್ತರ ಕೇಳಿದರೆ.... ಇವರೇ (ಪುಸ್ತಕ ಕೊಳ್ಳುತ್ತಿರುವವರೇ) ಮಹಾತ್ಮಾಗಾಂಧೀಜಿಯವರನ್ನು ಕೊಂದರೇನೋ ಎಂಬ ಭಾವನೆ. ಆದರೆ, ಅದು ಆಕೆಯಿಂದ ಬಂದ ಅಚಾನಕ್ಕಾದ (ನಾವು ನಕ್ಕಿದ್ದೇ ನಕ್ಕಿದ್ದು) ಮಾತುಗಳಾದರೂ, ತಕ್ಷಣಕ್ಕೆತಲ್ಲಣವಾದರೂ, ನಗುಮೂಡಿಸಿತ್ತಂತೆ...

(ಇದು ನನ್ನ ಗೆಳೆಯರಿಗಾದ ಅನುಭವ. ಮತ್ತು ನಿಮ್ಮೊಡನೆ ಹಂಚಿಕೊಳ್ಳುವುದಕ್ಕೆ ಅವರ ಅಭ್ಯಂತರವಿಲ್ಲ ಎಂಬ ಕಾರಣದಿಂದ ಇಲ್ಲಿ ಬರೆದಿರುವೆನು. ಈ ವಿಷಯ ತಿಳಿಸಿದ ಗೆಳೆಯರಿಗೆ ಧನ್ಯವಾದಗಳು).

-ಚಂದ್ರಶೇಖರ ಬಿ.ಎಚ್. ೨೧೮೨೦೧೦

ಶುಭಾಶಯಗಳು

2010-08-20T10:15:00.001+05:30

ಎಲ್ಲರಿಗೂ ವರಮಹಾಕ್ಷ್ಮೀ ಹಬ್ಬದ ಶುಭಾಶಯಗಳು. ಎಲ್ಲರಿಗೂ ಐಶ್ವರ್ಯಸಂಪತ್ತಿನೊಡನೆ ಆರೋಗ್ಯ ಸಂಪತ್ತು, ಸುಖ-ಶಾಂತಿ ಸಂಪತ್ತು ಎಲ್ಲವನ್ನೂ ಆಕೆಯು ನೀಡಲಿ.

world photography day

2010-08-19T13:00:00.002+05:30

ಆಗಸ್ಟ್ ೧೯ - ಈವತ್ತು ವಿಶ್ವ ಛಾಯಾಚಿತ್ರ ದಿನಾಚರಣೆ.
ವಿಶ್ವದ ಎಲ್ಲ ಛಾಯಾಚಿತ್ರಗ್ರಾಹಕರಿಗೂ ಶುಭಾಶಯಗಳು. ಹಲವೆಡೆ ಇದಕ್ಕಾಗಿ ವಿಶೇಷ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿರುತ್ತಾರೆ.

ಅಂತಹ ಒಂದು ತಾಣ: http://www.worldphotoday.org/

ಸ್ನೇಹದಿಂದ,
ನಾನೂ ಒಂದಿಷ್ಟು ಚಿತ್ರಗಳನ್ನು ಸೆರೆಹಿಡಿದಿದ್ದೆ. ಇದು ನಿಮ್ಮ ನೋಟಕ್ಕಾಗಿ...

ಚಿತ್ರಗಳು: ಚಂದ್ರಶೇಖರ ಬಿ.ಎಚ್.

ಇರುವೆ, ನಿನ್ನೊಡನೆ...

2010-08-19T11:06:00.001+05:30

ಇರುವೆ, ನಿನ್ನೊಡನೆ...

ನಿನ್ನ ಹೃದಯದ ನೋವನು ನಾ ಪಡೆಯಲಾರೆ..
ನಿನ್ನೊಡನೆ ಇರುವೆ, ನೋವ ಮರೆಸುವೆ..
ನಿನ್ನೊಡನೆ ಹೆಜ್ಜೆ ಹಾಕುವೆ, ಸಲಹುವೆ..
ಇದಿಷ್ಟು ಭರವಸೆಯಲಿ ನಿನ್ನ ಸಂತೈಸುವೆ...

