ಸೋದರಿ..ಗೆ...

ಸೋದರಿ..ಗೆ...

ನಗುತಿರು, ನಗುತಿರು ನನ್ನ ಸೋದರಿ
ತುಂಬಿರಲಿ ಸಂತಸ ಸದಾ ನಿನ್ನಲಿ
ಇದುವೆ ನನ್ನ ಹಾರೈಕೆ - ಸೋದರಿ

ಕನಸೆನ್ನುವ ಮೊಗ್ಗೆಲ್ಲವೂ ಹೂವಾಗಿ ಅರಳಲಿ
ಸಂತಸ ತುಂಬಿದ ಮನೆ-ಮನ ನಿನ್ನದಾಗಲಿ
ನೋವೆಲ್ಲವೂ ತಿಳಿನೀರ ನದಿಯಾಗಿ ಹರಿದುಹೋಗಲಿ

ಬಾಲರವಿಯ ಕಿರಣಕಾಂತಿ ಕಣ್ಣಿನೊಳು ನೆಲೆಸಲಿ
ಬೀಸಿಬರುವ ತಂಗಾಳಿ ಮಾತಿನೊಳೊಂದಾಗಲಿ
ಚಿಮ್ಮುವಾ ಕಾರಂಜಿಯಂತೆ ಉತ್ಸಾಹ-ಉಲ್ಲಾಸ ಚಿಮ್ಮುತಿರಲಿ

ಇರಲಿ ಎಂದೆಂದೂ ಹೀಗೆ ಪ್ರತಿಕ್ಷಣ, ಪ್ರತಿದಿನ
ಎನುತ ಹಾರೈಸಲಿ ನನ್ನ ಮನ, ಸೋದರಿ

-ಚಂದ್ರಶೇಖರ ಬಿ.ಎಚ್.೨೬೫೯೨