ಕಂಬದ ಮೇಲಿನ ಬರಹ

ಆ ದಿನ ದೇವಾಲಯದಲ್ಲಿನ ಒಂದು ಸಮಾರಂಭಕ್ಕೆ ಹೋಗಿದ್ದಾಗ ಹೀಗೇಕೆ? ಎಂದು `ಕಂಬದ ಮೇಲಿನ ಬರಹ' ನೋಡಿ ತಲೆ ಕೆರೆದುಕೊಂಡೆ. ಯಾಕಂತೀರಾ? ಇಲ್ಲಿ (ಕಲ್ಲು ಕಂಬದ ಮೇಲೆ) ಹೇಗೆ ಚಪ್ಪಲಿ ಬಿಡುವುದು. ಕಲ್ಲುಕಂಬದ ಮೇಲೆ ಬರೆದಿರುವುದು ಸರಿ. ಅದನ್ನು ಇನ್ನೂ ಸ್ವಲ್ಪ ನೆಲಮಟ್ಟಿಗೆ ಬರೆದಿದ್ದರೆ ಚೆನ್ನಾಗಿರುತ್ತಿತ್ತು ಎನಿಸಿತು. ಆಗ ಅದನ್ನು ಹೀಗೂ ಬರೆಯಬಹುದಿತ್ತು. (ಚಿತ್ರ ನೋಡಿ)
`ಇದು ಚಪ್ಪಲಿ ಬಿಡುವ ಸ್ಥಳ' ಅಥವಾ 'ಪಾದರಕ್ಷೆಗಳನ್ನು ಇಲ್ಲಿಯೆ ಬಿಡುವುದು' ಎಂದು ಹೀಗೆಲ್ಲಾ ಬರೆದಿದ್ದರೆ `ತಲೆ ಕೆರೆದುಕೊಳ್ಳಬೇಕಿರಲಿಲ್ಲ'. ಆದರೆ, ಅಲ್ಲಿದ್ದದ್ದು...
ಅವರು ಬರೆದಿದ್ದರಲ್ಲಿ ತಪ್ಪೇನೂ ಇಲ್ಲ ಎಂದೂ ಯೋಚಿಸಿದೆ. ಏಕೆಂದರೆ, ಕೆಲವರು `ದಯವಿರದೆ' ಎಲ್ಲೆಂದರಲ್ಲಿ ಚಪ್ಪಲಿಬಿಟ್ಟು ಅಥವಾ ಬಿಡದೇ ಹೋಗಬಹುದು (ದೇವಾಲಯದ ಸಮೀಪಕ್ಕೆ) ಎಂದೂ ಇರಬಹುದು ಅಥವಾ ಅಲ್ಲಿರುವ ಪ್ರಾಂಗಣದಲ್ಲಿ ಹೋಮ-ಹವನ, ಊಟೋಪಚಾರ ಇವೆಲ್ಲಾ ನಡೆಯುತ್ತಿರುತ್ತವಾದ್ದರಿಂದ ಹಾಗೆ ಬರೆದಿರಲೂ ಬಹುದು ಅನಿಸಿತು. ಆದರೂ ಸೀರಿಯಸ್ಸಾಗಿ ತಗೊಂಡರೆ ಸಕತ್ತಾಗಿ ನಗಬಹುದು ಅನಿಸಿತು. ಅದಕ್ಕೇ ಕೈಯಲ್ಲಿದ್ದ ಕ್ಯಾಮೆರಾದಿಂದ ಕ್ಲಿಕ್ಕಿಸಿದೆ ನಂತರ ಪುಟ್ಟಪದಗಳೊಡನೆ ಬ್ಲಾಗಿಸಿದೆ.
ನೀವೇನಂತೀರಿ? ಎಂದು ಕ್ಷಣ ಚಿಂತಿಸುತ್ತಾ ....!!!!