ನಿನ್ನೆದೆಯಾಳದ ಮಾತುಗಳ ನಾ ಕೇಳುವೆ..
ನಿನ್ನ ತುಂಬಿದ ಕಣ್ಣಾಲಿಗಳ ಒರೆಸುವೆ..
ಚಿಂತೆಗಳ ದೂರಮಾಡಲು ನಾ ಸಹಕರಿಸುವೆ..
ಭಯವನು ಬಿಡು, ಅಭಯ ನೀಡುವೆ...

ನಿನ್ನ ಬಳಿಯಲೇ ಇರುವೆ, ಮಾತಾಡುತಿರುವೆ..
ನೀನೇರುವ ಗುಡ್ಡಬೆಟ್ಟಗಳಿಗೆ ಜೊತೆಯಾಗುವೆ..
ನೀನೆನ್ನ ಕರವ ಹಿಡಿದುಕೋ.. ವಿಶ್ವವನೆ ಜಯಿಸು..
ಅದಕಾಗಿ ನೀ ಬಾಳಬೇಕು.. ಕಾಣುವುದು ಬೆಳಕು...

ನೀನು ಒಂಟಿಯಲ್ಲಿ.. ಒಬ್ಬಂಟಿಯಲ್ಲ ನೆನಪಿಡು..
ನಿನ್ನ ಕನಸುಗಳ ನೀ ಸಾಕಾರಗೊಳಿಸು..
ನೋವೆಲ್ಲ ಮರೆತು ನಗುವ ಮೊಗವ ಕಾಣಿಸು..
ಬದುಕು ಶೂನ್ಯವಲ್ಲ, ತಿಳಿಯೇ ನೀ ಸೋದರೀ...

- ಚಂದ್ರಶೇಖರ ಬಿ.ಎಚ್. ೧೯.೦೮.೨೦೧೦

[ಇದು ಒಂದು ಅನಾಮಿಕ ಬರೆದ ಆಂಗ್ಲ ಕವಿತೆಯ ಸಾಲುಗಳನ್ನು ನನ್ನ ಭಾವನೆಗಳಿಗೆ ಹೊಂದಿಸಿಕೊಂಡು ಬರೆದಿರುವೆನು.]

ಬನ್ನಿ ಭಾರತೀಯರೇ...

2010-08-14T13:28:00.001+05:30

ಬಾಂಧವ್ಯದ ದಿನ

2010-08-13T17:22:00.001+05:30

ನಾಗರಪಂಚಮಿಯದು ಈ ದಿನ
ಅಣ್ಣತಂಗಿಯರ ಬಾಂಧವ್ಯದ ದಿನ
ನಾಗದೇವತೆಯ ಪೂಜಿಸುವ ದಿನ
ಸೋದರಸೋದರಿಯರ ಹರಸುವ ದಿನ
ತಣ್ಣಗಿರಲಿ ತವರು ಮನೆಯ ಬಂಧನ
ಎಂದು ಹರಸುವ ಮನ, ಹಾರೈಸುವ ದಿನ

ಎಲ್ಲರಿಗೂ ನಾಗರಪಂಚಮಿ ಹಬ್ಬದ ಶುಭಾಶಯಗಳು!

ಹಿರೋಷಿಮಾ...೬೫

2010-08-05T17:12:00.002+05:30

ಮಾನವನ ದಾಹಕ್ಕೆ ಬಲಿಯಾಗುವು ಏನೆಲ್ಲ?

