ಏನೆಂದು ಹೇಳಲೀ, ನಾನರಿಯೆ!
ರುಂಡವಿಲ್ಲ, ಮುಂಡವಿಲ್ಲ ನೀನೇಕೆ, ಎಣಿಸಲೇಕೆ?
ಮರುಗಲೇಕೆ? ಅವೆಲ್ಲವೂ ಇದ್ದಿತು,
ಒಂದು ಕಾಲದಲಿ - ಇದೋ! ಹೀಗಿದ್ದರಬಹುದೆ?
ಮನುಜನ ಬಯಕೆ, ನಾ ಹೇಳಬೇಕೆ?
ರಾಜ-ರಾಜ್ಯದ ವಿಸ್ತಾರದಲಿ ನೊಂದವರೆಷ್ಟೋ,
ಬೆಂದವರೆಷ್ಟೋ ಜೀವಿಗಳು ಬಲ್ಲವರಾರು?
ಮತ-ಧರ್ಮದ ಘನತೆಗೂ, ಜನತೆಗೂ ಹೀಗೆ ಮಾಡುವರೆಂದು
ಕಣ್ಣಿಗೆ ನಾ ಜೀವಂತ ಕಂಡೆನೇನೋ, ನಾನರಿಯೆ?
ನನಗೊಂದು ಕಣ್ಣಿಲ್ಲದಿದ್ದರೂ,
ಕೈ ಇರದಿದ್ದರೂ, ನಷ್ಟವಿಲ್ಲ!
ಮತ್ತೊಬ್ಬರೆರಡು ಕಣ್-ಕಿವಿ-ಕೈ-ಕಾಲ್,
ಇರಬಾರದೆಂದು ಹೀಗೆ ಮಾಡಿದರೋ? ನಾನರಿಯೇ?
ಕೊನೆಗೊಬ್ಬ ರುಂಡವೇಕೆ, ಮುಂಡವೇಕೆ ಈ ಸಿಂಗಾರಿಗೆ?
ಎಂದೆನ್ನ ರುಂಡ ಮುಂಡ ಚೆಂಡಾಡಿ ಹೋದನಲ್ಲಾ??
ಸುಂದರವಾದದ್ದು ತೊಂದರೆಗೆ ಎಂದೆಂದೂ ಬಗೆದು
ಹೀಗೆ ಮಾಡಿದರೋ? ನಾನರಿಯೇ!
ಸದ್ಯ, ಕುಳಿತ ಭಂಗಿಯಲ್ಲಿಯೇ ನಾನಿರುವೆನೆಂಬ ಸಂತಸ
ಹೀಗಾದರೂ ನನ್ನ ನೋಡ್ವರಲ್ಲಾ ಹೃದಯವುಳ್ಳವರು!
ಇಟ್ಟಿಗೆ ಗಾರೆಯಂತೆ ಈ ಬದುಕು, ಒಂದಕೊಂದು
ಹೊಂದಿಕೊಂಡು ಇರಲೆಂದೆ ಹೀಗೆ ಬಿಟ್ಟರೋ, ನಾನರಿಯೆ!
ಮನದ ನೆನಪುಗಳು ಮಾಸಲು, ಅದುವೇ ಪೀಠವಾಗಲು,
ಕಷ್ಟ-ನಷ್ಟ ಬದುಕು, ಹೊಂದಿಕೊಂಡು ಇದಕು, ಎದಕು!
ಇರುವಾಗ ಎದೆಯನ್ನೇ ಬಗೆದರಲ್ಲೋ ಪ್ರೀತಿಯಿಲ್ಲದವರು,
ಹೀಗೆಂದು ಹೇಳಬೇಕೋ ಬೇಡವೋ? ನಾನರಿಯೆ!
ಮರುಗಲೇಕೆ? ಅವೆಲ್ಲವೂ ಇದ್ದಿತು,
ಒಂದು ಕಾಲದಲಿ - ಇದೋ! ಹೀಗಿದ್ದರಬಹುದೆ?
ಮನುಜನ ಬಯಕೆ, ನಾ ಹೇಳಬೇಕೆ?
ರಾಜ-ರಾಜ್ಯದ ವಿಸ್ತಾರದಲಿ ನೊಂದವರೆಷ್ಟೋ,
ಬೆಂದವರೆಷ್ಟೋ ಜೀವಿಗಳು ಬಲ್ಲವರಾರು?
ಮತ-ಧರ್ಮದ ಘನತೆಗೂ, ಜನತೆಗೂ ಹೀಗೆ ಮಾಡುವರೆಂದು
ಕಣ್ಣಿಗೆ ನಾ ಜೀವಂತ ಕಂಡೆನೇನೋ, ನಾನರಿಯೆ?
ನನಗೊಂದು ಕಣ್ಣಿಲ್ಲದಿದ್ದರೂ,
ಕೈ ಇರದಿದ್ದರೂ, ನಷ್ಟವಿಲ್ಲ!
ಮತ್ತೊಬ್ಬರೆರಡು ಕಣ್-ಕಿವಿ-ಕೈ-ಕಾಲ್,
ಇರಬಾರದೆಂದು ಹೀಗೆ ಮಾಡಿದರೋ? ನಾನರಿಯೇ?
ಕೊನೆಗೊಬ್ಬ ರುಂಡವೇಕೆ, ಮುಂಡವೇಕೆ ಈ ಸಿಂಗಾರಿಗೆ?
ಎಂದೆನ್ನ ರುಂಡ ಮುಂಡ ಚೆಂಡಾಡಿ ಹೋದನಲ್ಲಾ??
ಸುಂದರವಾದದ್ದು ತೊಂದರೆಗೆ ಎಂದೆಂದೂ ಬಗೆದು
ಹೀಗೆ ಮಾಡಿದರೋ? ನಾನರಿಯೇ!
ಸದ್ಯ, ಕುಳಿತ ಭಂಗಿಯಲ್ಲಿಯೇ ನಾನಿರುವೆನೆಂಬ ಸಂತಸ
ಹೀಗಾದರೂ ನನ್ನ ನೋಡ್ವರಲ್ಲಾ ಹೃದಯವುಳ್ಳವರು!
ಇಟ್ಟಿಗೆ ಗಾರೆಯಂತೆ ಈ ಬದುಕು, ಒಂದಕೊಂದು
ಹೊಂದಿಕೊಂಡು ಇರಲೆಂದೆ ಹೀಗೆ ಬಿಟ್ಟರೋ, ನಾನರಿಯೆ!
ಮನದ ನೆನಪುಗಳು ಮಾಸಲು, ಅದುವೇ ಪೀಠವಾಗಲು,
ಕಷ್ಟ-ನಷ್ಟ ಬದುಕು, ಹೊಂದಿಕೊಂಡು ಇದಕು, ಎದಕು!
ಇರುವಾಗ ಎದೆಯನ್ನೇ ಬಗೆದರಲ್ಲೋ ಪ್ರೀತಿಯಿಲ್ಲದವರು,
ಹೀಗೆಂದು ಹೇಳಬೇಕೋ ಬೇಡವೋ? ನಾನರಿಯೆ!
[`ಮಯೂರ' ಮಾಸಪತ್ರಿಕೆ: ಅಕ್ಟೋಬರ್ ೨೦೦೯ ರ ಕಲ್ಪನೆ ವಿಭಾಗಕ್ಕೆ ಬರೆದಿದ್ದ, ಆಯ್ಕೆಯಾಗದ ಬರಹ]
