ವೈಶಾಖ

ವೈಶಾಖ

ಅಬ್ಬಬ್ಬಾ ಬಿಸಿಲು...
ಅದೋ ಮೋಡ ಕಟ್ಟುತ್ತಿದೆ
ಗಾಳಿ ಬೀಸಿತು, ಕರಿಮೋಡ ಚದುರಿತು

ಸೂರ್ಯನ ಶಾಖ ಭೂಮಿಯ ಮಡಿಲನು
ಇಚ್ಛೆಬಂದಂತೆ ಸೀಳಿ, ಸೀಳಿ ಹಾಕಿದೆ,
ಎಲ್ಲೆಲ್ಲೂ ಹಾಹಾಕಾರ, ನೀರಿಗೆ ಬರ

ಮರಗಿಡಗಳು ಬಿಸಿಳಝಳಕೆ ತತ್ತರಿಸಿ
ತಮ್ಮನ್ನು ತಾವೇ ಸುಟ್ಟು ಉರಿದುಹೋಗಿವೆ...
ಇನ್ನೆಲ್ಲಿಯ ಮಳೆ, ಇಳೆಗಿಲ್ಲ ಕಳೆ

ಅಲ್ಲೊಂದು ಆಶಾಕಿರಣ, ಪುಟ್ಟ ಮೋಡದ
ನಡುವಿಂದ, ಹನಿ ಮಳೆಗಾಗಿ ಚಾತಕನಾಗಿ
ಮುಗಿಲ ಕಡೆಗೆ ಕಣ್ಣೆಟ್ಟಿರಲು...

ಒಂದೇ ಒಂದು ಫಳಕು, ಒಂದೆರಡು ಮಳೆಹನಿ
ತಂಪೆರೆಯಲು ಇಷ್ಟು ಸಾಕೇ... ಎನ್ನುವಾಗ
ಸಿಡಿಲು, ಟಿಸಿಲೊಡೆದು ಮಾಯವಾಗಿದೆ..

ವಸಂತಾಗಮನದಿಂದ ಬರಲಿಲ್ಲ ಮಳೆ
ಒಂದೇ ಬರದ ಮೇಲೆ ಬರೆ... ಹೋದ ವಸಂತ
ವೈಶಾಖ ಬಂದಿದೆ, ಒಂದೇ ಪ್ರಶ್ನೆ ವೈ - ಶಾಖ???

-ಚಂದ್ರಶೇಖರ ಬಿ.ಎಚ್. ಮೇ ೨೦೧೨