ಒಂದು ದೇಶದಲ್ಲಿನ ಜನಾಂಗದ, ನೈಸರ್ಗಿಕ ಸಂಪತ್ತು, ಜೀವ ಸಂಕುಲವೆಲ್ಲ ನಾಶವಾಗುತ್ತವೆ. ಇಲ್ಲವೇ, ಒಂದಾದ ನಂತರ ಕೊಂಡಿ ಕಳಚಿಕೊಳ್ಳುತ್ತಾ... ಭೀಕರ ಕ್ಷಾಮ ತಲೆದೋರುತ್ತದೆ, ಖಾಯಿಲೆಗಳು, ಅಂಗವೈಕಲ್ಯ, ಕಲುಷಿತ ವಾತಾವರಣ, ಪ್ರಾಣಿಸಂಕುಲದ ನಾಶ... ಹೀಗೆ ಮಾನವನಿರ್ಮಿತ ಬಾಂಬುಗಳಿಂದ ತನಗೆ ತಾನೇ `ಭಸ್ಮಾಸುರ'ನಾಗುತ್ತಾನೆ. ಅದಕ್ಕೆ ಉದಾಹರಣೆ: ಜಪಾನಿನ ನಾಗಸಾಕಿ ಮತ್ತು ಹಿರೋಷಿಮಾ ಮೇಲಿನ ೧೯೪೫ರ ಯುದ್ಧದಲ್ಲಿ ನಡೆದ ಅಣುಬಾಂಬಿನ ದಾಳಿ.

ಆಗಸ್ಟ್ ೬, ೧೯೪೫, ೧.೪೫ ಎ.ಎಂ. ಗೆ ಯುಎಸ್‌ಬಿ-೨೯ ಎರಡನೇ ಅಣುಬಾಂಬನ್ನು ಹೊತ್ತು ಹಿರೋಷಿಮಾ ಮೇಲೆ ಹಾಕಿತು. ಯುದ್ಧ ವಿಮಾನಚಾಲಕ ಎನೊಲಾ ಗೇ... ಒಂದು ನಿಮಿಷದ ವಿವೇಚನಾ ರಹಿತ ತೀರ್ಮಾನ ಒಂದು ಜನಾಂಗದ, ದೇಶದ ಚಿತ್ರಣವನ್ನೇ ಬದಲಾಯಿಸಿತು. ಇದೆಲ್ಲ ಏಕಾಗಿ? ಇಂದಿಗೆ ೬೫ ವರ್ಷವಾಗುತ್ತಿದೆ. ಅಲ್ಲಿನ ಪರಿಸ್ಥಿತಿಯಲ್ಲಿ ಇನ್ನೂ ಸಹ ಸುಧಾರಣೆ ಕಂಡುಬಂದಿಲ್ಲವೆಂದು ವರದಿಗಳು ತಿಳಿಸುತ್ತವೆ. ಅಣುವಿಕಿರಣದ ಪರಿಣಾಮ ಭಯಾನಕವಾಗಿದ್ದು, ಇನ್ನೂ ಅದರ ಪಳಿಯುಳಿಕೆಗಳಿವೆ ಎಂಬುದಾಗಿ ತಿಳಿದುಬರುತ್ತದೆ.

ಇಂತಹ ಕೃತ್ಯಗಳನ್ನು ವಿಶ್ವ ಸಮುದಾಯ ಖಂಡಿಸಬೇಕು. ಅಣುಬಾಂಬಿನಂತಹ ವಿಶ್ವದ ವಿನಾಶಕಾರೀ ಅಸ್ತ್ರಗಳನ್ನು ಸದ್ಬಳಕೆ (??) ಮಾಡಿಕೊಳ್ಳಬೇಕು. ಅದು ಬಿಟ್ಟು, ಪರರ ಸಂಹಾರಕ್ಕೆ ಉಪಯೋಗಿಸಿದರೆ, `ಭಸ್ಮಾಸುರ' ನ ಗತಿಯೇ ಆಗುವುದು...

