ಇನ್ಸ್ಟಂಟ್ ಮೇಕ್

A bird may be ever so small, it always seeks a nest of its own. - Danish Proverb

ಓಹ್‌, ಈ ಗಾದೆಮಾತನ್ನು ಒಮ್ಮೆ ಗಮನಿಸಿದರೆ ನಮಗೇನನ್ನಿಸಬಹುದು. ಹೌದಲ್ಲವೇ? ಈ ಮಾತು ಸತ್ಯಕ್ಕೆ ಸನಿಹ ಅಥವಾ ನಿಜ ಎನಿಸಬಹುದು.
ಆದರೆ...ಈ ಪರಪುಟ್ಟವಿದೆಯಲ್ಲ ತನ್ನ ಗೂಡನ್ನು ತಾನೇ ಕಟ್ಟಿಕೊಳ್ಳಲಾಗದೇ ಇರುವುದು ಏತಕ್ಕೆ? ಉತ್ತರ: ಸಿಂಪಲ್‌ ಎಂಬುದು ಈ ಪುಟ್ಟ ಸಂದರ್ಶನದಿಂದ ತಿಳಿದುಕೊಳ್ಳೋಣವೇ?
ನಾನು: ಪರಪುಟ್ಟ, ನೀನೇಕೆ ಗೂಡು ಮಾಡು ಏನನ್ನೂ ಕಟ್ಟಿಕೊಳ್ಳುವುದಿಲ್ಲ?

ಪರಪುಟ್ಟ: ಸಿಂಪಲ್ಲಾಗಿ ಹೇಳುವುದಾದರೆ ಎಲ್ಲವೂ ಈ ಆಧುನಿಕ ಯುಗದಲ್ಲಿ ಇನ್ಸ್ಟಂಟ್‌. ಕಾಫೀ ಬೇಕೆಂದರೆ ಇನಸ್ಟಂಟ್ ಕಾಫಿ ಸಿಗುತ್ತದೆ. ಉದಾ: ಬ್ರೂ ಕಾಫಿ. ಹಾಗೆಯೇ ಇನ್ಸ್ಟಂಟ್‌ ಸಾಲ ದೊರಕಿಸಿಕೊಡಲು ಹಲವಾರು ಜಾಹಿರಾತುಗಳನ್ನು ನೋಡಬಹುದು. ಹೀಗೆ ನೀವುಗಳೇ ಎಲ್ಲವನ್ನೂ ಇನ್ಸ್ಟಂಟ್‌ ಆಗಿ ಪಡೆಯಬೇಕಾದರೆ, ನಾನಾದರೂ ಏಕೆ ಗೂಡಿಗಾಗಿ ಕಷ್ಟಪಡಬೇಕು.
ನಾನು: ಹೌದಲ್ಲವೇ? ಎಂದು ಆಶ್ಚರ್ಯಚಕಿತನಾಗಿದ್ದಾಗೆ ಮತ್ತೆ ಪರಪುಟ್ಟನಿಂದ ಕುಹೂ.. ಕುಹೂ...
ಪರಪುಟ್ಟ: ನನ್ನಂತೆಯೇ `ಪರ'ನಿರುವಾಗ ನಾನೇಕೆ ಗೂಡ ಕಟ್ಟಬೇಕು?
ನಾನು: ಮತ್ತೆ ಅಚ್ಚರಿಯಿಂದ ನೋಡಿದೆ.
ಪರಪುಟ್ಟ: ಸೀತಾ ಔರ್‌ ಗೀತಾ, ಕಾಳಿಂಗ, ಭಲೇಜೋಡಿ, ರಾಣಿ ಮಹಾರಾಣಿ ಹೀಗೆ ಸಿನೆಮಾಗಳನ್ನು ನೀವು ನೋಡಿಲ್ಲವೇ? ಅಲ್ಲದೇ ಇನ್ನೂ ಅನೇಕ ಸಿನಿಮಾಗಳಲ್ಲಿ ಒಬ್ಬರಂತೆಯೇ ಇರುವ (ಹೆಚ್ಚಾಗಿ ಒಬ್ಬರು ಬುದ್ಧಿಶಾಲಿ, ಮತ್ತೊಬ್ಬ ಹೆಡ್ಡತನವುಳ್ಳವರು) ನಾಯಕ/ಕಿಯನ್ನು ತೋರಿಸಿರುತ್ತಾರೆ. ವಿಶ್ವದಲ್ಲಿ ಒಬ್ಬರಂತೆಯೇ ಏಳು ಜನರಿರುತ್ತಾರೆ ಎಂದು ನೀವೇ ಹೇಳುವಾಗ ನನ್ನಂತೆ ಪರನಿರಲಾರನೆ? ಹಾಗೆಯೇ ನಾನು ನನ್ನಂತ `ಪರನಿ'ರುವಾಗ ಎಂದ್ದದ್ದು ಎನ್ನಬೇಕೆ?
ನಾನು: ಮೂಕವಿಸ್ಮಿತನಾದೆ!!
ಪರಪುಟ್ಟ: ಅದಕ್ಕಾಗಿ ನಾನು ಗೂಡಿನ ವಿಚಾರದಲ್ಲಿ ಅಷ್ಟಕ್ಕಷ್ಟೆ. ಕಾಕಪಕ್ಷಿಯಿರುವಾಗ ನಾನೇಕೆ ಗೂಡಿಗಾಗಿ, ಗೂಡಿನಲ್ಲಿ ಮೊಟ್ಟಿಯಿಟ್ಟು, ಕಾವುನೀಡಿ, ಮರಿಗಳ ಯೋಗಕ್ಷೇಮವನ್ನು ನೋಡಿಕೊಳ್ಳಲು ನನ್ನಂತೆಯೇ ರೂಪದಲ್ಲಿ ಕಾಕರಾಜನಿರುವಾಗ ಎಂದೆಲ್ಲಾ ಏನೇನೋ ಬಡಬಡಿಸುತ್ತಾ ಹಾರಿತು (ಪರಪುಟ್ಟನೆಂದು ಕೋಗಿಲೆಗೆ ಕರೆಯುತ್ತಾರೆ).
ಆಗ ನನಗೆ `ವೇದ ಸುಳ್ಳಾದರೂ ಗಾದೆ ಸುಳ್ಳಾಗದೂ' ಅನಿಸಿದರೂ ಮೇಲಿನ ಗಾದೆಯು ವಿಚಿತ್ರವಾಗಿದೆಯೇ ಅನ್ನಿಸಿದ್ದರಲ್ಲಿ ತಪ್ಪೇನಿಲ್ಲ.

ನೀವೂ ಒಂದು ಕ್ಷಣ ಯೋಚಿಸಿದಾಗ ಈ ಗಾದೆ ಮಾತು... ಏನನ್ನಿಸಿರಬಹುದು?