ಬದುಕೆಂಬ ಬದುಕು

ಬದುಕು ಮುಳ್ಳಿನ ಹಾದಿ
ನಡೆ ನೀನು ದಿಟ್ಟ ಹೆಜ್ಜೆಯಲಿ
ಸಾಗುವುದು ರಹದಾರಿ
ಭವ್ಯ ಜೀವನದ ಸಾರವನು ತೋರಿ

ಬೆದರದಿರು, ಬೆಚ್ಚದಿರು
ಭಾವಪ್ರಭಾವಗಳಿಗೆ ಒಳಗಾಗದೆ
ನಡೆಯುತಿರು, ನುಡಿಯುತಿರು
ನಿತ್ಯ ಸತ್ಯದಾ ಹಾದಿಯಲಿ

ದೂರದಿರು, ಮರುಗದಿರು
ವ್ಯರ್ಥ ಮಿಥ್ಯತೆಗೆ ಬಲಿಯಾಗಿ
ದುಡಿಯುತಿರು, ನೆನೆಯುತಿರು
ಸತ್ಯ ಸಾರ್ಥಕತೆಗೆ ಜೊತೆಯಾಗಿ

ಬರುವುದು ಬದುಕಿನಲಿ
ಹೂವನದ ಸೊಬಗು, ಮುಳ್ಳಿರದ
ಹೂವಿಲ್ಲ, ನೋವಿರದ ಬಾಳಿಲ್ಲ
ನಲಿವಿರದ ಬದುಕಿಲ್ಲ ತಿಳಿಯುತಲಿ
ಸಾಗುತಿರು ನಿನ್ನ ಗುರಿಯ ದಾರಿಯಲ್ಲಿ

- ಚಂದ್ರಶೇಖರ ಬಿ.ಎಚ್.