ಆ ವಿಚ್ಛದ್ರಕಾರಿ ಆಕ್ರಮಣದಲ್ಲಿ ಲಕ್ಷಾಂತರ ಮಂದಿ ಬೆಂದುಹೋದರು. ಅಂಗವಿಕಲರಾದರು. ಅವರ ನಂತರದ ಪೀಳಿಗೆಯಲ್ಲಿ ಅಣುವಿಕಿರಣದ ಅಂಶ ಇನ್ನೂ ಆರದೆ ಉಳಿದಿರುವುದು ಮಾನವ ಜನಾಂಗಕ್ಕೆ ಒಂದು ಕಪ್ಪು ಚುಕ್ಕೆಯಷ್ಟೇ ಅಲ್ಲ, ಎಂದಿಗೂ ಮರೆಯಲಾಗದಂತಹ ಘಟನೆ... ಇದು ಮಾನವಜನಾಂಗಕ್ಕೆ ಒಂದು ಪಾಠವಾಗಿದೆ.

ಇಂದಿಗೆ ೬೫ ವರ್ಷ. ಆ ದಿನದಿಂದ ಇಂದಿನವರೆಗೂ ನಲುಗಿದವರ ಬಾಳಿನಲ್ಲಿ ಬೆಳಕು ಮೂಡಲಿ.. ಎಂದು ಆಶಿಸೋಣ.

ಪೂರಕ ಓದಿಗಾಗಿ: http://www.hiroshimacommittee.org/
http://www.japaneselifestyle.com.au/travel/hiroshima_bombing.ಹ್ತ್ಮ್

ಹೊತ್ತು.. ಹೋಯಿತು....

2010-08-04T16:49:00.003+05:30

ಹೊತ್ತು.. ಹೋಯಿತು....

ಬರಿದೇ ಹೋಯಿತು ಹೊತ್ತು
ತಮವನುಳಿಸಿ ಈ ದಿನವೂ |
ನಾಳೆ ಹೇಗೋ? ಏನೋ? ಎಂಬ
ಚಿಂತೆ ಮೂಡಿಸಿ ಮೂಡಿಸಿ ಪ್ರತಿಕ್ಷಣವೂ ||

ಬರಿದೇ ಹೋಯಿತು ಹೊತ್ತು
ರವಿ ಮೂಡಿದಾಗಿನಿಂದ, ತಾನು ಮತ್ತೆ
ಬರುವೆನೆನುತ, ತಾ ಹೋಗುವ ದಿಕ್ಕಿನೆಡೆಗೆ|
ತಳಮಳವ ಹೃದಯದಲಡಗಿಸಿ, ಹುದುಗಿಸಿ,
ಎಲ್ಲ ಭಾವಗಳನುಳಿಸಿ, ತಾನು
ಮೆಲ್ಲ ಮೆಲ್ಲನೇ ದೂರಕೆ ಹೋಯಿತು ||

ಎಷ್ಟೆಷ್ಟೋ ವಿಧದಲಿ ಮನದೊಂದಿಗೆ ಮಾತಾಡಿ,
ನಾ ಹೋಗುವೆ ಮತ್ತೆ ಬರುವೆನೆನುತ, ಹೀಗಾಡಿ
ಇನ್ನಾದರೂ ಮಾಡುತಿರು ಹೊಸತೇನಾದರೂ ಸುಮ್ಮನಿರದೆ|
ಹುಡುಕುತಿರು ನಿನ್ನೊಳಗೆ ನೀ, ಹುಟ್ಟುವ ಚಿಂತೆಗೆ
ಚಿಂತನೆಯ ಧಾರೆಯೆರೆಯುತಿರು, ಮರೆಯದಿರು
ಮತ್ತೆ ಬರುವೆ ನಾ ನಾಳೆಗೆ, ಎನುತ ಹೋಯಿತು||

ಬರಿದೇ ಹೋಯಿತು ಹೊತ್ತು
ತಮವನುಳಿಸಿ ಈ ದಿನವೂ |
ನಾಳೆ ಹೇಗೋ? ಏನೋ? ಎಂಬ
ಚಿಂತೆ ಮೂಡಿಸಿ ಮೂಡಿಸಿ ಪ್ರತಿಕ್ಷಣವೂ ||

ಚಂದ್ರಶೇಖರ ಬಿಎಚ್. ೪.೮.೨೦೧೦

ಅಮ್ಮಾ.. ಅಮ್ಮಾ...

2010-07-30T16:11:00.001+05:30

ಅಮ್ಮಾ.. ಅಮ್ಮಾ...

ಎರಡಕ್ಷರದಲಿ ಕರೆವೆ ನಿನ್ನನು
ಅಮ್ಮಾ.. ಅಮ್ಮಾ...
ನೀ ಕಂಡೆ ಆನಂದ ಅದರಲಿ
ಅಮ್ಮಾ.... ಅಮ್ಮಾ...

ನಿನ್ನ ಪ್ರೀತಿ ವಾತ್ಸಲ್ಯ
ಗಗನದೆತ್ತರ
ಅದಕಿಲ್ಲ ನನ್ನ ಉತ್ತರ...

ಕಿವಿಗೊಡಲಿಲ್ಲ ನಿನ್ನ
ಭವಿತವ್ಯದ ನುಡಿಗಳಿಗೆ
ಮೂಕವಾಗಿದೆ ಮನ
ನೊಂದಿದೇ ಈಗ...

ಒಂದಿನಿತು ಪೆಟ್ಟಾದರೂ
ನೀ ಮರುಗುತಿದ್ದೆ
ಅರಿಯಲಾರದೆ ಹೋದ
ನಾನೆನಿತು ಪೆಟ್ಟುಕೊಟ್ಟೆನೋ
ನಿನಗೆ...

ಪದ ನುಡಿವಾಗ ನಡೆವಾಗ
ತಡವರಿಸಿದಾಗ
ಆಸರೆಯಾಗಿ ನೀ ಬರುತಿದ್ದೆ
ಅಹಂ ಎಂಬ ನುಡಿ ನಡೆಯ ಕಲಿತ
ನಾನೇಕೆ ಸನ್ನಡತೆ ಮರೆತೆ...
ಅಮ್ಮಾ... ಅಮ್ಮಾ....

ನಾ ಬಿದ್ದಾಗ ದಾರಿ ತಪ್ಪಿದಾಗ
ಕೈ ಹಿಡಿದು ಊರುಗೋಲಾದೆ
ಊರುಗೋಲಾಗಬೇಕಿದ್ದ ನಾ
ಏಕೆ ನಿನ್ನ ದೂಡಿದೆ...

ನಾನೆಷ್ಟೆ ಪ್ರಶ್ನಿಸಿದರೂ ನೀ
ಚೆಂದದಲಿ ಉತ್ತರಿಸುತಿದ್ದೆ
ನೀ ಕೇಳಿದಾ ಪ್ರಶ್ನೆಗೆ
ನಾ ಸಹನೆ ಕಳೆದುಕೊಂಡಿದ್ದೆ...

ಛೆ... ನಾನೆಂತಹ ದುಷ್ಟ...
ಅರಿಲಾರದೆ ಹೋದೆ
ನಿನ್ನ ಮನಸಿನಾ ಕಷ್ಟ...
ನಾ ಅಮ್ಮಾ.. ಎಂದಾಗ
ನೀ ಪಡುವೆ ಸಂತೋಷ...
ಅಮ್ಮಾ ಎಂಬ ಕರೆಯ
ಕೇಳುವುದೇ ನಿನಗಿಷ್ಟ..

ಹೇಗೆ ಬಣ್ಣಿಸಲಿ ನಿನ್ನ
ಈ ಪ್ರೀತಿ ಮಮಕಾರ...
ಅಕ್ಷರಗಳಿಗೆ ಸಿಗದಿದರ ಸಾರ...
ಅಮ್ಮಾ.....ನಿನಗಿದೋ ನಮಸ್ಕಾರ...

ಎರಡಕ್ಷರದಲಿ ಕರೆವೆ ನಿನ್ನನು,
ಅಮ್ಮಾ.. ಅಮ್ಮಾ...
ನೀ ಕಂಡೆ ಆನಂದ ಅದರಲಿ
ಅಮ್ಮಾ....... ಅಮ್ಮಾ.....

- ಚಂದ್ರಶೇಖರ ಬಿ.ಎಚ್.
ಇದನ್ನು ತಿದ್ದಿತೀಡಿದವರಿಗೆ ಧನ್ಯವಾದಗಳು.

ನೆನಪಿನಲ್ಲಿ

2010-07-27T11:21:00.003+05:30

ದಶಕಗಳಿಗೂ ಮೀರಿದ ಒಂದು ದಿನ. ಆ ದಿನಾಂಕ, ವರ್ಷ ನೆನಪಿಲ್ಲವಾದರೂ ಆಜುಬಾಜಿನ ವರ್ಷಗಳ ನೆನಪಿದೆ. ಸುಮಾರು ೧೯೯೦-೯೨ ಇರಬಹುದು. ಆಗೆಲ್ಲ ರಕ್ಷಾ ಬಂಧನವೆಂದರೆ, ಆರ್‌ಎಸ್‌ಎಸ್‌ನವರ ಪೆರೇಡಿನಲ್ಲಿ ಸ್ನೇಹಿತರು ಸಂಗ್ರಹಿಸಿ ತರುತ್ತಿದ್ದ ರಾಖಿದಾರಗಳು. ಹೀಗೆಯೇ ಆ ವರ್ಷವೂ ಸ್ನೇಹಿತರ ಮನೆಯಲ್ಲಿ ರಾಖಿಹಬ್ಬದ ಸಂಭ್ರಮ. ಆ ದಿನಗಳಲ್ಲಿ ನಾವುಗಳೇ ರೇಷ್ಮೆ ನೂಲಿನ ದಾರದಿಂದ ಕುಚ್ಚುಕಟ್ಟಿ ದಾರ ಸೇರಿಸಿ ರಾಖೀ ತಯಾರಿಸುತ್ತಿದ್ದೆವು (ನಾವುಗಳು ಆಗ ಅಂಗಡಿಗಳಿಂದ ಕೊಂಡು ತರುವುದು ಅಪರೂಪವಾಗಿತ್ತು).

ಅದೇ ದಿನ ನನ್ನ ಕೈಗೂ ರಕ್ಷಾ ಬಂಧನವಾಯಿತು ನನಗಿಂತ ೫-೬ ವರ್ಷ ಹಿರಿಯರೊಬ್ಬರಿಂದ. ಅಂದಿನಿಂದ ಮೊನ್ನೆಮೊನ್ನೆಯವರೆವಿಗೂ ಈ ಬಂಧ ಸೋದರ/ರಿ ಸಂಬಂಧ ಸಾಗುತ್ತಿತ್ತು. ಸಂಸ್ಕೃತ ತರಗತಿಗಳಲ್ಲಿ ಸಿಗುತ್ತಿದ್ದೆವು. ವಾರದಲ್ಲಿ ಹೀಗೆ ಒಂದಿಲ್ಲೊಂದು ಬಾರಿಯಾದರೂ ಈ ಅಕ್ಕ-ತಮ್ಮನ ಭೇಟಿ ತಪ್ಪುತ್ತಿರಲಿಲ್ಲ. ಆದರೆ. ಕೆಲವಾರು ವರ್ಷಗಳಿಂದ ಅದೇಕೋ ಕಾಣೆಯಾದರು (ಇದೇ ಊರಿನಲ್ಲಿದ್ದರೂ ಭೇಟಿಯಾಗದೇ ವರ್ಷಗಳೇ ಉರುಳಿದವು). ಇವರ ಮಧುರ ಮಂಜುಳಧ್ವನಿ ಮರೆಯಲುಂಟೆ???

ಹೀಗೇ ಮತ್ತೊಬ್ಬರು ಸಹಾ ದೂರಾದರು. ಅದಕ್ಕೆ ಅನ್ಯ ಕಾರಣಗಳಿದ್ದರೂ ಮಾತುಗಳಿಲ್ಲ. ಕೇವಲ ಮುಗುಳ್ನಗೆಯೊಂದೆ ಕುಶಲ ಕ್ಷೇಮವೆಲ್ಲವನ್ನೂ ಸೂಚಿಸುವಂತಹ ಒಂದು ಒಪ್ಪಂದವಾಯಿತು (??) ಎನ್ನಬಹುದು. ಹೌದು, ಇದು ಮಾತಿನಲ್ಲಿ ಹೇಳಲಾಗದ ಒಬ್ಬ ಸೋದರಿಯ ಕಥೆಯಾಯಿತು. ಆನಂತರ ಒಮ್ಮೆ ಮಾತ್ರ ಭೇಟಿಯಾಗಿದ್ದು. ಈಗೆಲ್ಲಿದ್ದಾರೆ ತಿಳಿಯದು. ಆದರೂ ಕೆಲವೊಮ್ಮೆ. ಅಪರಿಚಿತರಾಗಿ ಬಂದು ಚಿರಪರಿಚಿತರಾಗಿ ಹೋಗುವಾಗ ನೆನಪೊಂದೆ ಕಾಣಿಕೆ ಎಂಬಂತೆ... ಆಗುವುದು ಸಹಜ. ನಕ್ಕರೂ ಸಂತೋಷವೇ... ನುಡಿಯದಿದ್ದರೂ ಸುಖವಾಗಿರಲೆಂದು ಮನಬಯಸಿತ್ತು. ಏಕೆಂದರೆ, ಅವರು ರಾಖೀಸೋದರಿ... ಅವರ ಮಮತೆ ಮರೆಯಲುಂಟೆ.

ಏಕೆಂದರೆ, ಒಡಹುಟ್ಟಿದವರು ಮಾತ್ರವೇ ಅಣ್ಣ, ತಂಗಿ, ತಮ್ಮ, ಅಕ್ಕ ಹೀಗೆ ಆಗಬೇಕೆಂದೇನಿಲ್ಲ, ಅಲ್ಲವೇ?

ಆಕಸ್ಮಿಕವಾಗಿ ಎಂದೋ ಈ ಇಬ್ಬರು ಅಕ್ಕ ತಂಗಿಯ ನೆನಪಿನಲ್ಲಿ ಬರೆದಿದ್ದ ಸಾಲುಗಳು ಡೈರಿಯಲ್ಲಿಂದು ಸಿಕ್ಕಿತು. ಏಕೆಂದರೆ, ಅಂತಹ ಅಪರೂಪದವರು ಮತ್ತೆ ಸಿಗುವುದು ಎಂದೋ ತಿಳಿದವರಾರು??? ಅಲ್ಲದೇ ಇನ್ನೇನು ಮುಂದಿನ ತಿಂಗಳು ರಕ್ಷಾಬಂಧನ ಬರುತ್ತಿದೆ. ಆವಾಗ ಇವರು ಮತ್ತೆ ಸಿಗಬಹುದೇನೋ??

ದೊರಕಿತೆನೆಗೆ ನನ್ನ ಭಾಗ್ಯನಿಧಿ,
ಅಕ್ಕ ನಿನ್ನ ಪ್ರೀತಿ ರೂಪದಿ
ಮರೆಸಿತೆನ್ನ ಮನಸಿನಾ ದು:ಖ
ನಿನ್ನ ಮೃದು ಮಾತದು ಅಕ್ಕಾ.. ಅಕ್ಕಾ...

ಅಳಿಸಿ ಹೋದವು ಪರಿತಾಪಗಳು
ನಿನ್ನ ನಗುವ ಸದ್ದನಾಲಿಸಿ,,
ಉಳಿಯಿತೆನ್ನ ಹೃದಯದಲಿ
ನಿನ್ನ ಪ್ರೀತಿತುಂಬಿದಾ ನುಡಿಗಳು...

ಆದರೆ...

ಅದೊಂದು ದಿನ ನೀ ದೂರಾದೆ???
ಕಾರಣ ನಿನಗೆ ತಿಳಿಯದೇ?? ನೀ ಮಾತಾಡದಿದ್ದರೂ
ಪರವಾಗಿಲ್ಲ,
ಎಲ್ಲಿದ್ದರೂ ಸದಾ ನಗುತಿರು... ನಿರಂತರ
ಸುಖವಾಗಿರು, ಖುಷಿಯಾಗಿರು, ಓ ನನ್ನ ಭಗಿನಿ...

chandrashekara b.h.
-------------------------------
"To go anywhere, begin by taking a first step." -Caine

ಜೈ ಭಾರತ ಮಾತಾ! ಜೈ ಜವಾನ್‌!

2010-07-27T10:38:00.002+05:30

ನಿನ್ನೆ ದಿನವೇ ನಮ್ಮ ನಮನವನ್ನು ಹಾಕಬೇಕಿತ್ತು. ಆದರೆ, ಅಂತರ್ಜಾಲದ ಕೊಂಡಿಯ ಸಮಸ್ಯೆಯಿಂದಾಗಿ ಬ್ಲಾಗಿನಲ್ಲಿ ಬರೆಯಲು ಆಗಲಿಲ್ಲ.. ಅದಕ್ಕಾಗಿ ವಿಷಾದಿಸುತ್ತೇನೆ. ಭಾರತ-ಪಾಕಿಸ್ತಾನ ನಡುವೆ ನಡೆದ ಕಾರ್ಗಿಲ್‌ ಯುದ್ಧ ೧೧ನೇ ವರ್ಷಕ್ಕೆ ಕಾಲಿಡುತ್ತಿದೆ.

ಭಾರತೀಯ ವೀರ ಯೋಧರ ತ್ಯಾಗ, ಬಲಿದಾನ, ಧೈರ್ಯ, ಸಾಹಸದಿಂದಾಗಿ ಈ ಯುದ್ಧವನ್ನು ಗೆದ್ದೆವು. ಅಂದು ಇಡೀ ಭಾರತದ ಸಮಸ್ತರೂ ವೀರಯೋಧರ ಜೊತೆಗಿದ್ದರು. ಇಲ್ಲಿ ಅರಳುತ್ತಿದ್ದ ಎಷ್ಟೋ ಯುವ ವೀರರು ತಮ್ಮ ತ್ಯಾಗ ಬಲಿದಾನಗಳಿಂದ ದೇಶವನ್ನು ಮತ್ತು ದೇಶವಾಸಿಗಳನ್ನು ರಕ್ಷಿಸಿದರು.

ವೀರ ಭಾರತೀಯ ಯೋಧರು `ವಿಜಯ' ಪತಾಕೆ ಹಾರಿಸಿ, ಈ ಯುದ್ಧದಲ್ಲಿ ವೀರಮರಣವನ್ನಪ್ಪಿದ, ಗಾಯಗೊಂಡ ಹಾಗೂ ಅವರ ಮನೆಯವರೆಲ್ಲರಿಗೂ ನಮ್ಮ ನಮನಗಳು. ಅವರೆಲ್ಲರೂ ಪ್ರಾತ:ಸ್ಮರಣೀಯರು. ಈ ಭಾರತಕ್ಕೆ ವೀರಯೋಧರನ್ನು ಕೊಟ್ಟ ತಾಯ್ತಂದೆಯರಿಗೆ ನಮ್ಮ ನಮನಗಳು. ಅವರೆಲ್ಲರಿಗೂ ದು:ಖವನ್ನು ಭರಿಸುವ ಶಕ್ತಿಯನ್ನು ಆ `ಶಕ್ತಿ' ಯು ಕೊಡಲಿ...

ಜೈ ಭಾರತ ಮಾತಾ! ಜೈ ಜವಾನ್‌!